Etumwalaka la fimanenena mOmbiibeli oli na sha nOuhamba waKalunga. Jehova ota ka longifa Ouhamba waye, opo a wanife po elalakano laye lopehovelo li na sha nedu. Mbela Ouhamba oo oshike? Otu shi shii ngahelipi kutya otau pangele nale? Owa wanifa po shike fiyo opapa? Otau ka ninga shike monakwiiwa? Omapulo oo otaa ka nyamukulwa moshileshwa eshi nosho yo moileshwa ivali ya shikula ko.

1. Ouhamba waKalunga oshike, nolyelye e li Ohamba yao?

Ouhamba oo epangelo olo la dikwa po kuJehova Kalunga. Jesus Kristus, e li Ohamba yao, ota pangele meulu. (Mateus 4:17; Johannes 18:36) Ombiibeli oya popya shi na sha naye ya ti: “Ota ka pangela e li Ohamba . . . fiyo alushe.” (Lukas 1:32, 33) E li Ohamba yOuhamba waKalunga, ota ka pangela ovanhu aveshe kombada yedu.

2. Jesus ota ka pangela pamwe noolyelye?

Jesus Kristus ita ka pangela oye aeke. Ota ka pangela pamwe novanhu “va dja momapata, momalaka, movanhu nomoiwana aishe . . . notava ka pangela ombada yedu ve li eehamba.” (Ehololo 5:9, 10) Ota ka pangela pamwe novanhu vangapi? Okudja eshi Jesus a li e uya kombada yedu, ovanhu omamiliyona ova enda tava ningi ovashikuli vaye. Ndele ovanhu ashike 144 000 vomuvo tava i meulu va ka pangele pamwe naye. (Lesha Ehololo 14:1-4.) Ovakriste vakwao aveshe otava ka kala kombada yedu ve li ovapangelwa vOuhamba.— Epsalme 37:29.

3. Omolwashike Ouhamba waKalunga u dule kokule omapangelo opanhu?

Nonande ovapangeli vopanhu ova kendabale okulonga ouwa, kave na eenghono dokulonga keshe osho va hala. Mokweendela ko kwefimbo, ohava pingenwa po kovapangeli vamwe, ovo tashi dulika ve lihole vo vene notashi dulika va kale inava hala okukwafela ovakwashiwana. Ashike Jesus, e li Omupangeli wOuhamba waKalunga, ke na efiku a ka pingenwe po nande okomunhu. Kalunga okwa ‘dika po ouhamba itau ka teka po fiyo alushe.’ (Daniel 2:44) Jesus ota ka pangela kombada yedu alishe, nota ka ungaunga novanhu aveshe shi fike pamwe. Oku li omunahole, omunalukeno noku hole ouyuki, nota ka honga ovanhu va kale hava ungaunga navakwao monghedi ya faafana, sha hala okutya tava ungaunga navo nohole, nolukeno nosho yo pauyuki.— Lesha Jesaja 11:9.

4. Epangelo enaenghono olo tali ka pangela kombada yedu alishe

Jesus Kristus oku na eenghonopangelo dinene e dule ovapangeli aveshe mondjokonona. Lesha Mateus 28:18, ndele tamu kundafana epulo tali shikula:

• Omolwashike taku dulu okutiwa kutya Jesus oku na eenghonopangelo dinene e dule ovapangeli vopanhu?

Omapangelo opanhu luhapu ohaa ningi kwa di eli, kwe uya likwao, nomupangeli keshe oha pangele ashike oshitukulwa shonhumba shedu. Ongahelipi shi na sha nOuhamba waKalunga? Lesha Daniel 7:14, ndele tamu kundafana omapulo taa shikula:

• Omolwashike shihokwifa okushiiva kutya Ouhamba waKalunga ‘itau ka teywa po’?

• Omolwashike shihokwifa okushiiva kutya otau ka pangela edu alishe?

