Eedjo dokafo Onghalamwenyo yopaKriste noilonga yokuudifa
7-13 NOVEMBA
OMAMONA OMEENDJOVO DAKALUNGA | 2 EEHAMBA 5-6
“Ava ve li pufye ovahapu, ve dule venya ve li puvo”
it-1-E 716 ¶4
Elisa
Ovaisrael va xupifwa momake aAram. Pefimbo lokupangela kwohamba yaIsrael, Jehoram, Aram okwa li a pangela omhangela a ponokele Ovaisrael. Elisa okwa li a ya moshipala eemhangela daBenhadad, oo a li a hololela ohamba Jehoram lwoikando i dulife pushimwe, eenghatu adishe odo Ovaarami va li tava katuka. Potete, Benhadad okwa li ta diladila kutya monhanda yaye omu na umwe e va li koshi. Ashike eshi a mona opo oupyakadi tau dilile okwa tuma etangakwaita laye enaenghono kuDotan, le shi dingilila neenghambe nosho yo omatemba oita, opo va ete Elisa. (EFANO, Vol. 1, ep. 950) Omupiya waElisa okwa li a tila neenghono, ashike Elisa okwa ilikana kuKalunga a pushule omesho omupiya waye, “ndele ta mono ko, ndele divadiva, omhunda aishe i yadi eenghambe nomatemba omundilo, a dingilila Elisa.” Eshi Ovaarami va ehena kuElisa, okwa ilikana, opo pa longwe oshikumwifilonga, a ti: “Denga ovanhu ava noupofi.” Elisa okwa li a lombwela Ovaarami a ti: “Shikulei nge,” ashike ka li te va kwata meke, osho tashi ulike kutya oupofi wavo kawa li wopalutu, ndele owopamadiladilo. Kava li va dimbuluka Elisa, oo va li va ila, nokava li ve shii oko te va twala. — 2Eeh 6:8-19.
Elisa okwa li a mona omatemba omundilo — mbela naave owe a mona?
Elisa okwa kala a ngungumana nokuli nonande okwa li a dingililwa kovatondi vaye eshi a li muDotan. Omolwashike mbela? Omolwaashi okwa li e na eitavelo la kola muJehova. Nafye otwa pumbwa eitavelo la tya ngaho. Onghee hano, natu puleni Kalunga e tu pe omhepo iyapuki opo tu kale tu na eitavelo nosho yo omaukwatya makwao oiimati yomhepo. — Luk. 11:13; Gal. 5:22.
it-1-E 343 ¶1
Oupofi
Oupofi, oo Elisa a li a indilila etangakwaita lOvaarami, otau ulike kutya oupofi wopamadiladilo. Ngeno okwa li etangakwaita alishe la pofipala palutu, ngeno aveshe ova li va pumbwa okukwatwa komake. Ashike ehokololo ola ti kutya, Elisa okwe va lombwela a ti: “Ondjila oyo hayo, noshilando osho hasho. Shikulei nge.” Eshi etangakwaita lOvaarami la fika kuSamaria, Jehova okwa li a pashula omesho avo. (2Eeh 6:18-20) Oupofi wa tya ngaho wopamadiladilo otashi dulika oo wa li wa kwata ovalumenhu vomuSodom molwaashi ehokololo ola ti kutya, ponhele va kale va wililwa po molwaashi kave wete ko, ova kendabala okukonga omuvelo weumbo laLot. — Gen 19:11.
Omamona opamhepo
Omanenedhiladhilo okuza membo lyAakwaniilwa aatiyali
5:15, 16 — Omolwashike Elisa a li inaa taamba omagano gaNaeman? Elisa okwa li a tindi omagano molwaashoka okwa li a zimina kutya oshikumithalonga shokwaaludha Naeman osha li sha longwa koonkondo dhaJehova, ihe hakoonkondo dhe mwene. Elisa ka li nando e na edhiladhilo lyokulikola miilonga mbyoka a li a pewa kuKalunga. Aalongelikalunga yashili nena nayo ihaya lalakanene okwiilikolela sha miilonga yaJehova. Ohaya taamba ko ekumagidho lyaJesus ndyoka tali ti: “One mwa pewa oshindji omagano, gandjeni wo omagano.” — Mateus 10:8.
