Bibelilersaarutinik Guutimut unner­siutis­saasunik atuagassiorneq

JEHOVAP NALUNAAJAASUISA Guutip naalagaaf­fianik naqitik­kat sak­kugalugit oqaluus­sis­sutigin­nin­ner­tik tusaamasaas­sutigaat. 1920-miilli Vagttårnip peqatigiif­fia naqiteriveqar­poq, Nalunaajaasul­lu akis­sarsiaqaratik kajumin­nermit sulisut suleqatigalugit atuagas­sianik atuak­kanil­lu agguagas­sanik naqiterisitsisarluni. Taman­na periaaseraat atuagas­sanik sapin­ngisamik akikitsumik aalajaatsumik atuagas­sior­neq qulak­keerumal­lugu.

Ukiut 60-it ingerlaneran­ni Peqatigiif­fiup atuagas­sanik bibelilersaarutaasunik atuagas­sior­nini ineriar­tor­til­lugulu an­ner­tusiar­tor­tip­paa, Brooklynimi aal­lar­nerluni nunanilu al­lani nangil­luni. Suleqataasut kajumin­nermit sulisut amerliar­tuin­nar­tut suliat tamaasa suliarisar­paat.

1970-ik­kut naajar­tuler­neran­ni naqiterutinik ilioq­qaanermik periaatsit naqitereriaatsil­lu qangaanit ator­tuusut atorun­naariar­tor­put qarasaasial­li atorlugit naqitigas­sior­neq, as­siliinik­kut naqitigas­sanik ilioq­qaanermik periaatsit aam­malu of­fset atorlugu naqiterineq an­ner­tunerusumik ator­neqalerlutik. Ajor­naqutaavorli ator­tus­sat pisiarineqarsin­naasut oqaatsit kil­lilim­mik amerlas­susil­lit taamaal­laat suliarisin­naam­matigik. Taamanili Peqatigiif­fik oqaatsinut 160-it mis­singinut atuagas­sior­tar­poq, al­lal­lu ilan­ngun­neqarsin­naanis­saat pisariaqar­poq.

Taamaat­tumik kajumin­nermit suliumasut suleqataalersin­neqar­put as­siliinik­kut naqitigas­sanik ilioq­qaanermik periaaseq oqaaser­pas­suar­nik suliarin­nis­sin­naasoq elektronikik­kut ingerlatitas­saq pilersik­kiar­toq­qul­lugu. Suliaasa iner­nerat qujanaqaaq. Teknikimut atatil­lugit nalunarluin­nar­tut paasiuminaatsul­lu qanoq suliarineqarsin­naanis­saat nas­saarineqar­poq, kiisalu al­lagas­sanik suliarin­nin­nermik, imas­saanik katiterinermik naqitigas­sanil­lu ilioq­qaanermik periaaseq, MEPS-imik taaguuteqar­toq, pilersik­kiar­tuaar­neqar­poq. Taman­na sak­kugalugu oqaatsit 200-t pal­lil­lugit suliarineqarsin­naap­put, oqaatsil­lu al­lat ilan­ngun­neqarsin­naap­put.

Ul­lumik­kut MEPS-imik periaaseq Jehovap Nalunaajaasuisa nas­saaralugulu pilersitaat nunani 25-ni ator­neqar­poq, al­lanilu atulersin­neqar­nis­saa pilersaarutigineqar­poq. Nunani taak­kunani kajumin­nermit sulisut ator­tunik ingerlatitsinermik aserfal­latsaaliinermil­lu ilin­niar­tin­neqar­put. Peqatigiif­fik maan­na nunani 36-ni oqaatsinut 100-nit amerlanerusunut atuagas­sianik naqiterisitsisar­poq, nunal­lu taak­kua ilaan­ni tal­limani atuak­kanik ungalulin­nik bibelinil­lu naqiterisitsisarluni.

