Ilaqutariit sunniipilunnernut sernissukkit

1-3. (a) Sun­niineq aseror­nar­toq ul­lumik­kut ilaqutariin­nik ulorianar­torsior­titsisoq sumin­ngaan­neer­pa? (b) Angajoq­qaat ilaqut­tamin­nik ser­nis­suiniar­nermin­ni qanoq oqimaaqatigiis­saarisariaqar­pat?

TAKORLOORUK er­nerit mikisoq atuariar­tor­tin­niarit, taq­qamalu sialuk kuiin­navip­poq. Qanoq ilius­savit? Sialus­siuteqar­tin­nagu atuariar­tor­tis­saviuk? Naamik. Imaluun­niit atisalersor­tingaarak­ku pisus­sin­naan­ngingajap­paluun­niit? Aam­ma naamik. Soorunami masan­ngin­nias­sam­mat naam­maan­nar­tunik atisitip­pat.

² Taamatut­taaq angajoq­qaat aliik­kusersuinerup silarsuaanit, tusagas­siuutinit, kam­malaatinit imaluun­niit atuarfim­mit sun­niipilun­ner­nut sialut­tut kuiin­navis­sutut it­tunut ilaqut­tamin­nik ser­nis­suiniar­nermin­ni oqimaaqatigiis­saariniar­tariaqar­put. Angajoq­qaat ilaat ilaqut­tatik ser­nis­sor­niarlugit im­man­nguaan­naq iliuuseqar­tar­put iliuuseqan­ngil­luin­nar­tarlutil­luun­niit. Al­lat avataanit sun­ner­neqar­nerit tamangajaasa ajor­tutut isigaat, taamaat­tumil­lu ima kil­lilersuitigisarlutik meeq­qat ipitin­neqaq­qajaasutut misigilersil­lugit. Eq­qor­tumik oqimaaqatigiis­saarinis­saq ajor­nan­ngila?

³ Aap. Sukan­ner­pal­laar­neq maleruutiaval­laar­nerlu siuner­tarisamut naleq­qutin­ngil­lat, ajor­torujus­suarmil­lu kinguneqarsin­naal­lutik. (Nalunaajaasup oqaasii 7:16, 17) Angajoq­qaal­li kristumiuusut ilaqut­tamin­nik ser­nis­suinermin­ni qanoq ilil­lutik oqimaaqatigiis­saarisin­naap­pat? Atuarfik, ilagisar­tak­kat aliik­kutas­sal­lu sam­meriar­tigik.

MEEQQATIT KIKKUNNIT ILINNIARTIN­NEQARPAT?

4. Angajoq­qaat kristumiuusut atuar­titaaneq qanoq isigisariaqar­paat?

⁴ Angajoq­qaat kristumiuusut meeq­qamik ilin­niar­tin­neqar­nis­saat pingaar­tit­torujus­suuaat, atuarsin­naaleq­qul­lugit al­las­sin­naaleq­qul­lugil­lu, nam­min­neq oqaatsitik atorlugit saq­qum­mius­sisin­naaleq­qul­lugit, kiisalu ajor­nar­torsiutinik aaq­qiisin­naaleq­qul­lugit. Aam­ma ilisimasas­sanik tigooraaneq ilin­niar­tariaqar­paat. Meeq­qat atuarfim­mi ilik­kak­katik ul­lutsin­ni silarsuarmi inuunermi unam­miniar­nar­tunik qaangiisin­naaler­nis­samin­nut iluaqutigisin­naavaat. Pitsaasumil­lu atuar­titaasimaner­tik pitsaasumik naam­mas­sisaqarsin­naaler­nis­samin­nut iluaqutigisin­naavaat. — Us­satit 22:29.

5, 6. Meeq­qat qanoq ilil­lutik atuarfim­mi kinguaas­siuutinut tun­ngasunik eq­qun­ngitsunik paasis­sutis­sin­neqarsin­naasar­pat?