14-20 NOVEMBA
OMAMONA OMEENDJOVO DAKALUNGA | 2 EEHAMBA 7-8
“Jehova oha ningifa”
it-1-E 716-717
Elisa
Ashike lwanima, Benhadad omutivali ka li e va ponokela e va kufe oinima, ndele oku kwate ko nokukondeka Samaria. Onghalo oyo oya li idjuu neenghono nohamba oya li ya lopotelwa kutya omukainhu umwe okwa lya ombelela yomonamati waye. E li oludalo laAhab, “omona womudipai,” ohamba Jehoram oya li ya tokola okudipaa Elisa. Ashike osho kasha li sha ningwa. Eshi Jehoram a fika peumbo lomuprofeti pamwe nomuyakuli wovakwaita waye, okwa popya kutya ine lineekela vali mekwafo laJehova. Elisa okwa shilipaleka ohamba kutya, ota ku ka kala oikulya ihapu mefiku la shikula ko. Omuyakuli wovakwaita wohamba okwa li a yemba exunganeko olo, nokwa ningifa Elisa e mu lombwele a ti: “Tala ove mwene oto ke shi mona, ndelenee ito ka lya kuyo.” Eshi Jehova a ningifa monhanda yOvaarami mu udike omaweelelo, oshe va ningifa va diladile kutya ova ponokelwa ketangakwaita linene loiwana i lili noku lili novafaduka po va fiya po oikulya aishe oyo ya li monhanda. Eshi ohamba ya mona kutya Ovaarami ova faduka po, oya nangeka po omuyakuli wovakwaita a pashukile poshivelo shaSamaria, ashike okwa lyatwa fiyo a fila poshivelo, eshi ongudu yOvaisrael ovo va fya ondjala ya tondoka i ka kwate ko onhanda. Oikulya okwe i mona, ashike ine i lya. — 2Eeh 6:24–7:20.
Omamona opamhepo
it-2-E 195 ¶7
Olamba
Eehamba domepata laDavid. Jehova Kalunga okwa li a nangeka po ohamba David mouhamba waIsrael, na David okwa li a ulika kutya oku li omuwiliki woshiwana omunaendunge ta wilikwa kuKalunga. Onghee okwa li ha ifanwa “olamba yaIsrael.” (2Sam 21:17) Eshi Jehova a ninga ehangano naDavid, okwe mu udanekela a ti: “Olukalwapangelo loye tali ka kala la pama fiyo alushe.” (2Sam 7:11-16) Onghee eehamba domepata laDavid, okudja kuDavid fiyo okomonamati Salomo, oda li onga “olamba” kOvaisrael. — 1Eeh 11:36; 15:4; 2Eeh 8:19; 2Omaf 21:7.
21-27 NOVEMBA
OMAMONA OMEENDJOVO DAKALUNGA | 2 EEHAMBA 9-10
“Okwa li e na ouladi”
Jehu okwa li ha yambidida elongelokalunga la koshoka
Jehu okwa li a pewa oshinakuwanifwa kuJehova eshi oshiwana shaIsrael sha li sha duka okulonga owii. Pefimbo opo, Ovaisrael ova li va nwefwa mo nai komufiyekadi waAhab, Isabel, ina yohamba Joram oyo ya li tai pangele. Isabel okwa li a ladipika ovanhu va longele Baal ponhele yokulongela Jehova, a li a dipaifa ovaprofeti vaKalunga, a li a nwefa mo ovanhu ‘nokuhaelwa’ kwaye nosho yo ‘noundudu’ waye. (2 Eeh. 9:22; 1 Eeh. 18:4, 13) Jehova okwa li a lombwela Jehu a ka hanaune po oukwaneumbo waAhab aushe, mwa kwatelwa Joram naIsabel.
