Oqaluussinermi angusat

Kiffartornermik nalunaarusiami erserpoq aamma qaammammi maajimi suliniuteqarnermi ’tamaviaarluta Naalagaq kiffartuullugu’ ulapputeqarsimasugut. (1 Kor. 15:58) Maajip qaammataani suliniutini tamangajanni siuariarneqaqqissimavoq. Assersuutigalugu Norgemi oqaluussisartut, aatsaat taama amerlatigalutik, 11.222-usut, 2 procentimik amerleriarsimapput. Skandinaviami oqaluussisartut 47.901-iusut, 22.448-inik Biibilimik atuaqqissaaqateqarput. Siorna qaammammut tamatumunnga naleqqiullugu 7,4 procentimik qaffariarneruvoq. Savalimmiuni Biibilimik atuaqqissaaqatigineqartartut 65-iniit 114-inut amerleriarsimapput. Siorna qaammammut tamatumunnga naleqqiullugu 75 procentimik siuariarneruvoq. Aamma nalunaaqquttap-akunnerit amerlanerusut oqaluussinermut atorneqarsimapput, 5,3 procentimik annertuseriarsimallutik. Angalaarfigisartakkami atuagassiat 500.000-it tunniunneqarsimapput 269.238-llu pulaaqqinneqarsimallutik. Siorna qaammammut tamatumunnga naleqqiullugu pulaaqqiisarnerit 3,5 procentimik amerleriarsimapput. Maajip qaammataani nalunaarusiami takuneqarluarsinnaavoq suliniuteqarneq Jehovap pilluaqqusimagaa.