⁵ Meeq­qal­li aam­ma atuarfim­mi meeq­qanik, soorlu atoqatigiin­nermut ileq­qus­satigul­lu najoq­qutas­sanut tun­ngatil­lugu ilaatigut kuk­kusumik paasin­nit­taasilin­nik, ilaqar­tar­put. Nigeriami niviarsiaq­qap tamalikat­tup atuaqatini atoqatigiin­nermik ilitsersuus­simavai. Atuaqataasa tusar­naaq­qis­saarsimavaat, mas­sa oqalut­tuai suun­ngitsunik atuagas­sianit kan­ngunar­tunit atoqatigiin­nermut tun­ngasuneersunik ulik­kaaraluar­tut. „Ilitsersuus­sutai“ niviarsiaq­qat ilaasa malis­simavaat. Tamatuma kingunerisaanik niviarsiaq­qat ilaat katis­simanani naar­tulersimavoq naar­tuersin­niar­til­lunilu toqusimal­luni.

⁶ Ajoraluar­tumil­li kinguaas­siuutitigut atoqatigiin­neq pil­lugu paasis­sutis­sat ilumuun­ngitsut meeq­qat atuarfim­mi pis­sarsiarisar­tagaasa ilar­pas­sui atuaqatineersuunatik ilin­niar­titsisuneersuup­put. Meeq­qat atuarfim­mi ileq­qus­satigut najoq­qutas­sianik akisus­saas­susermil­lu ilin­niar­tin­neqar­natik kinguaas­siuutinut tun­ngasunik ilin­niar­tin­neqar­tar­nerat angajoq­qaat ilar­pas­suisa isumakuluutigaat. Niviarsiaq­qap aq­qaneq-marlun­nik ukiul­lip anaanaa ima oqarsimavoq: „Up­perisarsior­nik­kut pis­susitoq­qanik pingaar­titsif­fioqisumi najugaqar­pugut, taamaak­kaluar­torli tamaani highschoolimi usuup puuinik agguaas­sisoqar­tar­poq!“ Uinilu isumatsas­simaqaat paasigamik­ku panitsik nukap­piaq­qanit peqatiminit atoqatiginiar­neqar­tarsimasoq. Taamatut ajor­tumik sun­niinermut angajoq­qaat qanoq ilil­lutik meeq­qatik ser­nis­sorsin­naavaat?

7. Meeq­qat kinguaas­siuutinut tun­ngasunik eq­qun­ngitsunik paasisaqar­tin­neqar­tar­nerat qanoq ilil­luni pitsaaner­paamik il­lua’tungiler­neqarsin­naava?

⁷ Kinguaas­siuutinut tun­ngasut oqaluuserinaveersaar­nerisigut meeq­qat pitsaaner­paamik ser­nis­sor­neqarsin­naap­pat? Naamik. Pingaar­torujus­suuvoq angajoq­qaat nam­min­neerlutik meeq­qamin­nik kinguaas­siuutinut tun­ngasunik paasis­sutis­siinis­saat. (Us­satit 5:1) Europami Amerikamilu avan­narlermi inuit ilar­pas­suisa tamak­kunun­nga tun­ngasut oqaluuserinis­saat it­toorutigisar­paat. Afrikamilu nunat ilaan­ni angajoq­qaat meeq­qamin­nut kinguaas­siuutinut tun­ngasut oqaluusererusup­pal­laar­neq ajor­paat. „Taman­na Afrikami kulturimut ilaan­ngilaq,“ ataataq Sierra Leonemeersoq oqar­poq. Angajoq­qaat ilaat isumaqar­put meeq­qatik kinguaas­siuutinut tun­ngasunik ilin­niar­tik­kunik­kik kan­ngunar­tulior­nermik kinguneqar­tumik isumas­sarsitiin­nas­sal­lugit. Guutili qanoq isumaqar­pa?

KINGUAASSIUUTIT PILLUGIT GUUTIP ISUMAA

8, 9. Biibili paasis­sutis­sanik kinguaas­siuutinut tun­ngasunik pitsaasunik sunik imaqar­pa?

⁸ Biibilimi erseq­qis­sumik ersersin­neqar­poq kinguaas­siuutinut tun­ngasunik eq­qor­tumut atatil­lugu oqaluuserin­nin­neq as­suar­nar­tuun­ngitsoq. Israelimi Guutip in­nut­tai nalunaarfigineqarsimap­put Mosesip inatsisaasa atuf­fas­sis­sutigineqar­neran­nik tusar­naariarlutik katersuut­tas­sasut, aam­magooq „meeq­qat“. (5 Moses 31:10-12; Josva 8:35) Inatsisini taak­kunani kinguaas­siuutinut tun­ngasut as­sigiin­ngitsut eq­qar­tor­neqar­put, ilaatigut aaqar­neq, anisoor­neq, kan­ngunar­tulior­neq, al­lasior­neq, anguteqatinoor­neq ar­naqatinoor­nerlu, qanigisamik atoqateqar­neq uumasunil­lu atoqateqar­neq. (3 Moses 15:16, 19; 18:6, 22, 23; 5 Moses 22:22) Qular­nan­ngitsumik tamak­ku atuf­fas­sis­sutigineqareeraangata angajoq­qaat meeq­qamin­nut apeq­qaris­sunut nas­suiagas­sar­pas­suaqar­tarsimas­sap­put.

