Naapertuilluarneq pissutigalugu malersugaasut

IM­MAQA tusaamavat Jehovap Nalunaajaasui politiinit tigusarineqar­tar­tut, nunat ilaan­ni sulinerat iner­teq­qutaasoq, al­latigul­luun­niit inupiluusut. Suna pis­sutiginerlugu taamatut oqaatiginerlugaap­pat?

Pis­sutigin­ngilaa Nalunaajaasut inatsisinik maleruaan­ngitsuunerat, pis­sutigaali Jesus tumisiorlugu malin­nit­tuunerat. Jesusip ajoqersuk­kani oqarfigai inuit mitaatigis­sagaat, malersus­sagaat nalingin­nar­nil­lu oqaatiginerlus­sagaat sal­lul­lutik. Tamatuma pis­sutigaa Guutip akeravis­sua, Satan, silap matuma guutigim­magu, taas­sumalu inuit Guutimik kif­far­tuus­sineran­nit tunutsik­kumavai. — Matîuse 5:10-12; 10:16-22, 34-39; 24:9, 10; Juánase 15:17-imiit 16:3 ilan­ngul­lugu; 2 Timûtiuse 3:12; 1 Pîtruse 5:8; sarĸúmersitat 12:17.

Apustilit tigusarineqarmata eq­qar­tuus­sisunul­lu sas­sar­titaal­lutik, pis­sutigin­ngilaa pinerlut­tuunerat, persut­taasuunerat, pikitsitsisuuneral­luun­niit. Pis­sutigaa tusagas­samik nuan­nersumik oqaluus­sis­sutigin­nin­nerat. Eq­qar­tuus­sas­satut un­nerluutigineqar­nini eq­qar­tuus­sisunut an­nerusunut sulias­san­ngor­tik­kamiuk, apustili Paulusip siuner­taraa kristumiut tusagas­samik nuan­nersumik oqaluus­sis­sutigin­nis­sin­naatitaanis­saat il­lersorumal­lugu inatsisitigul­lu aalajangersarumal­lugu. — apustilit suliait 4:18-20; 5:28-32; Filípimiut 1:7.

Ul­lumik­kut Jehovap Nalunaajaasui kristumiuup­put inatsisinik maleruaasut eq­qor­tumik akileraar­tar­tut pisor­taasunil­lu ataq­qin­nit­tut. Kaasari tunisar­paat kaasarip pis­saanik Guutilu tunisarlugu Guutip pis­saanik. Naalak­kersuisut pisor­taatitaat akerleriis­suteqarfigis­sap­patigik, pis­sutaas­saaq naalak­kersuisut Nalunaajaasut oqaluus­sis­sutigin­nis­sin­naatitaanerat akuersis­sutigin­ngim­mas­suk, imaluun­niit Nalunaajaasut inuiaqatigiit im­min­nut at­tuumas­suteqar­nerinut akuliuk­kuman­ngim­mata. Taman­nali eq­qarsaatigalugu Jehovap Nalunaajaasui apustilitut aalajangius­saqar­tariaqar­put, taak­ku oqarmata: „Guuti naalak­katsitut inun­nit naalat­tariaqar­neruvar­put.“ — apustilit suliait 5:29, NW; Mákorse 12:17; Juánase 18:36; Títuse 3:1, 2.

Jehovap Nalunaajaasuisa malersugaanis­saq angunian­ngilaat. Piumaneruvaat ersior­natik eq­qis­sisimasumil­lu inuunis­sar­tik. Kisian­nili Guutip inatsisaanik maleruaaner­tik Jesusil­lu Kristusip maligas­siaanik malin­nin­ner­tik pis­sutigalugu malersor­neqarunik, malersugaaneq nuan­naarutigalugu atus­savaat. — Matîuse 5:10-12; apustilit suliait 5:40, 41; 1 Korintumiut 4:12; 1 Timûtiuse 2:2; 1 Pîtruse 3:14, 15; 4:12-16.

• Suna pis­sutigalugu Jehovap kif­fai mitaatigineqar­tarlutil­lu malersugaap­pat?

• Suna pis­sutigalugu Jehovap Nalunaajaasuisa naalak­kersuisut pisor­taatitaat ilaatigut akerleriis­suteqarfigisar­paat, apustilit kristumiuusut taamaalior­nerat­tut?

• Jehovap kif­faasa malersugaaner­tik qanoq isigisar­paat?

[Qupp. 29-mi assiliartat]

Guutip naalagaaf­fia oqaluus­sis­sutigigamik­ku Jesus Pilatusimut sas­sar­tin­neqar­poq aam­malu apustili Paulus par­naarus­saavoq