5. Omapangelo opanhu okwa pumbwa okupingenwa po

Omolwashike Ouhamba waKalunga wa pumbwa okupingena po omapangelo opanhu? Dana okavidio, ndele tamu kundafana epulo tali shikula.

OKAVIDIO: Ouhamba waKalunga oshike?— Okatukulwa kaxupi (1:41)

• Oidjemo ilipi ya etifwa po komapangelo opanhu?

Lesha Omuudifi 8:9, ndele tamu kundafana omapulo taa shikula:

• Eshi to tale, mbela omapangelo opanhu okwa pumbwa ngoo okupingenwa po kOuhamba waKalunga? Omolwashike to tile ngaho?

6. Ovapangeli vOuhamba waKalunga ove udite ko eenghalo detu

Molwaashi Ohamba yetu, Jesus, oya li omunhu kombada yedu, oi tu “uditile oukwao wananghali omolwomaunghundi etu.” (Ovaheberi 4:15) Kakele kaasho, Jehova okwa hoolola ovalumenhu novakainhu ovadiinini 144 000, okudja “momapata, momalaka, movanhu nomoiwana aishe,” va ka pangele pamwe naJesus.— Ehololo 5:9.

• Mbela ku wete tashi hekeleke okushiiva kutya Jesus novapangeli pamwe naye ove shii eenghalo dovanhu? Omolwashike to tile ngaho?

7. Ouhamba waKalunga ou na eemhango da denga mbada

Omapangelo ohaa tula po eemhango odo taa diladila kutya otadi amene nokweetela ovakwashiwana ouwa. Ouhamba waKalunga nao ou na eemhango odo ovapangelwa vao ve na okushikula. Lesha 1 Ovakorinto 6:9-11, ndele tamu kundafana omapulo taa shikula:

• Mbela oto diladila kutya ounyuni otau ka kala wa tya ngahelipi, eshi aveshe ovo tava ka kala kombada yedu tava ka dulika keemhango daKalunga douyuki?a

• Mbela oto diladila kutya osha yuka ngoo eshi Jehova a teelela ovapangelwa vOuhamba va dulike keemhango odo? Omolwashike to tile ngaho?

• Oshike tashi ulike kutya ovanhu ovo ihava dulika keemhango odo otava dulu okulunduluka?— Tala ovelishe 11.

ENGONGO

Ouhamba waKalunga epangelo lolela olo li li meulu notali ka pangela edu alishe.

Eendululo

• Oolyelye ve li ovapangeli vOuhamba waKalunga?

• Omolwashike Ouhamba waKalunga u dule kokule omapangelo opanhu?

• Oinima ilipi Jehova a teelela ovapangelwa vOuhamba va wanife po?

TALA OUYELELE WA WEDWA PO

onakona kombinga yaasho Jesus a popya shi na sha naapo Ouhamba u li.

“Mbela Ouhamba waKalunga ou li momutima woye?” (Oshitukulwa shi li ko jw.org)

Omolwashike Eendombwedi daJehova da hoolola okukala didiinini kOuhamba waKalunga, ponhele yokukala didiinini komapangelo opanhu?

Ova tokola okukala ovadiinini kOuhamba waKalunga (1:43)

Konakona nghee Ombiibeli ya yelifa kombinga yovanhu 144 000, ovo Jehova a hoolola va ka pangele pamwe naJesus.

“Oolyelye tava i meulu?” (Oshitukulwa shi li ko jw.org)

Oshike sha kwafela omukainhu umwe oo a li modolongo a kale a tomhwa kutya Ouhamba waKalunga oo ashike tau dulu okweetifa po ouyuki mounyuni?

“Paife ondi shii nghee okuhenouyuki taku ka xulifwa po” (Kala oupafi!, Novemba 2011)

Ouhamba waKalunga owa hovela okupangela mo 1914. Momudo oo omo ngoo mwa hovela omafiku axuuninwa okupangela kwovanhu. Osho otu shi shii ngahelipi? Ohatu ka tala kwaasho Ombiibeli ya xunganeka, osho sha kala tashi ningwa mounyuni, nokunghee ovanhu va kala tave lihumbata okudja mo 1914.

