Eedjo dokafo Onghalamwenyo yopaKriste noilonga yokuudifa
3-9 JANUALI
OMAMONA OMEENDJOVO DAKALUNGA | OVATOKOLIPANGELI 15-16
“Oukengeleledi oshinima shififa ohoni”
Oukengeleledi owa hapupala momafiku axuuninwa
Tete, natu ka kundafaneni kombinga yaDelila oo a li a kengelela omushamane waye Simson. Omutokolipangeli Simson okwa li a hala okulwifa Ovafilisti ponhele yoshiwana shaKalunga. Molwaashi ovakulunhu vOvafilisti vatano otashi dulika va li ve shii kutya Delila ke fi omudiinini kuSimson, ova li ve mu udanekela oimaliwa ihapu ngeenge okwe va lombwele kutya eenghono daSimson ohadi di naanaa peni opo va dule oku mu dipaa. Delila okwa li a tambula ko ombubo omolwolwisho, ashike eenghendabala daye dokuholola oshiholekwa osho oda li da ponya lwoikando itatu. Opo nee, okwa twikila oku mu fininika “efiku keshe neendjovo daye noku mu hepeka.” Xuuninwa, Simson “okwa loloka fiyo okufya.” Okudja opo, okwe mu lombwela kutya eexwiki daye inadi kululwa nghee a dalelwe nonokutya ngeenge oda kululwa ko ita kala vali e na eenghono. Eshi Delila e shi uda, okwa kulula ko eexwiki daSimson fimbo a li a kofela komatundji aye, ndele ta ifana ovatondi vaye ve mu ningile keshe osho va hala. (Ovatok. 16:4, 5, 15-21) Delila ka li tuu a ninga oshinima shii neenghono omolwolwisho! Okwa li a kengelela omulumenhu waye oo a li e mu hole.
Omanenediladilo okudja membo lOvatokolipangeli
14:16, 17; 16:16. Okuthininika gumwe mokulila nokutsitsimika otaku vulu okuyona po ekwatathano. — Omayeletumbulo 19:13; 21:19.
Oukengeleledi owa hapupala momafiku axuuninwa
Ongahelipi ovalihomboli tava dulu okukala ovadiinini kookaume kavo kopahombo? Eendjovo daKalunga oda ti: ‘Kala ho nyakukilwa omukainhu [ile omushamane] woye womounyasha woye,’ noda ti yo kutya ‘hafifa omwenyo woye pamwe nomwalikadi [ile nomushamane] woye ou u mu hole.’ (Omayel. 5:18; Omuud. 9:9) Eshi ovalihomboli tava ende tava kulupa, ove na okutwikila okuninga eenghendabala va kaleke po ekwatafano lavo la kola. Ngahelipi mbela? Ova pumbwa okukala hava ulikilafana ohole, have liwanifile po eemhumbwe davo nosho yo okukala pamwe efimbo la wana. Ove na yo okukendabala va mana mo opo va kaleke po ohombo yavo nosho yo ekwatafano lavo naJehova. Osho otava dulu oku shi ninga mokukala hava konakona Ombibeli pamwe, hava longo pamwe moukalele pandjikilile nosho yo okwiilikana pamwe opo Jehova e va nangeke noupuna.
NATU KALENI OVADIININI KUJEHOVA
Ovanhu ovo hava nyono sha kwata moiti meongalo lopaKriste ohava handukilwa ‘neenghono, opo va veluke meitavelo.’ (Tit. 1:13) Vamwe ohava kondwa mo meongalo omolwelihumbato lavo lii. Outekuduliko wa tya ngaho ohau kwafele ovo “va tekulwa” kuo va veluke pamhepo. (Heb. 12:11) Ndele mbela ongahelipi ngeenge omupambele wetu ile kaume ketu kopofingo okwa kondwa? Onghedi omo hatu ka ungaunga nomunhu oo otai ka ulika ngeenge otu li ovadiinini kuJehova ile hasho. Jehova ote ke shi mona mo yo kutya ohatu dulika ngoo shili kelombwelo laye li na sha nokuhaendafana naavo va kondwa ile hasho. — Lesha 1 Ovakorinto 5:11-13.
