Ehongo eti-5: Maria oye ina yaKalungav

Ehongo loipupulu olo ola dile peni??

O-The New Encyclopædia Britannica (1988), Embo 16, epandja 326 nosho yo 327 oya ti: “Okwiilikana ina yaKalunga okwa tandavela eshi . . . eemhunga dovapaani da mbobolokela mongeleka. . . . Okulongela Kalunga kwavo nosho yo elitulemo melongelokalunga lavo [lovapaani ovo ve lidilululifwa ndele tava ningi Ovakriste] okwa li kwa totwa po oule womido eyovi okupitila moshimhanga osho hashi ilikana oshikalungakainhu ‘ina munene’ nosho yo ‘okakadona kopakalunga.’”

Ombibeli otai hongo shike?

‘Ove to ningi omufimba ndee to dala okamati, ndee to ka luku edina lako Jesus. Ye ota ningi omunene, ndele Ye e nokwiifanwa Omona waau wOkombadambada. Onghee hano omudalwa ou omuyapuki ota ka lukwa Omona waKalunga.’ — Lukas 1:31-35.

Eendjovo dOmushangwa oo otadi ulike sha yela kutya Maria oina ‘yOmona waKalunga,’ ndele ke fi ina yaKalunga. Mbela Maria okwa li a humbata moshidalelo shaye oo ‘eulu itali mu wanene’? (1 Eehamba 8:27) Maria ke na efiku a popile ngaho. Ehongo lOukwatatu olo la etifa engwangwano li na sha nokutya Maria oye naanaa lyelye. Olaata yokuEfeso, yomo 431 O.P. oya li ya yeulula omhito yokwiilikana Maria mokupopya kutya Maria oye Theotokos (oshitya shOshigreka osho tashi ti “omuhumbati waKalunga”) ile “Ina yaKalunga.” Oshilando Efeso omo mwa li hamu ongalele olaata yongeleka oule womafelemido osha li ondingandinga yokwiilikanena oshikalungakainhu sholudalo shedina Artemis.

Onghee hano, oinima ihapu oyo ya li hai ningwa melongelokalunga lokwiilikana oshikalunga Artemis osho ‘sha wile meulu,’ ngaashi oyeendo yoivilo, oya li yo hai ningwa mokwiilikana Maria. (Oilonga 19:35) Onghedi imwe vali oyo ya li ye uya mOukriste mokweendela ko kwefimbo oyo okulongifa omafano aMaria nosho yo ovanhu vamwe vali melongelokalunga.

Yelekanifa eevelishe dOmbibeli edi: Mateus 13:53-56; Markus 3:31-35; Lukas 11:27, 28