⁹ Us­satit kapitaliisa tal­limaan­ni, arfer­nan­ni arfineq-aap­paan­nilu kinguaas­siuutitigut kan­ngunar­tulior­nerup navianaatai pil­lugit ataatap er­nerminut asan­nit­tumik un­nersuus­sutai nas­saas­saap­put. Al­las­simaf­fiit tamak­kua takutip­paat kan­ngunar­tulior­nis­saq ilaan­nik­kut us­ser­nar­torsior­narsin­naasar­toq. (Us­satit 5:3; 6:24, 25; 7:14-21) Erseq­qis­sar­neqar­porli taamaalior­neq eq­qun­ngitsulior­nerusoq ajor­torujus­suarmil­lu kinguneqar­tarluni, inuusut­tul­lu kan­ngunar­tulior­naveersaar­nis­saan­nik ikior­niarlugit un­nersuun­neqar­put. (Us­satit 5:1-14, 21-23; 6:27-35; 7:22-27) Aam­malu kinguaas­siuutitigut atoqatigiin­nermut, kil­lis­sat eq­qor­tut iluan­ni, tas­sa katis­simal­luni aap­pariin­nerup iluani, pisar­tumut atatil­lugu nuan­naar­nerup akerliatut kan­ngunar­tulior­neq saq­qum­miun­neqar­poq. (Us­satit 5:15-20) Tamas­sa angajoq­qaat qanoq meeq­qamin­nik ilin­niar­titsinis­saan­nut maligas­saq pitsaasoq.

10. Sooq meeq­qat kinguaas­siuutinut tun­ngasunik paasis­sutis­sin­neqar­nerat taak­kua kan­ngunar­tulior­neran­nik kinguneqar­navian­ngila?

¹⁰ Meeq­qat taamatut ilin­niar­tin­neqar­nerat kan­ngunar­tulior­neran­nik kinguneqas­sava? Naamik, Biibilimili ima al­las­simavoq: „Ilisimasaqar­nermik­kut iluar­tut an­naan­neqar­tar­put.“ (Us­satit 11:9, NV) Silarsuup matuma sun­niineranut meeq­qatit ser­nis­sorusup­pigit? Ataataq ima oqarsimavoq: „Meeq­qavut mikisun­nguuneran­nil­li kinguaas­siuutinut tun­ngasut am­masumik oqaluuseriniar­tarsimavavut. Taamaam­mat meeq­qat al­lat atoqatigiin­nermut tun­ngasut oqal­lisigigaangatigik alaper­naan­neq ajor­put. Nalunermi ajor­paat suna pineqar­toq.“

11. Meeq­qat kinguaas­siuutinut tun­ngasunik qanoq paasisaqar­tik­kiar­tuaar­neqarsin­naap­pat?

¹¹ Soorlu kapitalini siuliiniit­tuni eq­qaaneqareersoq kinguaas­siuutinut tun­ngasunik ilin­niar­titsineq aal­lar­tiaar­tariaqar­poq. Meeq­qat timip pisataasa taaguutaan­nik ilin­niar­tin­neran­ni kinguaas­siuutit kan­ngusuutigisariaqar­tutut qaangiin­nar­neqar­tariaqan­ngil­lat. Qanoq taaguuteqar­neran­nik ilin­niar­tik­kit. Pif­fis­sap ingerlanerani pingaar­tuuvoq suup isor­naatsuuneranik sunil­lu kil­lis­saqar­neran­nik oqaloqatigis­sal­lugit. Angajoq­qaat marluul­lutik meeq­qanik ilin­niar­titsinis­saat inas­sutiginar­poq, meeq­qal­lu paasitin­neqar­tariaqar­put kinguaas­siuutitik im­mik­kut it­tuusut al­lanut at­tor­neqaq­qusaan­ngitsut imaluun­niit takuneqaq­qusaan­ngitsut, aam­malu eq­qun­ngitsumik oqal­lisigineqar­tus­saan­ngitsut. Meeq­qat an­nerulaaler­pata paasitin­neqar­tariaqar­put angut ar­narlu sugaangata meeraq kinguaas­siarineqar­tar­toq. Inuusut­tuaran­ngun­ngin­nermin­ni erseq­qis­sumik paasereersimasariaqar­paat timimin­ni sunik al­lan­ngoriar­tor­toqalerumaar­toq. Soorlu kapitali 5-imi eq­qar­tor­neqar­toq meeq­qat taamatut ilin­niar­tin­neqar­ner­tik kinguaas­siuutitigut ator­nerlun­neqar­nis­samut il­lersuutigisin­naavaat. — Us­satit 2:10-14.