Omamona opamhepo
w05-E 3/15 27 ¶6
Simson okwa li a findana kekwafo leenghono daJehova
Eshi Simson a li ta ningi eenghendabala doku ka lwifa Ovafilisti, ka li e na elalakano limwe li lili, ndele olo ashike olo. Naashi a ka ya meumbo lombwada muGasa, onelalakano ashike loku ka lwifa ovatondi voshiwana shaKalunga. Simson okwa li a pumbwa apa ta nangala oufiku oo, moshilando osho shovatondi vaye, nomeumbo lombwada omo ashike a li ta dulu okunangala. Simson ka li e na momadiladilo asha, sha nyika elihumbato lii. Meumbo lomukulukadi oo okwa dja mo mokati koufiku, nokwa tumba po eengudi domivelo doshilando, ndele te di twala koxulo yomhunda i li popepi naHebron, oyo ya li kokule oshinano sheekilometa 60. Osho osha li sha ningwa pahalo laKalunga, nokeenghono daye. — Ovatokolipangeli 16:1-3.
10-16 JANUALI
OMAMONA OMEENDJOVO DAKALUNGA | OVATOKOLIPANGELI 17-19
“Okuhadulika kOmhango yaKalunga ohaku etifa omaupyakadi”
it-2-E 390-391
Mika
1. Opa li omulumenhu umwe Omuefraim, wedina Mika. Okwa li a nyona oshipango oshitihetatu shomOipango Omulongo (Ex 20:15), eshi a vaka eesekeli doshisiliveli 1 100, daina. Eshi e liholola noku di shunifa, ina okwa ti: “Oimaliwa oyo yomeke lange ame ohandi i yapulile Omwene, omumwange e i longife okuninga oshihongwafano noshitelekwafano. Paife eshi ame ohandi i ku alulile.” Opo nee ina okwa kufa eesekeli 200 doshisiliveli ndele te di pe omuhambwidi, ndele ye okwe di “ninga oshihongwafano noshitelekwafano, oyo ya li meumbo laMika.” Mika, oo a li a e na ‘ongulu yakalunga,’ okwa li a ninga oshikutu shokomapepe noikalunga, nokwa li a tula po omona waye umwe omulumenhu a kale omupristeli waye. Nonande vati osha li sha ningwa nelalakano lokutumbaleka Jehova, kasha li mondjila nandenande, molwaashi osha li tashi nyono oshipango osho sha dilika okulihongela oikalunga (Ex 20:4-6) osha li yo sha hopaenena etwalihangano laJehova nosho yo oupristeri. (Ovatok 17:1-6; Deut 12:1-14) Lwanima, Mika okwa li a eta Jonatan meumbo laye, omupambele waGersom, omonamati waMoses, nokwa ninga Omulevi oo, omunyasha, omupristeli waye. (Ovatok 18:4, 30) Nonande osho osha puka, Mika okwa li e udite e shi denga komutwe, nokwa li a popya ta ti: “Paife ndi shi shii nokutya, Omwene ta ka ningila nge nawa.” (Ovatok 17:7-13) Ashike Jonatan ka li womopata laAron, noka li a wana okulonga oshilonga shoupristeli, naasho osha li ashike sha wedela ko komapuko aMika. — Num 3:10.
it-2-E 391 ¶2
Mika
Diva konima yaasho, Mika novalumenhu vamwe, a li navo, ova li tava kongo Ovadan. Eshi ve va hanga, ndele tava pulwa kutya oupyakadi owashike, Mika okwa ti: “Nye mwa kufa po oikalunga yange, nde i ninga nomupristeli, ndele tamu i: ‘Ondi na shike vali?’” Opo nee ovana vaDan ova li va londwela shi na sha naasho shi na oupu shi ningwe po ngeenge Mika okwa twikile oku va shikula noku va ingida, te va ningile ekangha. Eshi Mika a mona kutya Ovadan ove na eenghono, ve dule etangakwaita laye, okwa shuna keumbo. (Ovatok 18:22-26) Ovadan lwanima ova ka ponokela, nokuxwika po Lais, tava tungulula oshilando shaDan, a pa sha li nale. Jonatan novanamati ova ka ninga ovapristeli vOvadan, “ovo ve lidikila oshihongwafano shaMika, osho sha ningwa kuye, momafiku aeshe etwali laKalunga la li muSilo.” — Ovatok 18:27-31.