1. Ombiibeli oya xunganeka shike?

Embo lOmbiibeli laDaniel ola ulika kutya Ouhamba waKalunga otau ka hovela okupangela pexulilo lefimbo olo hali ifanwa “omafimbo aheyali.” (Daniel 4:16, 17) Konima yomido omafele, Jesus okwa li a popya shi na sha nefimbo la faafana, a ti “eufwafimbo loiwana,” nokwa li a honga kutya efimbo olo kala li la xula natango. (Lukas 21:24) Ngaashi hatu ke shi mona, omafimbo aheyali okwa xula mo 1914.

2. Oinima ilipi ya kala tai ningwa mounyuni, novanhu ova kala tave lihumbata ngahelipi okudja mo 1914?

Ovahongwa vaJesus ove mu pula va ti: ‘Oshike tashi ka kala edidiliko lokukala po kwoye nolomafiku axuuninwa ounyuni ou?’ (Mateus 24:3) Jesus okwa xunganeka kombinga yoinima ihapu oyo ya li tai ka ningwa, ngeenge okwa hovele okupangela meulu e li Ohamba yOuhamba waKalunga. Oinima oyo oya kwatela mo oita, ondjala nosho yo omakakamo edu. (Lesha Mateus 24:7.) Ombiibeli oya xunganeka yo kutya oikala yovanhu “momafiku axuuninwa” otai ka ningifa onghalamwenyo i kale ‘idjuu okukaliwa muyo.’ (2 Timoteus 3:1-5) Eenghalo odo nosho yo oikala yovanhu oya kala i liwetikile nawa, unene tuu okudja mo 1914.

3. Omolwashike eenghalo dounyuni da hovela okunaipala okudja eshi Ouhamba waKalunga wa hovela okupangela?

Diva konima eshi Jesus a ninga Ohamba yOuhamba waKalunga meulu, okwa lwifa Satana neendemoni daye. Satana okwa findwa moita oyo. Ombiibeli oya ti kutya ‘okwa umbilwa kombada yedu pamwe novaengeli vaye.’ (Ehololo 12:9, 10, 12) Satana okwa handuka neenghono, molwaashi oku shii kutya ota ka hanaunwa po. Onghee okwa etifa omaudjuu nokumona oixuna kuhapu kombada yedu. Osho otashi tu kwafele tu ude ko kutya omolwashike eenghalo dounyuni da naipala neenghono. Ashike mafiku, Ouhamba waKalunga otau ka xulifa po omaupyakadi aeshe oo.

KONAKONA MOULE

4. Eshikulafano loiningwanima yopaMbiibeli, olo tali ulike kutya Ouhamba owa hovela okupangela mo 1914

OKAVIDIO: Ouhamba waKalunga owa hovela okupangela mo 1914 (5:02)

Kalunga okwa li a ningifa ohamba Nebukadnesar yomuBabilon shonale i twe ondjodi, omo Kalunga e i ulikila osho tashi ka ningwa monakwiiwa. Ondjodi oyo nosho yo efatululo olo Daniel a li a yandja oya li tai ulike kepangelo laNebukadnesar nosho yo kOuhamba waKalunga.— Lesha Daniel 4:17.a

Lesha Daniel 4:20-26, ndele to longifa oshimhungu u nyamukule omapulo taa shikula:

• (A) Nebukadnesar okwa li a mona shike mondjodi?— Tala ovelishe 20 nosho yo 21.

• (B) Oshike sha li sha ningilwa omuti?— Tala ovelishe 23.

• (C) Oshike sha li sha ningwa po pexulilo ‘lomafimbo aheyali’?— Tala ovelishe 26.

Ondjodi i na sha nomuti oya pambafana ngahelipi nOuhamba waKalunga?

