Jehova pinngortitsisigaarput
1 Millionilippassuit pinngortitaasimanerput upperaat. Allat amerlasuut pinngoriartorsimaneq upperaat. Allallu suna upperissanerlugu naluaat. Atuagaq Livet — hvordan er det kommet? Ved en udvikling eller en skabelse? kikkunnut tamanut sammivoq. Imarisaani tunngavilersugaalluartumik nassuiarneqarpoq inuuneq qanoq pilersimanersoq, ilisimanninnerlu tamanna siunissami qanoq uagutsinnut pingaaruteqartoq. Juunimi atuagaq taanna oqaluussiartornermi atussavarput.
2 Allaat inuit ilisimatussutsip iluani nuimasut nersornartumik oqaaseqarfigisimavaat atuagaq eqqarsarluartaatsimik tunngaveqartumik sananeqarsimanerarlugu. Hollandimi ilisimatuutut misissuisoq allassimavoq: „Atuakkap tamatuma ilimagisat tamaasa akimorpai. Kapitalit eqqarsarluartaatsimik tunngaveqartumik suliarineqarsimapput, assersuusiaalu naligisamut naleqquttumik ilisimatusaatinut tunngasuullutik akerlilerneqassappat tappiiffigineqarsimassaaq.“ Eqqartuussisoq allassimavoq: „Atuagaq ukiut marluk ingerlaneranni sisamariarlugu atuarsimavara, tamatigullu tupigusuutigiuaannarlugu. Itisilerneqarsimavoq, ilisimatusaatinut tunngasumik eqqarsaatigilluagaalluni aammalu paasissutissartai uppernarsaatissaqartarlutik.“ Atuagaq allat aamma pingaartikkumaaraat qularutiginngivipparput.
3 Inussiarnersumik imminut ilisaritereeruit immaqa saqqummiussineq naatsoq manna atorumassavat:
◼ Qupperneq 6 qupperiarlugu ima oqarsinnaavutit: „Amerlasoorpassuit isumaqarput nunarsuarput manna kusanartoq inuunerlu nalaatsornerinnakkut pilersimasut. Isumaqarpit tamanna silatusaarpalunnerusoq? [Pulaakkat akili.] Allat pinngortitsisimaneq pillugu Biibilimi eqqartorneqartoq ilumoortuutippaat. Oqartarput Guutip nunarsuarput pinngortissimagaa inuillu asanninnersuarmigut inuussusersimallugit. Tamanna qanoq isumaqarfigaajuk?“ Atuakkap qulequtaa innersuutigiuk pulaakkannullu neqeroorutigalugu atuakkami akissutissaq nammineq eqqarsaatigisinnaaniassammagu.
4 Eqqartorniagaq ingerlaannaq sammerusukkukku imminut ilisariteriarlutit atuakkallu qulequtaa innersutigereerukku ima oqarsinnaassaatit:
◼ „Apeqqut manna siornatiguit eqqarsaatigisimaviuk?“ Qupperneq 7 taava qupperuk. Apeqqutillu immikkoortoq 2-miittut atuarlugit nassuiaallugulu atuakkap ajunngitsunik akissutissaqartikkai.
5 Imaluunnit ima oqarsinnaavutit:
◼ „Nunarsuup pilerfia siornatigut eqqarsaatigisimaviuk? Amerlasuut oqarniartarput silarsuarmi tamarmi qaarnerujussuakkut pilersimasoq. Qanoq illit isumaqarpit? [Pulaakkat akili.] Biibilip ajoqersorpaatigut Guuteqartoq nunarsuarmik pinngortitsisumik. Ilisimatuussutsikkut paasineqarsimavoq nunarsuaq ulloriaqatigiippassuarnit seqineqarfimmiittunik tamanik immikkuullarinnerusoq. Naluneqanngitsutullu silarsuarmi ulloriaqatigiippassuarni kisiartaalluni uumassuseqarfiusinnaasutuaasoq.“ Qupperneq 130-mi immikkoortoq 5 takutiguk, pulaakkannullu eqqartorlugu.
6 Imatut aamma oqarsinnaavutit:
◼ „Ilaasa upperivaat aapakaaninngaannit naggueqartugut. Siulivut ima isikkoqarsorivaat. [Qupperneq 89-mi assitaa takutiguk.] Qanoq isumaqarfigaajuk?“ Pulaakkat akili. Immikkoortoq 20-mi oqaatigineqartoq maluginiagassaq innersuutigeriaruk taavalu apustilit suliait 4:24 atuarlugu tassani Jehova pinngortitsisutut inuunermillu tunisisutut paasitinneqarpoq. „Uuma atuakkap pinngoriartuaarsorinninneq tamaat eqqartorpaa Biibilimilu oqaatigineqarsimasunut sanilliuttarlugu.“ Qupperneq 5-mi imaqarniliornera innersuutigiuk kapitalillu ilaat iseqqissaavigikkit, soorlu assersuutigalugu kapitali 1, 7, 15 19-lu.
7 Atuagaq tamanna inunnut allanit Jehovamik oqaasianillu upperinninngitsunit salloqittagaasimasunut pilluaqqussutaasinnaavoq. ’Skabelsesbogimi’ paasissutissat tunngaveqarluartut inunnut pinngortitsisumut asannilluni isumassuisumut pingaartitsilersinnaapput. (kmD 95/6 Jehova er vor Skaber)