Omamona opamhepo
Ombibeli oyo tai kumu omitima
Kunena, ope na oumbangi muhapu shi dulife nale oo tau ulike kutya osha yuka okulongifa edina Jehova. Mo-New World Translation yomo 2013, ola holoka mo lwoikando 7 216. Ola holoka mo oikando ihamano ya wedwa po mokuyelekanifa no-New World Translation ikulu. Itano yomuyo oye likolelela keemhito opo la holoka momishangwatonywa odo da hangwa lwopEfuta la Fya omido opo da di ko. (Tala eshangelo lopedu.) Eemhito opo la holoka oikando oyo itano mo-New World Translation omu 1 Samuel 2:25; 6:3; 10:26; 23:14, 16. Oshikando oshitihamano omOvatokolipangeli 19:18, nopomhito opo edina laKalunga ola wedwa mo li li oumbangi oo tau hangwa momashangelo Ombibeli amwe makulu e shii okulineekelwa.
17-23 JANUALI
OMAMONA OMEENDJOVO DAKALUNGA | OVATOKOLIPANGELI 20-21
“Twikila okupula ekwafo kuJehova”
Mbela ito dulu okuhopaenena Pinehas ngeenge wa taalela omashongo?
Konima eshi omukulukadi wopomunghulo wOmulevi umwe a li a kwatwa onghonga nokudipawa efyo linyanyalifi kovalumenhu vomuGibea vomepata laBenjamin, omapata makwao aIsrael okwa li a tokola oku ka lwifa Ovabenjamin. (Ovatok. 20:1-11) Ova li va ilikana kuJehova ofimbo inava ya molwoodi, ndele nande ongaho, ova li va findwa filufilu lwoikando ivali. (Ovatok. 20:14-25) Mbela ova li ve na okufika pexulifodiladilo kutya omailikano avo inaa udika? Mbela Jehova okwa li ngoo shili a hokwa onghedi omo omapata oo a li e linyenga omolwowii oo wa li wa longelwa omukainhu oo?
Mbela ito dulu okuhopaenena Pinehas ngeenge wa taalela omashongo?
Mbela oshike hatu dulu okulihonga moshimoniwa osho? Ohatu lihongo mo kutya omafimbo amwe meongalo ohamu twikile okukala mu na omaupyakadi onhumba nokuli nonande ovakulunhuongalo ova ninga eenghendabala da mana mo nova indila ekwafo kuKalunga. Ngeenge osho osha ningwa, ovakulunhuongalo ove na okudimbuluka eendjovo daJesus odo tadi ti: “[Kaleni nokwiindila, NW], ndee tamu pewa, kongeni, ndee tamu mono, kongholeni, ndee tamu yeululwa.” (Luk. 11:9) Ovapashukili ove na okukala noushili kutya Jehova ota ka nyamukula omailikano avo pefimbo laye la wapala, nokuli nonande ove wete pa fa pa pita efimbo lile.
Omamona opamhepo
w14-E 5/1 11 ¶4-6
Owe shi shiiva tuu?
Okafuta oka li haka longifwa ngahelipi moita pefimbo lonale?
Okafuta oshilwifo osho David a li a longifa eshi a dipaa omutongolume Goliat. David okwa fa e lihonga okuumba okafuta pefimbo lomido odo a li omufita weedi, eshi a li okamatyona — 1 Samuel 17:40-50.
Pefimbo lOmbiibeli, okafuta oka li haka longifwa kOvaegipti nOvaassiria. Okafuta ohaka kala ke na okapa, ile okavando, ka mangelwa komakenya, ile keengodi mbali. Omuumbi wokafuta oha tula mokapa oko okamanya kongonga, ile ka fefenga nawa, kounene u fike ponyandi. Opo nee oha dungaadunga okafuta oko mombada, ta efa ongodi imwe, opo nee okamanya ohaka i, taka ka denga ka diinina, apa a shoneka.
Ovalafululi vokOushilo woPokati ova mona oumanya vahapu voufuta, va li hava longifwa moita pefimbo lonale. Omapendafule omoita oo a li a pyokoka, otashi dulika a li haa umbu oumanya oshikuti shongaho, tava i kokule, ponhapo yeekilometa 160 fiyo 240 movili. Ovahongwanhu itava tu kumwe shi na sha nongeenge okafuta otaka dulu ngoo okuya oshinano sha fa shouta wanangongo, ile hasho, ashike okafuta ihaka shekuna naanaa. — Ovatokolipangeli 20:16.