EXUNGANEKO (Daniel 4:20-36)

Epangelo

(A) Omuti munene

Epangelo la iwa moshipala

(B) “Keni po omuti,” nosho yo “omafimbo aheyali nae mu xulile po”

Epangelo la yandjululwa

(C) ‘Ouhamba woye to u peululwa’

Mewanifo lotete lexunganeko olo . . .

• Omuti otau faneke lyelye?— Tala ovelishe 22.

• (E) Ongahelipi epangelo laye la li la iwa moshipala?— Lesha Daniel 4:29-33.

• (F) Oshike sha li sha ningilwa Nebukadnesar pexulilo ‘lomafimbo aheyali’?— Lesha Daniel 4:34-36.

EWANIFO LOTETE

Epangelo

(D) Nebukadnesar, ohamba yaBabilon

Epangelo la iwa moshipala

(E) Konima yo 606 K.O.P., Nebukadnesar okwa li a ninga omuyananghwengu, onghee ka li a dula okupangela oule womido heyali dokondadalunde

Epangelo la yandjululwa

(F) Nebukadnesar a alulilwa eendunge nokwa hovela vali okupangela

Mewanifo etivali lexunganeko olo . . .

• (G) Omuti otau faneke oolyelye?— Lesha 1 Omafimbo 29:23.

• (H) Ongahelipi epangelo lavo la li la iwa moshipala? Otu shi shii ngahelipi kutya ola kala la iwa moshipala naashi Jesus a li kombada yedu?— Lesha Lukas 21:24.

• (I) Openi nonaini Ouhamba wa li wa yandjululwa?

EWANIFO ETIVALI

Epangelo

(G) Eehamba daIsrael, odo da li di lile po epangelo laKalunga

Epangelo la iwa moshipala

(H) Jerusalem osha li sha hanaunwa po, naasho osha li sha ya moshipala okupangela kwepata leehamba daIsrael oule womido 2 520

Epangelo la yandjululwa

(I) Jesus okwa li a hovela okupangela meulu e li Ohamba yOuhamba waKalunga

5. Ounyuni owa lunduluka okudja mo 1914

Dana OKAVIDIO.

OKAVIDIO: Ouhamba waKalunga owa hovela okupangela mo 1914 (1:10)

Jesus okwa li a xunganeka nghee eenghalo dounyuni tadi ka kala, shimha a ningi Ohamba. Lesha Lukas 21:9-11, ndele tamu kundafana epulo tali shikula:

• Eenghalo dilipi domwaado wa mona, ile wa uda kombinga yado?

Omuyapostoli Paulus okwa popya kutya ovanhu otava ka kala va tya ngahelipi momafiku axuuninwa okupangela kwovanhu. Lesha 2 Timoteus 3:1-5, ndele tamu kundafana epulo tali shikula:

• Elipipo omomaukwatya aa wa didilika movanhu kunena?

6. Okupangela kwOuhamba waKalunga oku na oku tu twa omukumo

Lesha Mateus 24:3, 14, ndele tamu kundafana omapulo taa shikula:

• Oilonga ya fimana ilipi tai ulike kutya Ouhamba waKalunga otau pangele?

• Ongahelipi to dulu okukufa ombinga moilonga oyo?

Ouhamba waKalunga otau pangele meulu, nefiku olo tau ka hovela okupangela kombada yedu ola ehena popepi. Lesha Ovaheberi 10:24, 25, ndele tamu kundafana epulo tali shikula:

• Oshike osho keshe umwe womufye e na okuninga, “eshi tu wete efiku tali ehene popepi”?

ENGONGO

Omaxunganeko Ombiibeli, eufwafimbo nosho yo eenghalo dounyuni otai ulike kutya Ouhamba waKalunga otau pangele. Ohatu ulike kutya osho otwe shi itavela mokuudifa kombinga yOuhamba nosho yo okukala pokwoongala.