AAMMA ANGAJOQQAAT ILINNIAGAS­SAQARPUT

12. Paasin­nit­taatsit kuk­kusut suut meeq­qat atuarfim­mi pis­sarsiarisin­naasar­paat?

¹² Paasin­nit­taatsinik eq­qun­ngitsunik meeq­qat im­maqa atuarfim­mi pis­sarsiarisimasaan­nik naq­qiinis­samin­nut angajoq­qaat piareersimasariaqar­put — soorlu pin­ngoriar­tuaarsimanermik, inuiaas­sutsimik pingaar­titsinermut tun­ngasumik, imaluun­niit ilumoor­tup nas­saas­saan­ngil­luin­nar­neranik eq­qarsaam­mik. (1 Korintumiut 3:19; naleq­qiuguk Mosesimik al­lak­kat siul­liit 1:27; Mosesimik al­lak­kat pingajui 26:1; Juánase 4:24; 17:17.) Ilin­niar­titsisut ilar­pas­suisa ajun­ngitsumik isumaqarlutik ilin­niagaqaq­qin­nis­saq pingaar­tit­tar­torujus­suuaat. Soorunami qanoq ilin­niagaqaq­qitsiginis­saq inuup nam­mineq aalajangigas­saraa, ilin­niar­titsisul­li ilaat oqar­niar­tar­put ilin­niaq­qin­neq inuunermi iluatsitsinis­samut aq­qutis­satuaasoq.a — Tus­siaat 146:3-6.

13. Meeq­qat atuar­tut isum­manut kuk­kusunut qanoq ilil­luni ser­nis­sor­neqarsin­naap­pat?

¹³ Angajoq­qaat meeq­qat ilin­niarsimasaasa ilaasa sooq eq­qun­ngitsuuneran­nik paasitis­sin­naas­sagunik­kik sunik ilin­niar­tin­neqar­tar­nerat ilisimasariaqar­paat. Tas­sa imaap­poq, aam­ma angajoq­qaat ilin­niagas­saqar­put! Meeq­qavit atuar­nerat soqutigil­luin­naruk. Atuareerlutik angerlaraangata oqaloqatigisak­kit. Suut ilin­niarsimaneraat, suna nuan­nariner­paaneraat sunalu nalunar­tin­ner­paaneraat apersor­tak­kit. Sunik ilin­niagas­saqar­nerat, sunik al­laaserisas­saqar­nerat qanorlu karakteereqar­nerat malin­naaf­figik­kit. Ajor­nan­ngip­pat ilin­niar­titsisui ilin­niak­kit. Ilin­niar­titsisut oqarfigisak­kit suliaat pingaar­tik­kit sapin­ngisan­nil­lu tapersersorusuk­kitit. Atuarfim­mi angajoq­qaanik ataatsimiititsisar­neq tamatumun­nga periarfis­saavoq.