Sulias­sat tamak­kor­pas­suit suliarineqar­nis­saan­nut inuit pisariaqar­put — al­lat­tut, nutserisut, kuk­kunersiuisar­tut, naqiterisut, atuak­kanik ungalulersuisut, nas­sius­sisarfim­milu sulisut. Al­lat ilagiin­nut al­lat­tar­neq naatsorsuinerlu suliarisar­paat. Al­lal­lu nerisas­sanik naatitsineq, nerisas­sior­neq, eq­qiaaneq, errorsineq taamaaqataal­lu isumagisar­paat. Kajumin­nermit sulisut nunani as­sigiin­ngitsuni kif­faritit­tut tamak­ku tamaasa suliarisar­paat. 1985-imi silarsuarmi tamarmi kajumin­nermit akis­sarsiaqaratik sulisut al­laf­feqarfin­ni, naqiteriveqarfin­ni, sulisar­tut angerlarsimaf­fiini nunaateqarfin­nilu suleqataasut 8438-nik amerlas­suseqar­put.

Kik­kuup­pat? Tas­saap­put angutit ar­nal­lu, aap­paqan­ngitsut aap­paqar­tul­lu, inuusut­tut utoq­qaal­lu, tamarmik Jehovap Nalunaajaasui tun­niul­luin­nar­tut. Ilaat ukiut 40-t, 50-it al­laal­lu 60-it taama it­tumik kif­far­tuuteqar­put. Sapaatip akun­neranut agguaqatigiis­sil­lugu nalunaaqut­tap akun­neri 44-t sulif­fim­min­ni ator­tar­paat, pisariaqaraangal­lu qaangiut­toorlutik sulisarlutik. Un­nuk­kut arfinin­ngor­nik­kul­lu sapaatik­kul­lu il­lumit il­lumut angalaarlutik tusagas­samik nuan­nersumik oqaluus­sis­sutigin­nit­tar­put al­latigul­lu ilagiit suleqatigisarlugit.

Silarsuarmi tamarmi sulisar­tut taak­ku Peqatigiif­fiup il­luutaasa inisim­maviusut Betel-imik taaguuteqar­tut ilaan­ni akeqan­ngitsumik nerisaqar­tarlutil­lu angin­ngitsumik ineqar­put. Ilan­ngul­lugu oqaluus­sisar­nermin­ni angalanermut aningaasat ator­tut akiler­neqar­nis­saan­nut nam­minerisamin­nil­lu pisariaqar­titamin­nut an­nikitsumik qaam­mam­mus­siaqar­tar­put.

1920-miilli kajumin­nermit sulisut taak­kua bibelit, atuak­kat, atuagas­siat atuagaaq­qal­lu 9 milliardit sin­nerlugit oqaatsinut 200-t mis­singinut silarsuarmi tamarmi agguagas­sat pilersis­simavaat. Tas­suuna peqatigiis­sutigaat tusagas­sap nuan­nersup it­tuin­nar­tup inuiaqatigiin­nut naggueqatigiin­nul­lu oqaasilin­nul­lu inuiaasunul­lu tamanut nutaarsias­satut nuan­nersutut tusarliun­neqarsin­naanis­saa. — sarĸúmersitat 14:6, 7.

• Vagttårnip peqatigiif­fia sunik naqiterisitsisar­pa, sunalu pil­lugu?

• Kik­kut sulias­sat tamak­kor­pas­suit suliarisar­paat, qanorlu it­tumik inigisaqarlutik?

[Qupp. 24-mi assiliartat]

Kajumin­nermit sulisut atuak­kanik bibelilersaarutaasunik naqiterinermut atatil­lugit naqiterivim­mi, angerlarsimaf­fim­mi, al­laf­fim­mi nunaateqarfim­milu sulias­sanik suliarin­nit­tut Brooklynimi Wallkillimilu, New York, USA

[Qupp. 25-mi assiliartat]

Bibelinik atuak­kanil­lu bibelilersaarutaasunik naqiterinermut toq­qaan­nar­tumik toq­qaan­nan­ngitsumil­luun­niit atatil­lugit sulias­sat kajumin­nermit sulisut sulis­sutigaat

Spania

Tyskland

Finland

Canada

Danmark

Sverige

Afrika Kujalleq

Brasilia

Holland

Australia