Kala u na olupandu li na sha noshali yomwenyo

Ohatu dulu okuhafela oinima iwa ihapu monghalamwenyo. Nokuli nonande ohatu shakeneke omaupyakadi, ope na ngoo oinima yonhumba oyo hatu hafele. Ongahelipi hatu dulu okuulikila Jehova kutya otwa pandula oshali yomwenyo oyo e tu pa? Etomheno la fimanenena lilipi tali tu linyengifa tu ninge ngaho?

1. Omolwashike twa pumbwa okukala tu na olupandu li na sha nomwenyo?

Otwa pumbwa okukala tu na olupandu li na sha nomwenyo, molwaashi ou li oshali ya dja kuTate yetu omunahole, Jehova. Oku li “ofifiya yomwenyo,” sha hala okutya oye a shita oinima aishe. (Epsalme 36:9) Ombiibeli oya ti: “Ovanhu aveshe oye e va pa omwenyo nomufudo nakeshe shimwe.” (Oilonga 17:25, 28) Jehova okwe tu pa osho twa pumbwa, opo tu kale nomwenyo. Kakele kaasho, okwe shi ningifa tashi shiiva, opo tu dule okuhafela onghalamwenyo.— Lesha Oilonga 14:17.

2. Ongahelipi hatu dulu okuulikila Jehova kutya otwa pandula oshali yomwenyo?

Jehova okwa kala te ku file oshisho okudja eshi wa li medimo lameme woye. Umwe womovalongelikalunga, David, oo a li a nwefwa mo, okwa popya kombinga yaYe a ti: “Omesho oye okwa li taa shipununa nge, fimbo nda li engwili inandi tongoka.” (Epsalme 139:16) Omwenyo woye ou na ondilo kuJehova. (Lesha Mateus 10:29-31.) Ohashi mu yahameke neenghono, ngeenge umwe a dipaa mukwao, ile nokuli e lidipaa ye mwene.a (Exodus 20:13) Ohashi yahameke yo Jehova, ngeenge twa tula eemwenyo detu moshiponga, ile inatu ninga eenghendabala, opo tu amene eemwenyo davamwe. Ngeenge otwe lifile oshisho nokukala twa fimaneka eemwenyo davamwe, ohatu ka ulika kutya otwa pandula oshali yomwenyo, oyo i na ondilo.

KONAKONA MOULE

3. Fila oshisho oukolele woye

Ovakriste ovo ve liyapulila Jehova ohava longifa onghalamwenyo yavo aishe ve mu longele. Ova fa ngeno tava yandje omalutu avo onga eyambo kuKalunga. Lesha Ovaroma 12:1, 2, ndele tamu kundafana omapulo taa shikula:

• Oshike tashi dulu oku ku linyengifa u file oshisho oukolele woye?

• Omeenghedi dimwe dilipi to dulu okuninga ngaho?

4. Kala wa lungama, opo uha ninge oinima oyo tai dulu oku e ta oshiponga, ile efyo

Ombiibeli oye tu ladipika tu henuke oilonga oyo ya nyika oshiponga. Dana OKAVIDIO, u lihonge oinima imwe oyo u na okuninga, opo u kale wa amenwa.

OKAVIDIO: Kala wa lenga eameno (8:34)

Lesha Omayeletumbulo 22:3, ndele tamu kundafana nghee ove, ile vamwe tamu dulu okukala mwa amenwa . . .

• meumbo.

• koilonga.

• ngeenge tamu kufa ombinga momaudano.

• ngeenge to shingi, ile u li omutwaalelwa.

5. Fimaneka omwenyo wokaana oko ke li medimo

David okwa popya monghedi yokatevo kutya Jehova oku na ohokwe mukeshe osho hashi ningwa po, eshi okaana ke li moshidalelo shaina. Lesha Epsalme 139:13-17, ndele tamu kundafana epulo tali shikula::

• Pataleko laJehova, mbela omwenyo womunhu ohau hovele ngeenge ta dalwa, ile ofimbo e li medimo laina?

Eemhango daJehova dopefimbo laIsrael shonale oda li hadi amene ovakulukadi ovafimba nosho yo ounona ovo ve li momadimo. Lesha Exodus 21:22, 23, ndele tamu kundafana omapulo taa shikula:

• Jehova oha tale ko ngahelipi omunhu oo a dipaa shihe fi oshiningilewina okaana oko ke li medimo?

• Ota ka kala e udite ngahelipi, ngeenge umwe okwe shi ningile owina?b

• Ou uditile ngahelipi etaleko laKalunga?

Dana OKAVIDIO.

OKAVIDIO : Kala wa lenga omwenyo ngaashi Kalunga (5:00)

Nokuli nomukainhu oo e shii kutya omwenyo ou na ondilo otashi dulika a kale e udite kutya okulikufa edimo oko ashike ekandulepo lomukundu. Lesha Jesaja 41:10, ndele tamu kundafana omapulo taa shikula:

• Ngeenge omukainhu ota fininikwa keenghalo e likufe edimo, oku na okukonga ekwafo kulye? Omolwashike?

ENGONGO

Ombiibeli oye tu honga tu kale tu na ohole, efimaneko, nokwaamena oshali yomwenyo oyo twa pewa kuJehova. Osho osha kwatela mo omwenyo wetu nosho yo eemwenyo davamwe.

Eendululo

• Omolwashike omwenyo womunhu u na ondilo kuJehova?

• Jehova oha kala e udite ngahelipi, ngeenge umwe okwa dipaa owina mukwao?

• Oshike wa pandula shi na sha noshali yomwenyo?

TALA OUYELELE WA WEDWA PO

Ongahelipi hatu dulu okupandula Jehova omolwoshali yomwenyo oyo e tu pa?

Eimbilo 141— Omwenyo oshali oyo twa pewa pashikumwifilonga (2:41)

Mona enyamukulo kepulo e li kutya: Mbela Kalunga ota ka dimina po ngoo omukainhu oo e likufa edimo?

“Ombiibeli otai ti ngahelipi kombinga yokulikufa edimo?” (Oshitukulwa shi li ko jw.org)

Lihonga nghee etaleko laKalunga li na sha nomwenyo tali dulu okukuma ehoololo letu li na sha nomalihafifo.

“‘Omaudano a nyika oshiponga’—Mbela oto ke litula moshiponga?” (Kala oupafi!, 8 Oktoba 2000)

Ongahelipi ngeenge omunhu oku na omadiladilo okulidipaa? Tala nghee Ombiibeli tai dulu okukwafela.

“Onda hala okufya— Ombiibeli otai dulu ngoo okukwafela nge, ngeenge ondi na omadiladilo okulidipaa?” (Oshitukulwa shi li ko jw.org)