Jehu okwa li ha yambidida elongelokalunga la koshoka
Eshi Jehu a li a anya okukundafana novatumwa vavali ovo va li va tumwa kuye, okwa li a shakenekwa kohamba Joram nokukaume kayo Ahasia, ohamba yaJuda, ve li momatemba avo oita. Joram okwa li a pula a ti: “Ombili tuu Jehu?” ndele Jehu okwe mu nyamukula a ti: “Oshike? Ombili yashike, fimbo okuhaelwa kwanyoko Isebel [noundudu] waye u li po uhapu?” Joram okwa li a halukifwa keendjovo daJehu nokwa tanauka a faduke po ngeno. Jehu okwa li a kufa outa meendelelo ndele ta yashe Joram noshikuti pomutima nokwa fila metemba laye. Nonande Ahasia okwa li a mona omhito yokuya onhapo, Jehu okwa li e mu shikula ndele naye te mu dipaa. — 2 Eeh. 9:22-24, 27
Okudja opo, Jehu okwa li e na oku ka dipaa ohambanghainhu Isabel oyo nayo ya li oshilyo shoukwaneumbo waAhab. Jehu okwa li a ula Isabel sha yuka eshi a ti kutya “omutulwa omutima.” Eshi Jehu a li ta shingi etemba laye muJisreel, okwa li a mona Isabel te mu talele mekende lombala. Opo nee, Jehu okwa lombwela ovakwaita vomombala sha yela nawa a ti kutya nava umbile Isabel pondje okupitila mekende nokwa lyataula omupukifi wOvaisrael oo neenghambe. Konima yaasho, Jehu okwa ya a ka dipae oilyo vali ikwao youkwaneumbo wohamba ikolokoshi Ahab. — 2 Eeh. 9:30-34; 10:1-14.
Jehu okwa li ha yambidida elongelokalunga la koshoka
Jehu okwa li a tilashi shili ohonde ihapu, ndele nande ongaho, okwa popiwa mOmishangwa kutya okwa li omulumenhu omuladi oo a li a mangulula Ovaisrael moupika waIsabel noukwaneumbo wavo. Nonande ngeno Jehu haye a li a ninga oshinima osho, Israel okwa li ashike e na okumangululwa komuwiliki omuladi nomukwanyati. Emboitya limwe lOmbibeli ola ti: “Osho osha li oshilonga shidjuu nosha li sha longwa nopehe na okwoongaonga. Ngeno kapa li pa ningwa eenghendabala da kwata moiti, otashi dulika ngeno elongelokalunga laBaal inali xulifwa po muIsrael.”
Nopehe na omalimbililo, otashi dulika wa mona kutya eenghalo odo hadi shakenekwa kOvakriste kunena otadi va pula va ulike omaukwatya onhumba a fa oo a li e niwe kuJehu. Pashihopaenenwa, otu na okulinyenga ngahelipi ngeenge hatu yelekwa tu ninge oinima oyo Jehova a tokola? Otu na okukala hatu ningi omatokolo meendelelo nonouladi tuha ninge oinima ya tya ngaho. Etilokalunga oli na alushe oku tu linyengifa tuhe lididimikile keshe osho tashi shekifa Jehova.
Omamona opamhepo
Jehu okwa li ha yambidida elongelokalunga la koshoka
Jehu otashi dulika a li ta diladila kutya opo ouhamba waIsrael u kale wa manguluka ko kwaau waJuda, ou na okukala melongelokalunga la yooloka ko kwaali louhamba waJuda. Onghee hano, okwa li a ningifa ovanhu va longele onhana ngaashi eehamba dikwao daIsrael da li da ninga. Ndele osho otashi ulike kutya ka li e na eitavelo la kola muJehova oo a li e mu ninga ohamba.
Jehova okwa li a pandula Jehu molwaashi ‘a li a ninga eshi sha yuka momesho aye.’ Ndele nande ongaho, Jehu “ina diinina nokweenda nomutima aushe momhango yOmwene Kalunga kaIsrael.” (2 Eeh. 10:30, 31) Ngeenge owa diladila kwaashishe osho Jehu a ninga metetekelo, otashi dulika osho a ka ninga lwanima shi ku kumwife noku ku nyikifa oluhodi. Ndele osho a ninga oshi li elondwelo kufye. Katu na nande okukwata okahetengi ekwatafano letu naJehova! Otwa pumbwa okukulika oudiinini kuTate yetu womeulu efiku keshe mokukala hatu konakona eendjovo daye, hatu dilonga kudo nokwiilikana tashi di komutima. Onghee hano, natu kendabaleni okukala hatu wilikwa keemhango daJehova nomutima aushe. — 1 Kor. 10:12.