24-30 JANUALI
OMAMONA OMEENDJOVO DAKALUNGA | RUT 1-2
“Kulika ohole i na oudiinini”
Natu hopaeneneni ookaume kaJehova vopofingo
Rut okwa li e na ovapambele ve li kuMoab, nongeenge ngeno okwa shunine, otashi dulika ngeno ve ke mu fila oshisho. Okwa li e shii ovanhu, elaka nosho yo eputuko lako. Naomi ka li ta dulu okuudanekela Rut nande oshimwe shomoinima oyo. Nokwa li yo a tila kutya pamwe ita ka monena ko Rut omushamane ile eumbo. Onghee hano, Naomi okwa li a lombwela Rut a shune kuMoab ngaashi ashike Orpa a “shuna koshiwana shavo nokookalunga vavo.” (Rut 1:9-15) Ashike Rut okwa li a tokola aha shune koshiwana shavo nokookalunga kavo.
Natu hopaeneneni ookaume kaJehova vopofingo
Otashi dulika Rut e lihonga kombinga yaJehova komushamane waye ile kuNaomi. Okwe lihonga kutya Jehova ina fa ookalunga vOvamoab. Rut okwa li e hole Jehova nokwa li e shii kutya okwa wana okukala e holike nokulongelwa. Osha yela kutya Rut okwa li a ninga etokolo li li mondjila. Okwa li a lombwela Naomi ta ti: “Oshiwana shoye sho oshiwana shange, naKalunga koye Oye Kalunga kange.” (Rut 1:16) Ohashi kumu omitima detu ngeenge hatu diladila kohole oyo Rut a li e hole Naomi. Ndele eshi shikumwifa oshosho kutya Rut okwa li e hole Jehova. Osho osha li yo sha kumwifa Boas oo lwanima a ka tanga Rut eshi a ‘konga eameno koshi yomavava’ aJehova. (Lesha Rut 2:12.) Eendjovo daBoas odo a popya otadi tu dimbulukifa nghee oudilona hava hondama momavava aina ile axe opo va amenwe. (Epsalme 36:8; 91:1-4) Sha faafana, Jehova okwa amena Rut pahole nokwe mu nangeka noupuna omolweitavelo laye. Rut ka li e lipa oushima omolwetokolo olo a ninga.
Omamona opamhepo
Omanenediladilo okudja membo laRut
1:13, 21 — Mbela Jehova okwa li a ningifa onghalamwenyo yaNaomi i kale i nyikifa oluhodi noku mu etela omaupyakadi? Aawe, Naemi ina pa Kalunga ombedhi ongaa ngoka a ninga sha sha puka. Ihe mokutala kwaashihe shoka sha li she mu ningilwa, okwa li a dhiladhila kutya Jehova ine mu hokwa. Okwa li u uvite nayi nokwa li a yemata. Kakele kaashono, pethimbo ndyoka oluvalo lwela olwa li lwa talika ko lu li eyambeko lyaKalunga nuuntimbe owa li ethingo. Naemi otashi vulika a li e wete shi li mondjila okudhiladhila kutya Jehova okwe mu shundula, molwashoka oyanamati oya sa inaaye mu valela aatekulu.
31 JANUALI – 6 FEBRUALI
OMAMONA OMEENDJOVO DAKALUNGA
“Liningila edina liwa, noku li kaleka po
w12-E 10/1 22 ¶5
‘Omukainhu a fimana’
Eshi Boas a li a popya naRut, nopehe na omalimbililo, ewi laye litalala nolombili ola li la hekeleka Rut. Boas okwa ti: “Omumwange, Omwene ne ku nangeke noupuna. Ohole yoye yopaife, we i holola, oi dule inya yotete, eshi ino shikula ovamati eehepele ile oipuna.” (Rut 3:10) Outumbulilo “yotete” otau ulike kohole i na oudiinini yaRut eshi a ya pamwe naNaomi kuIsrael noku mu fila oshisho. Outumbulilo “yopaife” otau ulike kohole oyo a li ta ulike pefimbo opo. Boas okwa li a didilika kutya omukainhu omunyasha, ngaashi Rut, otashi dulika ngeno a konga omushamane omunyasha, kutya nee oshipuna, ile omufyoona. Ndele ponhele yaasho, okwa li a hoolola okuningila Naomi ouwa nosho yo omushamane waNaomi oo a fya, a twale edina lomushamane oo a fya koshilongo shavo. Otu wete nghee Boas a li e linyengifwa komhepo yokuheliholamwene yomukainhu oo omunyasha.
