12 Anguniakkat

QANOQ ISUMAQARTOQ

Anguniagaq eq­qarsaatersuutaan­naan­ngilaq. Anguniagaqaraan­ni pilersaarusiorlunilu naleq­qus­sarsin­naas­suseqarlunilu suleruloor­tariaqar­poq.

Anguniak­kat ilaat ul­lualuit qaam­matialuil­luun­niit ingerlaneran­ni (an­nikin­nerusut) al­lal­lu ukiualuit ingerlaneran­ni (an­ner­tunerusut) anguneqarsin­naap­put. Anguniak­kat an­ner­tunerusut anguneqarsin­naap­put anguniak­kat an­nikin­nerusut arlal­lit angunerisigut.

SOOQ PINGAARUTEQARTOQ

Anguniak­katit anguguk­kit im­minut tatiginerulersin­naal­lutil­lu ikin­ngutaal­luar­nerulerlutil­lu pil­luar­nerulis­saatit.

Imminut tatigineq: Anguniak­kat an­nikin­nerusut anguguk­kit an­ner­tunerusunik anguniagaqar­nis­samut sapiin­nerulis­saatit. Aam­ma ul­luin­nar­ni unam­miniagaqaraangavit – soorlu peqatin­nit tatineqaraangavit – sapiin­nerus­saatit.

Ikinngutigiinneq: Inuit silatusaarlutik anguniagaqar­tunik – tas­sa inun­nik suniar­nermin­nik ilisimaarin­nit­tunik sulerusus­suseqar­tunil­lu – peqateqar­tar­ner­tik nuan­narisar­paat. Aam­ma inuit anguniagaqaqatigiit­tut ikin­ngutigiil­luar­nerusar­put.

Pilluarneq: Anguniak­katit angugaangak­kit iluatsitsisutut misigisar­putit.

“Anguniagaqar­neq nuan­naraara. Anguniagaqar­nik­kut pif­fis­sara siuner­taal­luar­tumut ator­tar­para. Anguniagara angugaangak­ku nuan­ner­taqaaq imalu oqarsin­naasarlunga: ‘Torrak, angorusutara anguara!’” – Christopher.

BIIBILIMI NAJOQQUTASSIAQ: “Anorimik aarleqquteqartuartoq siaruarterinngitsoortussaavoq, aarlerillunilu nuissanik alaatsinaataqartuartoq katersuinngitsoortussaavoq.” – Oqaluussisartup oqaasii 11:4.

QANOQ ILIORSINNAASUTIT

Anguniak­kan­nut tun­ngatil­lugu imaaliorit.

Pingaarnersiuigit. Anguniagarerusus­sin­naasatit al­lat­tuk­kit pingaar­nersiuil­lutil­lu – sulis­sutiginiak­katit tul­leriiaak­kit siul­leq, aap­paa, pingajuat il.il.

Pilersaarusiorit. Anguniak­kan­nut tamanut tun­ngatil­lugu imaaliorit:

• Piviusorsior­tumik pif­fis­saliigit.

• Iliuuserisas­sat pilersaarusiuk­kit.

• Akor­nutaasin­naasut tamak­kulu qanoq qaanger­neqarsin­naaneri eq­qarsaatigik­kit.

Iliuuseqarit. Suminin­nguit tamaasa inis­sin­nis­saat utaq­qinagu aal­lar­tigit. Im­minut ima aperigit: ‘Anguniagara anguniarlugu suna siul­liul­lugu iliuuseris­savara?’ Taava taman­na iliuuseriuk. Iliuuseqareeraangavit pilersaarutin­ni sumut kil­lin­nersutit eq­qarsaatigisaruk.

BIIBILIMI NAJOQQUTASSIAQ: “Eqiasuitsup pilersaarusiai iluanaarutissarsisitsisarput.” – Ussatit 21:5.