28 NOVEMBA–4 DESEMBA
OMAMONA OMEENDJOVO DAKALUNGA | 2 EEHAMBA 11-12
“Omukainhu omukolokoshi ita efiwa a kale ina tokolwa”
it-1-E 209
Atalia
Ngaashi ashike ina, Isabel, Atalia okwa li a ningifa omushamane waye, Jehoram, a ninge osho shii momesho aJehova momukokomoko womido hetatu dokupangela kwaye. (1Eeh 21:25; 2Omaf 21:4-6) Ngaashi ina a li a ninga, Atalia okwa dipaifa ovanhu ovo vehe na ondjo. Eshi omonamati waye omukolokoshi Ahasia a fya, konima eshi a pangela omudo umwe, okwa dipaa aveshe ovo va dja mepata leehamba, kakele kokaana Josafat, oko ka li ka holekwa komupristeri munene nomukulukadi waye, oo a li omumwaina waxe yaJosafat. Atalia okwa li e lininga ohambakainhu oule womido hamano, c. 905-899 K.O.P. (2Omaf 22:11, 12) Ovanamati vaye ova li va vaka motembeli yaJehova oinima iyapuki, nova li ve i yambela Baal. — 2Omaf 24:7.
it-1-E 209
Atalia
Eshi Joas a wanifa eedula heyali, Omupristeri Omukulunhu oo ha tila Kalunga, Jehoiada okwa ya kuye meholeko, ndele te mu vaeke, opo a ninge omupangeli. Eshi Atalia a uda omaweelelo, okwa tondokela kotembeli, naashi a mona osho tashi ningwa po, okwa ingida a ti: “Ekengelelo! Ekengelelo!” Omupristeri Omukulunhu Jehoiada okwa li a yandja elombwelo, opo Atalia a kufwe mo motembeli noku ka dipaelwe poshivelo sheenghambe mombala, otashi dulika oye a li waxuuninwa moukwaneumbo waAhab oo wa nyonauka. (2Eeh 11:1-20; 2Omaf 22:1–23:21) Osho osha yela filufilu kutya: “Ondjovo yOmwene nande imwe itai wile poshi, ondjovo oyo Omwene e i popila epata laAhab”! — 2Eeh 10:10, 11; 1Eeh 21:20-24.
Omamona opamhepo
it-1-E 1265-1266
Joas
Ohamba oyo inyasha oya li tai shi endifa nawa, eshi Omupristeri Omukulunhu Jehoiada a li e na omwenyo nokwa li e li ngaashi xe nomuyandjimayele waye. Joas okwa hombola eshi a li e na eedula 21, nokwa li e na ovakulukadi vavali, edina laumwe oJehoadin, Joas okwa li a dala ovanamati novanakadona. Kungaho epata laDavid, omo mwa li tamu ka dja Messias, olo la li hanga li kombwe po filufilu, ola li vali la pamekwa. — 2Eeh 12:1-3; 2Omaf 24:1-3; 25:1.
5-11 DESEMBA
OMAMONA OMEENDJOVO DAKALUNGA | 2 EEHAMBA 13-15
“Eenghendabala da mana mo ohadi eta omanangeko noupuna mahapu”
Oto shikula ngoo Kristus pauyadi?