Eendululo

• Oshike sha li sha ningwa po pexulilo lomafimbo aheyali, oo a xunganekwa membo laDaniel?

• Oshike she ku tomha kutya Ouhamba waKalunga owa hovela okupangela mo 1914?

• Ongahelipi to dulu okuulika kutya owa itavela kutya Ouhamba owa hovela okupangela?

TALA OUYELELE WA WEDWA PO

Konakona osho ovanandjokonona nosho yo vamwe va popya shi na sha nomalunduluko oo a ningwa mounyuni okudja mo 1914.

“Onaini elihumbato lovanhu la enda tali xutuka neendelelo?” (Kala oupafi!, Aprili 2007)

Lesha nghee exunganeko olo tali hangwa muMateus 24:14 la kuma onghalamwenyo yomulumenhu umwe.

“Onda li ndi hole oudano woBaseball shi dulife oinima aishe” (Oshungonangelo No. 3 2017)

HOtu shi shii ngahelipi kutya exunganeko, olo la popiwa muDaniel etukulwa 4, ola yukifwa kOuhamba waKalunga?

“Ouhamba waKalunga owa hovela okupangela naini? (Oshitukulwa 1)” (Oshungonangelo, 1 Oktoba 2014)

Oshike tashi ulike kutya “omafimbo aheyali,” oo a popiwa muDaniel etukulwa 4, okwa xula po mo 1914?

“Ouhamba waKalunga owa hovela okupangela naini? (Oshitukulwa 2)” (Oshungonangelo, 1 Novemba 2014)

Ouhamba waKalunga otau pangele nale. Mafiku otau ka eta omalunduluko manene kombada yedu. Natu ka kundafane oinima imwe iwa oyo to dulu oku ka hafela koshi yepangelo lOuhamba.

1. Ouhamba waKalunga otau ka eta ngahelipi ombili nouyuki kombada yedu?

Jesus, e Ii Ohamba yOuhamba waKalunga, ota ka hanauna po ovanhu ovakolokoshi nomapangelo poita yaArmagedon. (Ehololo 16:14, 16) Pefimbo opo, eudaneko lopaMbiibeli tali shikula otali ka wanifwa po filufilu, olo tali ti: “Ngeenge pa pita okafimbo kaningholi, omuhenakalunga ita kala po vali.” (Epsalme 37:10) Jesus ota ka longifa Ouhamba, opo a shilipaleke kutya kombada yedu oku na ombili nouyuki.— Lesha Jesaja 11:4.

2. Onghalamwenyo otai ka kala ya tya ngahelipi eshi ehalo laKalunga tali ka wanifwa po kombada yedu?

Koshi yepangelo lOuhamba waKalunga, “ovayuki, vo otava ka fyuulula oshilongo, ndele tava kala mo alushe.” (Epsalme 37:29) Diladila nee ngeno mounyuni mu na ashike ovayuki ovo ve hole Jehova nove holafane! Kape na oo ta ka yahama, novanhu aveshe otava ka kala fiyo alushe.

3. Ouhamba waKalunga otau ka wanifa po shike, konima ngeenge oukolokoshi owa xulifwa po?

Konima ngeenge oukolokoshi owa xulifwa po, Jesus ota ka pangela e li Ohamba oule womido 1 000. Momukokomoko wefimbo olo, Jesus nosho yo 144 000 ovo tava ka pangela pamwe naye otava ka kwafela ovanhu kombada yedu va ye mewaneneno. Pexulilo lefimbo olo, edu otali ka hangwa la ninga oparadisa iwa, omo tamu ka kala ovanhu va hafa, ovo va mona ouwa omolwokudulika keemhango daJehova. Opo nee Jesus ota ka shunifa Ouhamba kuXe, Jehova. ‘Edina laJehova otali ka yapulwa’ shi dulife nale. (Mateus 6:9, 10) Otashi ka ulika kutya Jehova oku li Omupangeli a denga mbada, oo e na ko nasha novapangelwa vaye. Opo nee Jehova ota ka hanauna po Satana, eendemoni nosho yo ovo va hoolola okutukulila ounashibofa epangelo laYe. (Ehololo 20:7-10) Eenghalo da wanenena, odo tadi ka etwa kOuhamba waKalunga, otadi ka kalelela fiyo alushe.