MEEQQAVIT IKINNGUTAAT

14. Sooq meeq­qat Guutimik mianerin­nit­tut ajun­ngitsunik ikin­nguteqar­nis­saat taama pingaar­tigaa?

¹⁴ „Sumi ilik­karak­ku?“ Angajoq­qaat qas­sim­mitaava taama aperisimap­pat meerar­tik ilimagin­ngil­luin­nak­kamin­nik oqar­toq ilior­torluun­niit tupaatigalugu? Qas­sinim­mitaava paasinarsisar­pa atuarfim­mi eq­qamin­niluun­niit kam­malaatitaamin­nit ilik­karsimagaat? Aap, inuusut­tuugaluarut­ta utoq­qaagaluarut­taluun­niit ikin­ngutit­ta as­sut sun­ner­tar­paatigut. Apustili Paulus ima mianersoq­qusisimavoq: ’Tam­mar­naveeritsi; ajor­tut ikin­ngutigalugit ileq­qut ajun­ngitsut aseror­tar­put.’ (1 Korintumiut 15:33; Us­satit 13:20) Ingam­mik inuusut­tut ilagisar­tak­kamin­nit sun­ner­tiasuup­put. Amerlaner­tigut im­minut tatigineq ajor­put kam­malaatimin­nil­lu nuan­narineqar­nis­sar­tik kak­kagineqar­nis­sar­til­luun­niit ilaan­nik­kut as­sut kis­saatigisarlugu. Taamaat­tuminguna peq­qis­saarlutik ikin­ngutis­samin­nik qinersisariaqar­tut.

15. Angajoq­qaat meeq­qatik ikin­ngutis­samin­nik qinersinis­saan­nik qanoq ikiorsin­naavaat?

¹⁵ Soorlu angajoq­qaat nalun­ngik­kaat meeq­qat silatuumik aalajangiiuaan­nar­tan­ngil­lat; un­nersuun­neqar­nis­sar­tik atorfis­saqar­tip­paat. Taman­nali isumaqan­ngilaq angajoq­qaat meeq­qatik ikin­ngutis­saan­nik qinersis­sutis­sagaat. Ajun­ngin­neruvoq al­liar­tor­til­lugit siuneqas­sutsimin­nik atuinis­saan­nik ilin­niar­tis­sal­lugit, paaseq­qul­lugu ikin­ngutimik pis­susii suut maluginiar­tariaqaraat. Jehovamik asan­nin­neq taas­sumalu isaani eq­qor­tumik ilior­neq pingaar­ner­paavoq. (Mákorse 12:28-30) Inun­nik un­neq­qaris­sunik, inus­siar­nersunik, tunisiumatuunik eqiasuitsunil­lu ataq­qin­niler­nis­saan­nik nuan­narisaqaler­nis­saan­nil­lu ilin­niar­tis­sigik. Ilaqutariit­tut atuaq­qis­saar­nis­sin­ni inun­nik Biibilimi eq­qar­tor­neqar­tunik taamatut pis­susilin­nik, taavalu ilagiin­niit­tut ilaan­nik as­singusunik pis­susilin­nik, ilisarin­nis­sin­naaler­nis­saan­nik ikior­tarsigik. Nam­mineq maligas­siuigitsi meeq­qas­sin­nut ikin­ngutigeq­qusas­situt pis­susilin­nik ikin­ngusersor­nis­sigut.

16. Angajoq­qaat qanoq ilil­lutik paasiniarsin­naavaat meeq­qamik kik­kut ilagisaraat?

¹⁶ Meeq­qavit ilagisar­tagaat nalun­ngiligit? Ilagisar­tagaat ilisarisimaneruler­niarlugit angerlarsimaf­fis­sin­nut pulaar­tit­tarsin­naan­ngilisigik? Aam­ma meeq­qatit aperisin­naavatit kam­malaataat meeq­qanit al­lanit qanoq isigineqar­nersut. Un­neq­qaris­sutut imaluun­niit marloqiusamik inooriaasilit­tut ilisimaneqar­pat? Kingul­ler­tut pis­suseqar­pata meeq­qatit paasitin­niar­tariaqar­patit inuusut­tunik taama it­tunik kam­malaateqar­ner­tik sooq ajoqutigisin­naagaat. (Tus­siaat 26:4, 5, 9-12) Meeq­qat al­latut pis­susilersor­talerlunilu atisalersor­taler­pat imaluun­niit il­lit iluarin­ngisan­nik isum­mer­talerlunilu oqalut­taler­pat pisariaqarsin­naavoq ikin­ngutai pil­lugit oqaloqatigis­sal­lugu. Meeq­qat im­maqa ajor­tumik sun­niisunik ilagisar­tagaqar­poq. — Naleq­qiuguk Mosesimik al­lak­kat siul­liit 34:1, 2.

17, 18. Angajoq­qaat ikin­ngutinut ajor­tunut mianersoq­qusiin­naratik qanoq iliuuseqarsin­naap­pat?