11 Opo tu mone nghee sha fimana okukala ovaladi moilonga yaKalunga, natu didilike osho sha li sha ningwa po monghalamwenyo yohamba yaIsrael yedina Joas. Joas okwa li a ya kuElisa ta lili shi na sha naashi Ovaarami (Ovasiria) va li ve li pokufinda Ovaisrael. Omuprofeti okwa li a lombwela Joas a ti kutya na umbe oshikuti mekende a yukifa kuSiria, tashi ulike kutya Jehova ota ka finda oshiwana osho. Osho osha yela kutya osha li sha pameka ohamba. Elisa okwa li vali a lombwela Joas a kufe oikuti yaye ndele te i denge pedu. Joas okwa li ashike e i denga pedu lutatu. Osho osha li sha handukifa Elisa, molwaashi okudenga pedu lwoikando itano ile ihamano osha li tashi ulike kutya ‘Ovaarami otava ka tewatewa sheke.’ Joas okwa li ashike ta ka findana lutatu. Molwaashi Joas ka li a ulika ouladi wa xwama, ka li a pondola pauyadi. (2 Eeh. 13:14-19) Oshilihongomwa shilipi hatu lihongo mehokololo olo? Oshosho kutya Jehova ote ke tu nangeka ashike noupuna munene ngeenge otwe mu longele nomutima aushe nonouladi.
‘Ava tave mu kongo, ote va pe ondjabi’
Jehova oha pe oolyelye ondjabi? Paulus okwa ti kutya ‘ovava tave mu kongo.’ Embo lomauyelele lovatoloki vOmbibeli ola ti kutya oshitya shOshigreka osho sha tolokwa ‘ava tave mu kongo’ inashi hala kutya “okuya u ka konge” ndele ponhele yaasho, otashi yandje ediladilo lokukendabala “okulongela” Kalunga. Embo lomauyelele limwe vali ola yelifa kutya oshityalonga osho shOshigreka otashi ulike keenghendabala da mana mo. Onghee hano, Jehova oha yandje ondjabi kwaavo tave linyengifwa keitavelo ve mu longele nomutima aushe nohole nonouladi. — Mateus 22:37.
Ongahelipi Jehova ha yandje ondjabi kovapiya vaye ovadiinini? Okwe va udanekela onakwiiwa ya denga mbada, omwenyo waalushe mOparadisa kombada yedu, oyo tai ulike kutya oha yandje noku na ohole i fike peni. (Ehololo 21:3, 4) Nokuli nopaife, ovo tava kongo Jehova va mana mo ohava mono omanangeko noupuna a denga mbada. Kekwafo lomhepo iyapuki nosho yo ounongo waye oo tau hangwa mEendjovo daye, ohava kala ve udite va wanenwa nova nangekwa noupuna. — Epsalme 144:15; Mateus 5:3.
Omamona opamhepo
Omanenedhiladhilo okuza membo lyAakwaniilwa aatiyali
13:20, 21 — Mbela oshikumithalonga shino otashi yambidhidha esimaneko lyiinima iiyapuki yopalongelokalunga? Hasho nando. Ombiimbeli itayi ulike nando kutya omasipa gaElisa oga li ga simanekwa. Oshikumithalonga shika osha li owala sha longwa koonkondo dhaKalunga, ngaashi naanaa iikumithalonga ayihe mbyoka Elisa a li a longa manga a li e na omwenyo.
12-18 DESEMBA
OMAMONA OMEENDJOVO DAKALUNGA | 2 EEHAMBA 16-17
“Elididimiko laJehova oli na ongaba”
it-2-E 908 ¶5
Salmaneser
Eenghonopangelo domuIsrael. Pefimbo lepangelo lohamba yaIsrael, Hosea (c. 758-740 K.O.P.), Salmaneser V okwa li a ya kuPalestine na Hosea okwa li a ninga omupiya waye nokwa li e mu fininika a yandje oifendela yokomudo. (2Eeh 17:1-3) Ashike lwanima, Hosea okwa li a dopa okufuta oifendela nokwa li e limanga kumwe nohamba yaEgipiti. (Tala SO.) Osho osha ningifa Salmaneser a tule Hosea modolongo, nolwanima okwa ka nangela Samaria oule weedula nhatu, okudja opo oshilando sha dingililwa komakuma male xuuninwa osha ka teka po nOvaisrael ova li va twalwa moukwatwa. — 2Eeh 17:4-6; 18:9-12; yelekanifa Hos 7:11; Hes 23:4-10.
