’Isumakkut peqqissutsimut — Siunissaq Isumalluarnanngilaq’

„Peqqinnissamik isumaginninnerup iluani arlalitsigut nakorsaatitigut ilisimatusarneq tupinnartumik siumukariartoraluartoq nunarsuaq tamakkerlugu isumakkut peqqissutsimut siunissaq isumalluarnanngilaq“, atuagassiami Synergy-mi, Canadap Nunarsuaq Tamakkerlugu Peqqinnissamut Peqatigiiffianit saqqummersinneqartumi, allaaserisami allassimavoq.

Nalunaarusiami nalorninaallisinneqarpoq nunarsuarmi tamarmi inuit sisamaagaangata ataaseq tarnikkut imaluunniit misigissutsikkut ileqqumigulluunniit ajornartorsiuteqartartoq. Misissuinermi allami takutinneqarpoq napparsimasut pingasuugaangata ataaseq isumatsassimaneq annilaanganerluunniit pissutigalugu nakorsiartartoq imaluunniit tarnip pissusiinik ilisimatuumut saaffiginnittartoq. Ilisimatuullu naapertussagaanni taamaattut amerliartuinnarput.

Sooq? Harvard Universitymi Department of Social Medicine-p misissuisitsinera naapertorlugu isumatsassimanermik, skizofrenimik annilaanganermilluunniit artorsaateqartut amerleriarujussuuarsimapput „inuit amerlanerusut utoqqarsuanngortalermata“. Tamannali kisimi pissutaanngilaq. Aningaasatigut ajornartorsiutit inuppassuillu ullutsinni ulapaarnerulernerat pissutaaqataapputtaaq.

Pissutsit isumalluarnanngitsut tamakku qanoq ilillutik aaqqinneqarsinnaappat? Immikkut paasisimasallit oqarput peqqinnissamik isumaginninnerup iluani immikkoortortaqarfippassuit isumakkut peqqinnissaq pingaarnerutittariaqaraat, ’ilisimatuussutsikkut misissorneqarsimanngitsut ilagimmassuk inuit inuunerisa pitsaanerulernissaannut suli periarfissarpassuaqartitsisoq’. (gE 8/2 99)