Piffissaq tamaat nalunaajaasuuit?
1 Apeqqut tamanna angissagaluarpiuk? Jehovap nalunaajaasui tunniulluinnarsimasut tamakkeratik piffissartik tamaat kiffartorsinnaapput, tamattali piffissarput tamaat Jehovamut nalunaajaasutut imminut isiginissarput naleqqutissava — tassa piffissarput tamaat nalunaajaasutut? Soorunami.
2 Piffissap ilaannaani kristumiuusoqarsinnaanngilaq. Jesus oqarsimavoq: ’[Ataatap] iluarisaanik pisarsinnarama.’ (Juá. 8:29) Paulus aamma taama misigisimavoq kajumissaarpaatigullu ’sugaangattaluunniit Guuti naalannarseqqullugu pisassasugut’. (1 Kor. 10:31) Taamaattumik piffissarput tamaat Jehovamut nalunaajaasuunissarput noqqaassutigisariaqarparput. Iliuutsitsinni tamani ajungitsumik sunnissavaatigut.
3 Nalunaajaatit eqqarsaatigikkit: Isikkutta, oqalunnitta ileqquttalu inuit allat oqaluttuussinnaavaat Jehovap nalunaajaasorigaatigut. Oqaluussigaangatta kristumiulluunniit ataatsimmiinnerinut najuukkaangatta pilimanianngitsumik isikkoqarneq, ineriartornartumik oqalunneq naleqquttumillu ileqqoqarneq pisariaqartoq paasisimavarput. Atuarfimmiikkaluaruttali, suligaluarutta qasuersaaraluaruttaluunniit uagutsinnut tunngasut tamarmik nalunaajartariaqarpaat Jehovap naapertuilluartumik najoqqutassiai malikkivut.
4 Jesus oqarsimavoq: ’Illorpalik qaqqap qaaniittoq isertorneqarsinnaanngilaq. . . . Taamaattaaq qaamasorsi qaamali inunnut, ajunngitsuliasi taakkununnga takoqqullugit ataatarsilu qilammiusoq unnersiutigeqqullugu.’ (Mat. 5:14-16) Tamanna tamatigut sunaluunniit suliarigaluarutsigu atuuttariaqarpoq. Sumiinnerput sumilluunniit suliaqarnerput pissutigalugu nalunaajaanissatsinnut tunuarsimaassagaluarutta immitsinnut aperisariaqarpugut: „Piffissap ilaannaa piffissarluunniit tamaat Jehova kiffartorfigaara?“ Qanortoq Guutip naalagaaffia pillugu nutaarsiassamik nuannersumik oqaluttuarnissatsinnut periarfissat asiutinngisaannartigik.
5 Eqqaamajuk Jehova ataqqinartillugulu nuannaartittaratsigu apeqqut „Piffissat tamaat nalunaajaasuuit?“ nalunaatsumik ima akigaangatsigu: „Aap, taamaattuuvunga!“