w12-E 10/1 23 ¶1
‘Omukainhu a fimana’
Rut kali tuu e udite ouumbo eshi a li ta dilonga kwaasho Boas a popya, kutya okwa shiivika kovanhu aveshe kutya ‘omukainhu a fimana! Nopehe na omalimbililo, okukala kwaye a halelela okushiiva Jehova noku mu longela, osho unene sha li she mu ningifa a ulwe ngaho. Okwa li yo a ulikila Naomi ouwanghenda munene nokwe mu yavelela nosho yo oshiwana shavo, eshi a li a tambula ko nokwiikilila eenghedi nosho yo eputuko olo a li ehe shii. Ngeenge otwa hopaenene eitavelo laRut, ohatu ka ungaunga navamwe nefimaneko noita tu ka dina eputuko neenghedindjikilile davo. Ngeenge otwa ningi ngaho, nafye ohatu ka kala twa shiivikila omaukwatya a denga mbada.
w12-E 10/1 24 ¶3
‘Omukainhu a fimana’
Boas okwa hombola po Rut. Lwanima otwa ka lesha taku ti: “NOmwene okwe mu pa oufimba nokwa dala okaana okamati.” Ovakainhu vomuBetlehem ova li va nangeka noupuna Naomi, nokutanga Rut eshi a ungaunga nawa naye, e dule ngeno a li e na ovana ovamati vaheyali. Lwanima, otwa ka shiiva kutya Rut okwa ka ninga inakulululwa yohamba inene, David. (Rut 4:11-22) Ye David, oxekulululwa yaJesus Kristus. — Mateus 1:1.
Omamona opamhepo
Omanenediladilo okudja membo laRut
4:6 — Omonghedi ilipi oo ta kulile epya ta dulu ‘okunyona po’ efyuululo laye? Tango, ngele ngoka a ningi ohepele okwa landitha po epya lye ndyoka lya li uuthiga we, omukulili gweyana okwa li e na okulongitha iimaliwa yokulanda epya ndyoka kondando ndjoka ya li hayi uthwa kuule woomvula ndhoka dha hupu ko sigo omOndigolomumvo tayi landula. (Levitikus 25:25-27) Oku shi ninga okwa li haku shunitha pevi ongushu yiiniwe ye. Kakele kaashono, ando Rut okwa li a mona okanona okamati, ando epya ndyoka lya kulilwa otali ka thigululwa kokamati hoka, ihe hakomupambele gumwe gwolela gwomukulili gweyana ngoka.
7-13 FEBRUALI
OMAMONA OMEENDJOVO DAKALUNGA | 1 SAMUEL 1-2
“Mbubulila Jehova omutima woye meilikano”
Okwa li a mbubulila Kalunga omutima waye meilikano
Hanna okwa tulila po ovapiya vaKalunga aveshe oshihopaenenwa shi na sha neilikano. Jehova ota shivi pahole oshiwana shaye shi popye naye sha manguluka, nopehe na okwoongaonga, noku mu mbubulila omitima dasho ngaashi okaana ke li nomudali wako omunahole. (Lesha Epsalme 62:9; 1 Ovatessaloniki 5:17.) Omuyapostoli Petrus okwa li a nwefwa mo a shange eendjovo edi tadi hekeleke di na sha nokwiilikana kuJehova, tadi ti: “Noshisho sheni shi mu dikeni, osheshi Oye te mu file oshisho.” — 1Pet. 5:7.
w07-E 3/15 16 ¶4
Nghee Hanna a li a mona ombili
Oshike hatu lihongo moinima aishe oyo? Ngeenge hatu ilikana kuJehova kombinga yoisho yetu, ohatu dulu oku mu shiivifila nghee tu udite noku mu indila tashi di komutima. Ngeenge itatu dulu okukandula po oupyakadi, natu efele oinima momake aye. Kape na vali onghedi iwa i dule oyo. — Omayeletumbulo 3:5, 6.