it-1-E 414-415
Oukwatwa
Osho sha li sha ningifa ouhamba wokolundume womapata omulongo aIsrael nosho yo ouhamba wokolukadi womapata avali aJuda a ye moukwatwa osha faafana: ova li va efa po okulongela Jehova, noku ka longela oikalunga. (Deut 28:15, 62-68; 2Eeh 17:7-18; 21:10-15) Jehova okwa kala te va tumine lwoikando ovaprofeti vaye ve va londwele, ashike kava li va pwilikina. (2Eeh 17:13) Kape na ohamba yomeehamba douhamba womapata omulongo aIsrael ya xulifa po filufilu okulongela oikalunga, osho sha li sha tulwa po kohamba yotete yoshiwana osho, Jeroboam. Juda, omumwaina wouhamba wokolundume, okwa dopa okushikula omalondwelo aJehova a yukilila nosho yo oshihopaenenwa shOvaisrael ovo va li moukwatwa. (Jer 3:6-10) Oiwana yomauhamba aeshe oya li ya twalwa moukwatwa, keshe shimwe okoshitukulwa shi lili.
Omamona opamhepo
it-2-E 847
Omusamaria
Outumbulilo “Ovasamaria” owa holoka oshikando shotete momishangwa konima eshi ouhamba womapata omulongo aSamaria a findwa mo 740 K.O.P.; outumbulilo oo owa yukifwa kwaavo va li hava kala kouhamba wokolundume, ofimbo Samaria sha li inashi findwa eshi mwa li muhe na ovanailongo ovo lwanima va ka etwa mo va dja koitukulwa imwe youhamba wOvaasiria. (2Eeh 17:29) Osha fa shi li ngaha kutya Ovaasiria kava li va hanauna po Ovaisrael aveshe ovo va li muSamaria, osheshi ehokololo olo li li mo 2 Omafimbo 34:6-9 (yelekanifa 2Eeh 23:19, 20) otali ulike kutya pefimbo lepangelo lohamba Hosea natango moshilando omo omwa li Ovaisrael. Mokweendela ko kwefimbo, outumbulilo “Ovasamaria” owa li tau ulike koludalo laavo va fyaala muSamaria nosho yo ovo va etwa mo kOvaasiria. Onghee hano, osha yela kutya vamwe ova li oludalo lovanhu va ovakana. Lwanima, outumbulilo oo owa ka kala u na sha noinima yopalongelokalunga ponhele yokukala u na edimba lomuhoko, ile loinima yopapolitika. “Omusamaria” ota ulike komunhu oo a li melongelokalunga olo la li tali dana onghandangala muSekem naSamaria shonale, ovo va li ve na omahongo a yooloka ko kwaao Ovajuda. — Joh 4:9.
19-25 DESEMBA
OMAMONA OMEENDJOVO DAKALUNGA | 2 EEHAMBA 18-19
“Nghee ovapataneki vetu hava kendabala oku tu nghundipaleka”
Omanenedhiladhilo okuza membo lyAakwaniilwa aatiyali
18:19-21, 25 — Mbela Hiskija okwa li a ningi ehangano naEgipiti? Aawe. Rabsake okwa li a popi iifundja sho a ti kutya Hiskija okwa li e shi ningi, nokwa li a popi wo iifundja sho a ti kutya okwa li u ‘uthwa kOMUWA’ okuponokela Hiskija noshilongo she. Omukwaniilwa omudhiginini Hiskija okwa li i inekela muJehova oye awike.
w10-E 7/15 13 ¶3
“Ino kala wa tila. Ame mwene ohandi ku kwafele”
Rabsake okwa li a longifa okutomhafana kwoukengeleledi, opo a kune omalimbililo. Okwa ti: “[Jehova] haye ou, oikulundu yaye neealtari daye Hiskia a hanauna po? . . . Omwene okwa lombwela nge, ta ti: ‘Inda u ka lwife oshilongo eshi, u shi hanaune po.’” (2Eeh 18:22, 25) Kungaho Rabsake okwa li ta ti kutya Jehova ita ka lwa ponhele yoshiwana shaye molwaashi ine shi hokwa. Ashike osho kashi fi shoshili nandenande. Jehova okwa li a hokwa Hiskia nOvajuda ovo va li va alukila kelongelokalunga lashili. — 2Eeh 18:3-7.
Ovafita Va-7 Novakulunhu Va-8 Otava Faneke Shike Kunena?
