Siulersuisoqatigiinnit allakkat

Asasarput qatanngut

Guuti inoqatigullu asagatsigit Jiisusip kajumis­saarutaa una malikkusupparput: ‘Inuit inuiaqatigiinnit tamaneersut uannik malinnit­tunngoq­qullugit ilinniar­tikkiar­torlugillu imermut morsutsissavasi.’ (Mat 28:19, 20; Mak 12:28-31) Namminis­sarsiorani asanninneq sunniisin­naassuseqangaarpoq. “Eqqortumillu pissutiginiagaqarlutik naassaan­ngitsumik inuuneqalerusuttut” asanninnerput malugalugu killitsis­sutigisarpaat. – ApS 13:48.

Siornatigut oqaluus­sinermi siunnersuutit alanngaar­nissaat Biibililersaarutinillu tunnius­sisarneq pingaar­tinnikuuagut. Maanna oqaloqatigin­nillaqqinneq sulissutigilis­savarput. Oqaloqatigisar­takkatsinnik asanninnerput ersersis­sinnaavarput taakkua soqutigisaannik eqqartuisar­nitsigut. Taamaaliorumalluta naleqqus­sartariaqarpugut, eqqumaf­figalugillu inuup suut soqutiginerai isumakuluutigineraalu. Quppersagaq manna qanoq iluaqutigisin­naaviuk?

Pissuserineqartussat pingaarutillit quppersakkami ilinniagassani aqqaneq-marlunni ataasiak­kaarlugit sammineqarput. Taakku ineriar­tortikkukkit asannit­tuliornermut ilinniar­titsinermullu pikkorin­nerulissaatit. Ilinniagassani tamani Jiisusip imaluunniit kristumiut siulliit nalaanni oqaluus­sillaqqissut ilaasa pissuserineqar­tussanik takutitsisarnerat erseqqis­sarneqartarpoq. Aallarniutit alanngaar­nissaat anguniarun­naarlugu inoqatitsinnik asanninnermik ersersitsinissarput anguniarusupparput. Oqaluus­sinitsinni pissuserineqartussat taakku quppersakkami sammineqartut tamaasa ersersit­tuassavagut. Taakkuali ilaat pingaar­nerusarput oqaloqateqaleraangatta, pulaaqqiigaangatta Biibilimil­luunniit misissueqateqaraangatta.

Ilinniagassat misissor­tillugit eqqarsaatigiuk pissuserineqartussat pineqartut oqaluus­siffigisar­takkanni qanoq ersersis­sinnaagitit. Jehovamut inoqatinnullu asanninnerit ineriar­tortittuaruk. Pingaarnertut asanninnerit, periuseq aalajangersimasoq pinnagu, inunnik Kristusimik malinnit­tunngor­titsinissannut iluaqutigisinnaavat.

Illit suleqatigisin­naagatsigit nuannaarutigingaarparput. (Sef 3:9) Kissaatigaarput inoqatinnik asannit­tuliorninni ilinniar­titsisar­ninnilu Jehovap pilluaq­qullutillu ikiortuas­sagaatit!