Omamona opamhepo
Omanenediladilo okudja membo laSamuel wotete
2:10—Omolwashike Hanna a li a galikana opo Jehova a ‘pe omukwaniilwa gwe oonkondo’ sho pwa li kaapu na omukwaniilwa gwopantu ta pangele Israeli? Kutya Aaisraeli oya li taya ka kala ye na omukwaniilwa gwopantu osha li sha hunganekwa mOmpango yaMoses. (Deuteronomium 17:14-18) Mehunganeko lye ndyoka a hunganeka sho a li e li pokusa, Jakob okwa ti: “Ondhimbo yuukwaniilwa [endhindhiliko lyoonkondo dhopaukwaniilwa] itayi zi mo muJuda.” (Genesis 49:10) Kakele kaashono, Jehova okwa li a popi kombinga yaSara—yinakulululwa yAaisraeli—a ti: ‘Moluvalo lwe otamu ka za aakwaniilwa.’ (Genesis 17:16) Osha yela ano kutya Hanna okwa li a galikana kombinga yomukwaniilwa gwomonakuyiwa.
14-20 FEBRUALI
OMAMONA OMEENDJOVO DAKALUNGA | 1 SAMUEL 3-5
“Jehova oha yavelele”
Jehova Omunaenghono adishe ashike oha yavelele ovapiya vaye
Samuel okwa li a hovela ‘okulongela Omwene’ ketwali eshi a li munini. (1 Sam. 3:1) Oufiku umwe eshi a li a kofa, opa li pa ningwa oshinima shimwe. (Lesha 1 Samuel 3:2-10.) Okwa li a uda ondaka tai ifana edina laye. Okwa li ta diladila kutya okwa ifanwa komupristeli omukulunhu Eli, nokwa li a lotokela kuye ndele ta ti: “Aame ou, owa ifana nge.” Eli okwa li e mu lombwela kutya ine mu ifana. Eshi oshinima sha faafana sha ningwa lwoikando i dulife pu ivali, Eli okwa li a mona kutya Kalunga oye a li ta ifana Samuel. Okwa li a lombwela Samuel osho e na okuninga nokwa li a dulika. Omolwashike Jehova ine lihololela Samuel okupitila momweengeli waye oshikando shotete? Ombiibeli inai shi popya, ashike otashi dulika Jehova a ninga oinima monghedi oyo molwaashi okwa li e na ko nasha naSamuel. Ngahelipi mbela?
Jehova Omunaenghono adishe ashike oha yavelele ovapiya vaye
Lesha 1 Samuel 3:11-18. Omhango yaJehova oya lombwela ounona va fimaneke ovakulunhu. (Ex. 22:28; Lev. 19:32) Mbela osha li shipu kuSamuel a ye kuEli ongula e ke mu lombwele nouladi etumwalaka letokolo laKalunga la kwata moiti? Ahowe. Ehokololo otali tu lombwele kutya Samuel okwa li a “tila okuhepaululila Eli emoniko olo.” Ashike Jehova okwa li a yelifila nawa Eli kutya oye a li ta ifana Samuel. Oshidjemo, Eli okwa li e mu lombwela kutya na popye keshe osho Jehova e mu lombwela. Okwa ti: Ino ‘holeka nge sha shomudo Ye e di ku lombwela.’ “Samuel okwe mu hepaululila eendjovo adishe.”
Omamona opamhepo
Omanenediladilo okudja membo laSamuel wotete
3:3 — Mbela Samuel okwa li ha nangala shili mOuyapukielela? Aawe, hasho. Samuel okwa li Omulevi gwomezimo kaali shi lyaasaaseri lyAakehat. (1Ondjalulo 6:33-38) Omolwaashoka ka li a pitikwa a ‘ye mo a tale iinima iiyapuki.’ (Numeri 4:17-20) Oshitopolwa awike shuuyapuki shoka Samuel a li e na uuthemba okulongitha osha li ehale lyetsali. Moka omo a li a lala. Osha yela kutya Eli okwa li wo ha lala pehala lyontumba mehale. Uutumbulilo “moka mwa li oshikethahangano oshiyapuki” osha yela kutya otau ulike kehala moka mwa li etsalihangano.