14 Ohamba yaAssiria oya li ya onga onhanda puLakis, osho sha li kouningininolukadi waJerusalem. Oya li ya tuma ovatumwa vatatu okudja konhanda oyo va ye kuJerusalem va ka lombwele oshiwana shi liyandje. Omupopikalelipo wayo oo a li ha ifanwa edinafimaneko Rabsake okwa li ta longifa eenghedi domonanguwi di lili noku lili. Okwa li a popya mOshiheberi ta ladipike oshiwana shi kengelele ohamba yasho noshi liyandje kOvaassiria, noku va udanekela kutya ote ke va twala kedu oko tava ka hafela onghalamwenyo. (Lesha 2 Eehamba 18:31, 32.) Rabsake okwa ti yo vali kutya oikalunga yoiwana kaya li ya dula okwaamena ovalongeli vayo, nonokutya Jehova naye ita dulu okuxupifa Ovajuda momake Ovaassiria. Ashike ova li va katuka pandunge mokuhanyamukula omitotolombo odo, naasho osho hashi ningwa luhapu kovapiya vaJehova vokunena. — Lesha 2 Eehamba 18:35, 36.
yb74-E 177 ¶1
Oshitukulwa 2 — Germany
Oshihokwifa kutya ehangano laSS, olo luhapu hali kendabala okulongifa eenghedi domonanguwi, opo li ninge ovanhu va shaine omikanda, ohali tanaukile po ovanhu konima ngeenge va shaina noku va hepeka shi dulife nale. Karl Kirscht okwa ti: “Eendombwedi daJehova dihapu odo da li da ninga oihakanwa yokuningilwa ominyonena mokamba yeenghwate. Oda li hadi ningwa ngaho, opo di ningifwe di shaine omikanda. Otwa li hatu pulwa luhapu tu ninge ngaho. Dimwe oda li da shaina, ashike peemhito dihapu, oda li di na okuteelela shi dulife podula, opo di mangululwe. Pefimbo opo, luhapu ehangano laSS ola li hali va sheke moipafi kutya ove li ovakengeleledi nomavaya, nova li hava fininikwa va ka ende kovamwaxe ofimbo inava dja mo mokamba.”
Omamona opamhepo
it-1-E 155 ¶4
Ovalafululi voikulunima
Ombiibeli oya popya kutya Sanheerib, ohamba yaAsiria, okwa dipawa kovanamati vavali Adrammelek naShareser, nokwa li a pingenwa po komonamati umwe Esar-haddon. (2Eeh 19:36, 37) Ashike ondjokonona yOvababilon oya ti kutya momafiku 20 omwedi omutimulongo Sanheerib okwa li a dipawa komonamati eshi a li a tukula ounashibofa. Berossus, omupristeri waBabilon mefelemudo etitatu K.O.P., nosho yo Nabonidus, ohamba yaBabilon mefelemudo etihamano K.O.P., aveshe ova yandja ehokololo la faafana kutya Sanheerib okwa dipawa ashike kuumwe womovanamati vaye. Ndele mouyelele oo opo wa monika waEsar-haddon, omonamati oo a pingena po Sanheerib, okwa ti kutya ovamwainamati (pauhapu) ovo va tukula ounashibofa, ndele tava dipaa xe nokufaduka po. Philip Biberfeld okwa popya kombinga yoshinima osho membo Universal Jewish History (1948, Vol. I, ep. 27), a ti: “Ondjokonona yOvababilon, Nabonid naBerossus ova puka; ehokololo lopaMbiibeli olo ashike li li mondjila. Osha li sha kolekwa kouyelele aushe munini, oo wa shangwa kuEsarhaddon nowa li u li mondjila, shi na sha noshiningwanima shondjokonona yOvababilon nOvaasiria shi dulife eedjo do vene dOvababilon.”
