Nalunaarutit

◼ Neqeroorutissat: Marsi: Ilaqutariittut pilluarneq isertugaateqarpoq. Apriili maajilu: Atuagassiat Napasuliaq Alapernaarsuiffik Iteritsi!-lu. Atuagassiaaraq nutaaq, Guutip sumik piumaffigaatigut? Biibilimik atuaqqissaaqateqartalerniarnermi atorneqarsinnaavoq. Juuni: Ilisarsineq inuunermut naassaanngitsumut sammisoq. Biibilimik atuaqqissaaqateqarnissaq pingaartinneqassaaq.

◼ Marsip aallaqqaataani imaluunniit ullup tamatuma kingorna piaarnerpaamik ilagiit naatsorsuutaat nakkutilliisumit siulittaasumit imaluunniit taassumannga toqqakkamit kukkunersiorneqassapput. Kukkunersiorneqareerpata ilagiit tamatuminnga nalunaarfigineqassapput.

◼ Ukioq manna tamanut ammasumik oqalugiaat immikkut ittoq ilagiit amerlanersaanni oqalugiaatigineqassaaq sapaammi apriilip arfernani. Oqalugiaatip qulequtaraa „Silarsuarmi mingussimasumi minguissuseq“. Tamatta najuuffigisariaqarparput aammattaaq soqutiginnittut eqqaaniaanermut peqataasimasut oqalugiaammut aggersinnaaqqullugit ikiorlugit. Tusagassatta qularnanngilluinnartumik Guutip iluarisaanik iliornissatsinnik aalajangersimanerput nutaannguallatsissavaa.

◼ Atuagaq ’Inuk’ pissarsiaqarfigilluarnerujumallugu pitsaassaaq najoqqutassiat Rigets Tjeneste-mi septembari 1992-imoortumi qupperneq 1-imiittut atuaqqinneqarpat. Ilanngutassiap nassuiarpaa qanoq piareersartoqarsinnaasoq atuaqqissaarnerlu qanoq aqunneqarsinnaasoq. Atuakkamik atuaqqissaarnermi aqutsisumut peqataasunullu iluaqutaassaqaaq siunnersuut tamanna atuaqqippassuk.

◼ Ukiup ingerlanerani piffissani assigiinngitsuni silamiut nalliuttorsiortarput taakkualu sulinngiffiusarput. Tamatuma kiffartuussinerunissatsinnik periarfissilluassavaatigut. Ilagiinni utoqqaanertat periarfissat tamakku eqqumaffigisariaqarpaat piffissaalluartukkullu nalliuttuni tamakkunani katersuutsitsinissat sorliit pilersaarutigineqartut nalunaarutigalugit.

◼ Oqaluussisartut tamaasa kajumissaarniarpavut namminneq pigisassaminnik atuakkamik Håndbog for den teokratiske skole-mik pissarseqqullugit nammineq atuaqqissaarnermi aammalu Teokratiimik Atuarfimmi atorneqarsinnaasumik. Ajoqersorneqarneq iluaqutiginerussavarput nammineq pigisatsinnik atuagaateqarutta. Atuagaasivimmut qassit piniarnerlugit inniminniigit.