21-27 FEBRUALI
OMAMONA OMEENDJOVO DAKALUNGA | 1 SAMUEL 6-8
“Olyelye ohamba yeni?”
it-2-E 163 ¶1
Ouhamba waKalunga
Ovanhu ova li va pula va pewe ohamba yopanhu. Konyala omido 400 okudja pefimbo letembu nosho yo omido di dule 800 okudja eshi Kalunga a li a ninga ehangano naAbraham, Ovaisrael ova li va pula va pewe ohamba yopanhu i kale tai va pangele, ngaashi oiwana imwe ina ovapangeli vopanhu. Osho osha li tashi ulike kutya ova ekelashi Jehova e li ohamba yavo. (1Sam 8:4-8) Ovanhu ova li ve na okuteelela ouhamba u dikwe po kuKalunga, metwokumwe neudaneko olo a li a udanekela Abraham naJakob, ngaashi sha tumbulwa nale. Ova li ve na etomheno la wedwa po la kanghamena kexunganeko olo la li la xunganekwa kuJakob eshi a li pokufya (Gen 49:8-10), eendjovo daJehova odo a li a lombwela Ovaisrael fimbo inava tembuka (Ex 19:3-6), oiteelelwa i na sha nehangano lOmhango (Deut 17:14, 15) nosho yo oshitukulwa shetumwalaka olo Kalunga a ningifa omuprofeti Bileam a popye. (Num 24:2-7, 17). Hanna, ina yaSamuel, okwa li a popya kombinga yeteelelo olo meilikano laye. (1Sam 2:7-10) Ndele nande ongaho, Jehova okwa li a holola ‘oshiholekwa shiyapuki’ shi na sha nOuhamba, ashike kali a popya kutya owa li tau ka dikwa po naini nonokutya otau ka kala wa tya ngahelipi, kutya otau ka kala kombada yedu, ile omeulu. Onghee, ovanhu ova li va ulika ounhwa eshi va li tava pula va pewe ohamba yopanhu.
w11-E 1/1 27 ¶1
Okwa li e lididimika nonande okwa li a nyematekwa
Didilika nghee Jehova a li e linyenga eshi Samuel a li e mu ilikana: “Pwilikina ovanhu mwaashishe tave shi ku lombwele, osheshi vo inave ku ekelashi, ndelenee va ekela nge shi ndiha kale ohamba yavo.” Osho osha li sha hekeleka Samuel, nonande osha li oshinima shinyemateka eshi oshiwana osho sha li sha ekelashi Kalunga Omunaenghono adishe! Jehova okwa li a lombwela omuprofeti waye a londwele Ovaisrael kutya otava ka hangwa komaupyakadi ngeenge ova kala ve na ohamba yopanhu. Eshi Samuel a li a dulika kuJehova, oshiwana osha li sha kondjifa sha ti: “Ahowe, ndelenee tu nokupewa ohamba.” Molwaashi Samuel okwa kala alushe ha dulika kuKalunga kaye, okwa ya ndele ta vaeke ohamba oyo Jehova a hoolola. — 1 Samuel 8:7-19.
Onghedi yaJehova yokupangela ya yukipalifwa!
Ondjokonona oya ulika oushili welondwelo olo Jehova a li a pa Ovaisrael. Okupangelwa kwOvaisrael keehamba dopanhu okwa li kwe va etela omaupyakadi a kwata moiti, unene tuu ngeenge ohamba kaya li idiinini. Ngeenge otwa tale koshihopaenenwa osho shOvaisrael, itashi kumwifa eshi omapangelo oo e li meke lovanhu ovo vehe shii Jehova a nyengwa okweeta ouwa tau kalelele oule womido dihapu. Oshoshili kutya ovanapolitika vamwe ohava indile Kalunga a nangeke noupuna eenghendabala davo dokulalakanena ombili neameno, ndele mbela ongahelipi Kalunga ta dulu okunangeka noupuna ovanhu ovo ihava dulika kepangelo laye? — Eps. 2:10-12.
Omamona opamhepo
Omolwashike u na okuninginifwa?
Elidilululo oli na okutetekela eninginifo letu okukala tu li Eendombwedi daJehova. Elidilululo onghatu yehalo liwa oyo hai ningwa kwaao a ninga etokolo nomutima aushe okulandula Kristus Jesus. Oohandimwe va tya ngaho ohava efa eenghatu davo donale di li papuko ndele tava tokola okuninga eshi sha yuka momesho aKalunga. MOmishangwa, oityalonga yOshiheberi noyOshigreka i na sha nelidilululo oi na eityo lokwaaluka ile okutanauka. Okukatuka onghatu oyo otashi ti okwaalukila kuKalunga nokufiya po ondjila ya puka. (1Eehamba 8:33, 34) Elidilululo otali pula ‘oilonga oyo tai wapalele elivelombedi.’ (Oilonga 26:20, yelekanifa NW.) Otashi tu pula tu fiye po elongelokalunga loipupulu nokukatuka metwokumwe noipango yaKalunga nosho yo oku mu liyandjela oye aeke. (Deuteronomion 30:2, 8-10; 1Samuel 7:3) Elidilululo ohali eta elunduluko mokudiladila kwetu, momalalakano etu nosho yo moikala yetu. (Hesekiel 18:31) Ohatu ‘lialuluka’ eshi hatu pingene po omaukwatya e he fi opakalunga nounhu mupe. — Oilonga 3:19; Ovaefeso 4:20-24; Ovakolossi 3:5-14.