KONAKONA MOULE

4. Ouhamba waKalunga otau ka xulifa po omapangelo opanhu

Ombiibeli oya ti: ‘Omunhu ota pangelele mukwao omupya.’ (Omuudifi 8:9) Jehova ota ka longifa Ouhamba waye, opo a xulife po okuhenouyuki.

Lesha Daniel 2:44 nosho yo 2 Ovatessaloniki 1:6-8, ndele tamu kundafana omapulo taa shikula:

• Jehova nosho yo Omona, Jesus, otava ka ningila shike omapangelo opanhu nosho yo ovo have a yambidida?

• Ongahelipi osho we lihonga kombinga yaJehova naJesus she ku shilipaleka kutya osho tava ka ninga oshi li pauyuki?

5. Jesus oku li Ohamba ya denga mbada

Jesus, e li Ohamba yOuhamba waKalunga, ota ka longa shihapu omolwouwa wovapangelwa vaye. Dana OKAVIDIO, opo u mone nghee Jesus a ulika nale kutya oku na ehalo nosho yo eenghono odo a pewa kuKalunga, opo a kwafele ovanhu.

OKAVIDIO: Jesus okwa li a ulika osho Ouhamba tau ka wanifa po (1:13)

Eshi Jesus a li kombada yedu, oikumwifilonga oyo a li a longa oya li ya ulika osho Ouhamba tau ka wanifa po. Elipipo omomanangeko noupuna taa landula wa teelela nodjuulufi? Lesha omishangwa odo tadi ku kwafele u lihonge shihapu kombinga yomanangeko noupuna oo.

6. Onakwiiwa otai ka kala itunhula koshi yOuhamba waKalunga

OKAVIDIO: Osho tashi ka ningwa monakwiiwa itunhula (4:38)

Lesha Epsalme 145:16, ndele tamu kundafana epulo tali shikula:

• Ou udite ngahelipi, eshi u shii kutya Jehova ota ka ‘palula oinima aishe i na omwenyo kohokwe yaye’?

ENGONGO

Ouhamba waKalunga otau ka wanifa po elalakano lao. Otau ka ninga edu alishe oparadisa, omo tamu ka kala ovanhu va wanenena tava longele Jehova fiyo alushe.

Eendululo

• Ouhamba waKalunga otau ka yapulifa ngahelipi edina laJehova?

• Oshike she tu tomha tu itavele kutya Ouhamba waKalunga otau ka wanifa po omaudaneko oo e li mOmbiibeli?

• Moinima aishe iwa oyo tai ka etwa kOuhamba shilipipo wa teelela nodjuulufi?

TALA OUYELELE WA WEDWA PO

Lihonga kutya Armagedon oshike.

“Oita yaArmagedon oshike?” (Oshitukulwa shi li ko jw.org)

Konakona oiningwanima oyo tai ka holoka po pefimbo nosho yo pexulilo lomido 1 000 dokupangela kwaJesus.

“Oshike tashi ka ningwa po mEfiku lEtokolo?” (Oshungonangelo, Oktoba-Desemba 2012)

Tala nghee omaukwaneumbo taa dulu okudilonga pamwe kombinga yomanangeko noupuna oo taa ka etwa kOuhamba.

Kala wa fa u liwete u li mOparadisa (1:50)

Moshitukulwa “Onda li ndi na omalipulo mahapu,” lihonga nghee omunapolitika omunashibofa a mona omanyamukulo komapulo oo a li e na.

“Ombiibeli ohai lundulula onghalamwenyo yovanhu” (Oshungonangelo, 1 Januali 2012)