Nakkutilliillutik angalasartut — sallusuissummik suleqatigiit

KRISTUMIUT ilagiis­saan­ni ukiuni 100-lin­ni siul­ler­ni nak­kutil­liil­luni angalasar­toqar­poq ilagiit ineriar­tor­tik­kumal­lugit ilagiin­niitar­tunik. Nam­min­neq iluanaaruteqar­niar­natik im­min­nik tun­niup­put, ilagiin­niit­tut ikiorumagamik­kik Guutip iluarisas­saanik saqil­luar­tuaq­qul­lugit. — apustilit suliait 11:23, 24; 14:21, 22; 15:32; 20:2, 31-35; Filípimiut 2:20-22, 29; 1 Tásalûníkamiut 2:5-12.

Ul­lumik­kut Jehovap Nalunaajaasuisa ilagiis­saasa nak­kutil­liil­lutik angalasar­tut kif­far­tuus­sinerat iluaqutigisar­paat. Angutit taak­ku ukior­pas­suar­ni Jehovap Nalunaajaasuisa oqaluus­sisar­nik­kut suliaan­nut peqataal­lutik nak­kutil­liil­lutil­lu misilit­tagaqar­put. Inoquteqan­ngin­namik pilersor­tariaqak­kamin­nik, nalingin­narmik sulif­fim­min­ni soraarsimap­put pif­fis­sar­tik tamaat oqaluus­sinermut kif­far­tuus­sinermul­lu atorsin­naajumal­lugu. Nuliaqar­pata amerlaner­tigut aam­mat­taaq nuliaat al­lamik atorfeqaratik oqaluus­sisar­tuusar­put uitik ilagalugit.

Ilageeqatigiin­nik nak­kutil­liisup ilagiit 18-iniit 25-nut amerlas­suseqar­tut isumagisus­saavai. Ukiut tamaasa ilagiit tamaasa im­mik­kut marloriarluni tikeraar­tar­pai, taavalu ukiut marluk pingasul­luun­niit qaangiup­pata ilageeqatigiin­nut al­lanut nuutsin­neqar­tarluni. Tamatumuuna ilagiit tamarmik ilageeqatigiin­nik nak­kutil­liisut as­sigiin­ngitsut misilit­tagaat pigin­naas­susiilu iluaqutigisin­naavaat.

Ilageeqatigiin­nik nak­kutil­liisup ilagiit anersaak­kut pis­susii suliaal­lu misis­sor­tar­pai. Ilagiit arlaleriarluni oqalugiarfigisar­pai aam­malu utoq­qaaner­tat ilagiin­nilu kif­far­tor­tut ataatsimeeqatigisarlugit ilagiin­nut kif­far­tuus­sinitik qanoq ilil­lutik pitsan­ngorsarsin­naaneraat oqaloqatigiis­sutiginiarlugu.

Sapaatip akun­nerata ingerlanerani nam­mineq, nuliaqar­pal­lu nuliata, oqaluus­sisar­tut ilagiin­niit­tut ilagisar­paat, il­lumit il­lumut angalaarlutik kif­far­tuus­sineran­ni pik­koris­sar­nis­saan­nut ikiorumal­lugit. Nulianilu soqutigin­nit­tun­ngorlaat pulaar­tar­paat up­per­nik­kut kajumis­saarumal­lugit. Piumaguit ilin­nut pulaaq­qusin­naavatit.

Nunap im­mik­koor­toqarfianut nak­kutil­liisoq taaneqareersunut as­singusunik anersaak­kut piuk­kun­naateqar­poq misilit­tagaqarlunilu. Ilageeqatigiin­nit ilageeqatigiin­nut angalaar­tar­poq, sapaatit akun­neri tamaasa ilageeqatigiit ataatsimeersuar­neran­ni kif­far­tuus­sisarluni. Nulianilu nalunaajaasut ilageeqatigiin­ni nak­kutigisamin­ni ilagiit ilaan­nut ilaasor­taasut oqaluus­sisar­nik­kut ilagisar­paat. Ilageeqatigiit ataatsimeersuar­neran­ni saq­qum­mius­sas­sat inaarutaasumik piareersar­neqar­nerat nak­kutigisar­paa, ataatsimeersuar­nermilu arlaleriarluni oqalugiar­tarluni, tamanut am­masumik oqalugiar­neq ilan­ngul­lugu.

Nak­kutil­liil­lutik angalasar­tut ilagiin­nut ilageeqatigiin­nul­luun­niit tikeraar­ner­tik naam­mas­sigaangamik­ku, tul­lis­saanut ingerlaan­nar­tar­put kif­far­tuutit taak­kuusut uterlugit, ilagiit imaluun­niit ilageeqatigiit tamaasa tamak­ker­nis­saasa tungaanut. Kaajal­laaneq ataaseq qaam­matinik arfinilin­nik sivisus­suseqar­tar­poq. Naagaangamik­ku aal­laq­qaataanit aal­lar­teq­qit­tar­put.

Nunat ilar­pas­suini nak­kutil­liil­lutik angalasar­tut biilerlutik imaluun­niit angal­latit tamanit ator­neqar­tut atorlugit angalaar­tar­put. Nunal­li ilaan­ni sik­kiler­tar­put pisuin­nar­tarlutil­luun­niit. Nak­kutil­liil­lutik angalasar­tut aningaasat angalaar­nik­kut atugaat Peqatigiif­fiup akiler­tar­pai, nulianilu nam­minerisamik pisariaqar­titaan­nut akilium­mik an­nikitsumik nas­sit­tarlugit. Ilagiin­nut tikeraarfigisaan­nut ilaasor­taasut nak­kutil­liil­luni angalasar­toq nulialu ineqar­tit­tar­paat nerisaqar­titarlugil­lu.

Taamatut kif­far­tuutil­lit im­min­nut tunul­liul­lutik ikiuiumatuusariaqar­put. Nak­kutil­liil­lutik angalasar­tut nuliaasalu ilagiit kif­far­tuuk­kumavaat ilagiin­nut naner­tuisuunatik. — 1 Tásalûníkamiut 2:9.

• Ukiuni 100-lin­ni siul­ler­ni kristumiut ilagiis­saani nak­kutil­liil­luni angalasar­toqar­nerup suna siuner­taraa?

• Ul­lumik­kut nak­kutil­liil­lutik angalasar­tut taamatut kif­far­tuuteqar­nermin­nut suut piuk­kun­naatigaat, qanorlu pis­suseqarunik aatsaat taamatut kif­far­tuuteqarsin­naap­pat?

• Ilageeqatigiin­nut aam­mat­taaq nunap im­mik­koor­toqarfiinut nak­kutil­liisut kif­far­tuutigisaat inooriaasial­lu oqalut­tuarik­kit.

[Qupp. 20-mi assiliartaq]

Nunap im­mik­koor­toqarfianut nak­kutil­liisoq ilageeqatigiit ataatsimeersuar­neran­ni oqalugiar­toq

[Qupp. 21-mi assiliartat]

Ilageeqatigiin­nut nak­kutil­liisut il­lumit il­lumut angalaarlutik oqaluus­sisar­tut un­nersuutar­paat, ilagiin­ni utoq­qaaner­tat oqaluut­tar­paat, soqutigin­nit­tun­ngorlaat Bibelimik atuaq­qis­saar­tar­tut pulaar­tar­paat, ilagiit oqalugiarfigisar­paat