28 FEBRUALI – 6 MARSA
OMAMONA OMEENDJOVO DAKALUNGA | 1 SAMUEL 9-11
“Pehovelo Saul okwa li omulininipiki noku shii omangabeko aye”
Enda pamwe naKalunga u na elininipiko nondjele
Diladila kwaasho sha ningilwa ohamba Saul. Eshi a li omulumenhu omunyasha okwa li e na ondjele. Okwa li e shii omangabeko aye nokwa li ta ongaonga okutambula ko oinakuwanifwa ihapu. (1Sam. 9:21; 10:20-22) Ashike mokweendela ko kwefimbo, Saul okwa ka kwatwa kounhwa. Okwa li a holola omaukwatya oo mai diva konima eshi a ninga ohamba. Pomhito imwe, ka li a ulika elididimiko eshi a li a teelela omuprofeti Samuel. Ponhele yokuulika ondjele nokulineekela Jehova a katuke onghatu ponhele yoshiwana, Saul okwa li a ninga omaxwikiloyambo nonande ka li eshi lombwelwa e shi ninge. Oshidjemo, Jehova ka li vali e mu hokwa nokwa li a kanifa eenghonopangelo dokukala ohamba. (1Sam. 13:8-14) Otashi ka kala pandunge ngeenge otwe lihongo koshihopaenenwa osho shelondwelo nokuhenuka okuninga oinima oyo tuhe na oufemba woku i ninga.
Nghee tu na okukala hatu ulike omhepo yeliyambo
Ohamba Saul yaIsrael oi li elondwelo kufye langhee okuliholamwene taku dulu oku tu ningifa tuha kale nomhepo yeliyambo. Saul okwa li omulininipiki eshi opo a ningi ohamba. (1Sam. 9:21) Okwa li a anya okuhandukila Ovaisrael ovo va sheka ouhamba waye, nonande okwa li ta dulu okuulika kutya oku na oufemba wokupopila ondodo oyo a pewa kuKalunga. (1Sam. 10:27) Ohamba Saul oya li ya efa i wilikwe komhepo iyapuki yaKalunga mokukwatela komesho Ovaisrael va ka lwife nokufinda Ovaammoni. Nokonima yaasho, okwa li a yandja efimano kuJehova nelininipiko omolwefindano olo. — 1 Sam. 11:6, 11-13.
w95-E 12/15 10 ¶1
Ovaammoni ova li va ulika outondwe, nonande ova li va ningilwa ouwa
Ovaammoni ova li va ulika outondwe, nonande ova li va ningilwa ouwa kuJehova. Jehova ka li e lipwililikila outondwe wa tya ngaho. Ombiibeli oya ti: ‘Omhepo yaKalunga ye uya kombada yaSaul, fimbo ta udu eendjovo [daNahas], ndele ye okwa handuka shili.’ Mewiliko lomhepo yaKalunga, Saul okwa li a unganeka ovakwaita 330 000, ndele tava dipaa Ovaammoni ‘noinapa kala nande vavali ve li pamwe.’ — 1 Samuel 11:6, 11.
Omamona opamhepo
Omanenediladilo okudja membo okudja membo laSamuel wotete
9:9 — Uutumbulilo “ngoka ti ithanwa ngashingeyi omuhunganeki, okwa li hi ithanwa shito omumonikokule” otau ti shike? Oohapu ndhoka otashi vulika tadhi ulike kutya sho aahunganeki ya ningi ya simana pethimbo lyaSamuel nopethimbo lyaakwaniilwa muIsraeli, oshitya “omumoni” osha li sha pingenwa po koshitya “omuhunganeki.” Samuel okwa talika ko oye gwotango gwomezimo lyaahunganeki. — Iilonga 3:24.