Kalaallit nunaanni Jehovap Nalunaajaasuinut tamanut

Asasavut qatanngutivut!

Ataatsimeersuarnerup „Oqaatsit minguitsut“-p Danmarkimi ulapaarfiunerata qeqqinnaani nuannaarutigaarput junimi inernerisimasasi nalunaarutigisinnaagatsigik. Nalunaarusiarsi imaappoq:

Oqal. Atuakk. Broch. Nal.ak. Pisart. Atuag. Pulaaqq. Atuaqq.

Jun. 115 186 277 2511 16 3553 968 95

Agg. 11,8 19,1 4,7 0,6

Kiffartorluarsimanerup nuannaarutiginissaanut pissutissaqarpoq. Ilungersussuseq aalajaassuserlu nalunaarusiakkut takuneqarsinnaavoq, ingammillu nuannerpoq Bibelimik atuaqqissaaqateqarnerit amerlassusiat qaffasittuarsinnarmat, siorna junimi 40 procentimik annerulluni.

Allakkat uku tigugussigik Nuummi ataatsimeersuarneq aajunaararsuanngorsimassaaq, ataatsimeersuarnerlu uppernikkut nakussatsinnartoq, qiimmannartoq, aammattaarli ilumoorussaallunilu oqaassiffiusoq qilanaarissallugu pissutissaqarluarpoq. Sallusuissutip oqaasiinik minguitsunik ilisimanninneq immikkut pisinnaatitaaffissuuvoq, ataatsimeersuarnermilu paasitinneqassaasi oqaatsit minguitsut qanoq ilillutik ulluinnarni inuunitsinnut sunniuttariaqartut. Taamaattumik siusinaarlusi orniguttaritsi, ataatsimeersuarneq tamaat pissarsiffigilluaqqullugu.

Soorlu Naalagaaffimmik Kiffartuuteqarneq-mi augustimeersumi taaneqartoq oktoberip qaammataani immikkut suliniarnissarput siunniusimavarput. Taamaattumik ataatsimeersuarneq qaangiunniariarpat tamatumunnga piareersalereerniarit. Tamassi immikkut eqqarsaatiginiarsiuk ikiorti-pioneriunissassinnut periarfissaqarnerlusi, pionerillu oqaluussisartulluunniit allat suleqatigiinnissaq pillugu maannangaaq oqaloqatiginiakkit. Siorna oktoberimi Kalaallit Nunaanni 18-it ikiorti-pioneriusimapput; qassimmitaava ukioq manna ikiorti-pioneriujumassappat oqaatsit minguitsut pillugit ilisimasaminnik siaruarteriumallutik? Ilasi amerlasuut Jehovamut qinunerminni pissutsit atukkatik periarfissatillu eqqarsaatigigunikkik immaqa ikiorti-pionerioqataasinnaassapput. Tamanna ilissinnut oqaluussiffigisassinnullu iluarnermik nuannarisaqartunut anersaakkut iluaqutaassaqaaq.

Jehovap inussiani aalajaallunilu silatooq aqqutigalugu anersaakkut nerisassiissutai amerlangaartut pillugit qilanaaqatigiitigalusi, asanningaartumik inuulluaqquassi.

Qatanngutisi

Vagttårnets Bibel- og Traktatselskab

Oqaluussinermut tunngasumik ataatsimiinnermi tulliuttumi saqqummiunneqassaaq