26 DESEMBA–1 JANUALI
OMAMONA OMEENDJOVO DAKALUNGA | 2 EEHAMBA 20-21
“Eilikano ola li le linyengifa Jehova a ye mo olunyala”
ip-1-E 394 ¶23
Ohamba ya nangekwa noupuna omolweitavelo layo
23 Eshi Sanheerib a li a hala okulwifa Ovajuda oshikando shotete, Hiskia okwa li a kwatwa koudu. Jesaja okwe mu lombwela kutya ota ka fya. (Jesaja 38:1) Ohamba oyo ya li i na omido 39 oya li ya nyika oluhodi. Kaya li tai lipula ashike nonghalonawa yayo, ndele oya li yo tai lipula shi na sha nonakwiiwa yovanhu. Jerusalem naJuda ove li moshiponga shokuponokelwa kOvaasiria. Ngeenge Hiskia okwa fi, olyelye ta ka kwatela komesho olwoodi? Pefimbo opo, Hiskia ka li e na omonamati oo ta dulu oku mu pingena po. Onghee Hiskia okwa li a pula Jehova meilikano e mu file onghenda. — Jesaja 38:2, 3.
Longela Jehova nomutima aushe!
16 Lwanima, Hiskia okwa li a hovela okuvela, hanga a fye nokuli. Okwa li a indila Jehova a dimbuluke oudiinini waye. (Lesha 2 Eehamba 20:1-3.) Otu shii kutya kunena ihatu kala twa teelela Kalunga e tu velule pashikumwifilonga ile e tu wedele ko omido dokukalamwenyo kwetu. Ngaashi Hiskia a li a ninga, keshe umwe womufye ota dulu okulombwela Jehova okupitila meilikano kutya ‘Onda kala nokweenda koshipala shoye noudiinini nonomutima aushe.’ Mbela ou na ngoo elineekelo kutya Jehova ota dulu noku na ehalo loku ku kwafela u lididimike ngeenge to ehama? — Eps. 41:3.
g01-E 7/22 13 ¶4
Eilikano otali dulu okukwafela nge ngahelipi?
Pefimbo lOmbiibeli, ovalumenhu ovo va li ve na eitavelo omailikano avo okwa li a nyamukulwa odikilila, nokuli nopashikumwifilonga. Eshi ohamba Hiskia ya mona kutya itai veluka vali oya pula Jehova e mu xupife. Kalunga okwa ti: “Ame nda uda eindilo loye. Ame nda mona omahodi oye. Tala, ame ohandi ke ku velula.” (2Eehamba 20:1-6) Ovalumenhu novakainhu ovatilikalunga vamwe navo omailikano avo okwa li a nyamukulwa. — 1 Samuel 1:1-20; Daniel 10:2-12; Oilonga 4:24-31; 10:1-7.
Omamona opamhepo
it-2-E 240 ¶1
Oshiyelekifo
Oshiyelekifo otashi dulika sha li hashi longifwa, opo ku tungwe etungo la yukilila nawa, ile li talike ngeenge ola wana ngoo okukala po. Jehova okwa xunganeka kutya ota ka yelekifa Jerusalem “noshiyelekifongodi tuu shimwe nda yelekifa nasho Samaria, ndele handi ke shi yeleka noshiyelekifo osho nda yelekifa nasho epata laAhab.” Kalunga okwa li a yeleka nokwa mona kutya Samaria nosho yo eumbo lohamba Ahab ova li va nyonauka paenghedi, naasho osha li she va hanaunifa po. Sha faafana, Kalunga okwa li a tokola Jerusalem nosho yo ovapangeli vasho, a li a nyaneka pomutenya oukolokoshi washo nokwa li a hanauna po oshilando osho. Oiningwanima oyo oya li ya ningwa mo 607 K.O.P. (2Eeh 21:10-13; 10:11) Ovalitangi ovakolokoshi ve lili noku lili nosho yo ovapangeli vovanhu vomuJerusalem ova li va lombwelwa kuJehova okupitila muJesaja shi na sha noudjuu oo tau ke va hanga, a ti: “Omatokolo a yuka ohandi a ningi eyelekongodi, nouyuki ohandi u ningi oshiyelekifo.” Omifikamhango di na sha netokolo la yuka nosho yo ouyuki washili otau ka ufa kutya olyelye e li shili omupiya waKalunga naao ehe fi omupiya waKalunga, noshidjemo exupifo, ile ehanauno. — Jes 28:14-19.