Apeqquteqartarfik

◼ Ataatsimiigiarnermut oqaluussiartornermulluunniit biilimi ilaasorisat akiliinissaannik qinnuigineqarsinnaappat?

Ilaat arlaannik assigiinngitsunik pissutissaqarlutik allat ingerlaqatigalugit ataatsimiinnernut oqaluussiartornermullu ingerlanneqartariaqartarput. Qatanngutit angutit arnallu ikiuukkumasaqaat piffissartillu asannillutik atorumasarlugu biiliussinissaminnut allatigulluunniit pigisaminnik attartortitsinissaminnut. Naak ilaatigut angerlarsimaffimminniit aniaartaraluarlutik kingusissukkullu angerlartaraluarlutik, piumassuseqarluartarput ingerlassinissaminnut, naak ilaatigut saniatigut aamma aningaasartuutigisaraluarlugu.

Sooorlu pissutsini allani aamma taamaattoq najoqqutassiaq Galâsiamiunut agdlagkat 6:5-imiittoq atuuppoq: ’Kialuunniit nammineq nammagassi nammassavaa.’ Ingerlanneqartarnerput arlaata isumagisarpagu, pingaartitsinerput ersersittariaqarparput. Taamaaliorsinnaavugut oqaatsitsigut, kisiannili aamma naleqquppat, pisinnaaguttalu tunissuteqarsinnaavugut aningaasartuutinut matussutaaqataasinnaasumik. — Mat. 7:12; 1 Kor. 10:24.

Allaat akiliinissamik qinnuiginninngikkaluartoq pisariaqartinngikkaluaraalu, tamatigut ilumoorluni neqeroorfiginnittoqaraagat qujarunneqartarpoq. Ingerlatitsisup immaqa qujaannarnissani piumanerussavaa; kisianni aalajangiisussaq taannaasariaqarpoq. Taanna neqeroorfigineqarpat tulluassaaq. Eqqumaffigiuk tunissutip aningaasartuutigisamut naleqquttuunissaa. Piffissap ilaani tunisisinnaanngikkutta, taava tullianik eqqaamasariaqarparput; immaqa tulliani ilaalerutta annerulaartumik neqeroorfigisinnaavarput. — Lúk. 6:38.

Biileqartut assut asannittuliortarput allanik immaqa ataatsimiigianngitsoortussaagaluanik oqaluussiartunngitsoortussaagaluanilluunniit ingerlatsisinnaagaangamik. (Uss. 3:27) Aappaatigullu aamma taamatut inussiarnisaarfigineqartut eqqortuliussapput qujamasunnertik ersersikkunikku pisinnaagunik tunissuteqartarnermikkut. — Kul. 3:15. (kmD 3/96 Spørgsmålskassen)