¹⁷ Naam­man­ngilarli meeq­qat oqalut­tuutiin­nas­sal­lugit ajor­tunik ikin­nguteqar­naveersaar­tariaqar­tut. Im­maqa ajun­ngitsunik ikin­ngutis­sarsior­nermin­ni ikior­neqar­tariaqar­put. Ataataq ima oqalut­tuar­poq: „Taar­taasumik iliuuseqar­niar­tuaan­nar­tarsimavugut. As­sersuutigalugu, er­ner­put atuarfim­mi arsaat­tar­tunut ilan­nguteq­quneqarmat nuliaralu oqaloqatigaar­put taman­na pitsaaval­laan­ngitsoq ilan­ngutis­sagaluaruni ilagisar­tagas­sai pis­sutigalugit. Siun­nersuutigaar­put ilagiin­ni meeq­qat ilasereriarlugit il­loqan­ngin­nersamut arsaak­kiar­tor­tar­nis­sar­put. Ajoraluan­ngilaq.“

¹⁸ Meeq­qat peq­qin­nar­tunik sam­misaqaqatigisin­naasamin­nik ikingutitaar­nis­saat angajoq­qaat silatuut eq­qumaf­figisar­paat. Aliik­kutas­saqar­titsiniar­nerli im­mini angajoq­qaat ilar­pas­suinut unam­miniar­nar­tuuvoq.

ALIIKKUTASSAT QANOQ ITTUT?

19. Biibilimi eq­qar­tor­neqar­tut suut takutip­paat nuan­nisar­neq ajor­tulior­nerun­ngitsoq?

¹⁹ Nuan­nisar­neq Biibilimi akerlerineqar­pa? Naamerluin­naq! Biibilimi oqaatigineqar­poq ’il­larfis­saqarlunilu qit­taserfis­saqar­toq’.b (Nalunaajaasup oqaasii 3:4) Itsaq Israelimi Guutip in­nut­taasa nipilersor­neq, qitin­neq, pin­nguaatinik pin­nguar­neq nalorsitsaarinerlu as­sut nuan­nisaatigisarsimavaat. Jesus Kristus katit­torsior­tunut Mat­tæus Levil­lu ’angisuumik nerliias­sior­titsineranut’ najuus­simavoq. (Lúkarse 5:29; Juánase 2:1, 2) Ersarip­poq Jesus nuan­nisar­nermik ’qamitsigajut­tuusiman­ngitsoq’. Nuan­naar­neq nuan­naarsaatil­lu ajor­tuliatut ilaqut­tan­ni isigin­ngisaan­nak­kit!

20. Angajoq­qaat ilaqutariin­nik aliik­kutas­saqar­titsisar­nermin­ni suut eq­qaamasariaqar­paat?

²⁰ Jehova tas­saavoq ’Guuti pil­luar­toq’. (1 Timûtiuse 1:11) Taamaat­tumik Jehovamut kif­far­tor­neq nuan­naar­nar­tuusariaqar­poq, inuunermik avaan­ngunar­titsisuunani. (Naleq­qiuguk Mosesimik al­lak­kat tal­limaat 16:15.) Meeq­qat qiivalaqisuup­put nukis­sanil­lu pin­nguar­nik­kut aliik­kusersor­nik­kul­lu ator­neqar­tar­tunik ulik­kaarlutik. Aliik­kutas­sat pitsaasut pequer­nerin­naan­ngil­lat. Meeq­qap ilik­kagaqar­nis­saminut inerik­kiar­tor­nis­saminul­lu iluaqutigisar­pai. Ilaqutariin­ni ’niaquusup’ ilaqut­tami pisariaqar­titaan­nik tamanik, aam­ma aliik­kutas­saqar­nis­saan­nik, isumaginis­saat akisus­saaf­figaa. Oqimaaqatigiis­saarinis­sarli pingaar­tuuvoq.

21. Ul­lumik­kut aliik­kutas­siat eq­qarsaatigalugit sunik mianersorfis­saqar­pa?

²¹ ’Ul­luni kingul­ler­ni’ ajor­nar­torsiorfioqisuni mak­kunani Biibilimi siulit­tuutigineqar­tutorluin­naq inun­nik, ’Guuti kajumiginagu nuan­naarutinut kajumit­tunik’, ulik­kaar­poq. (2 Timûtiuse 3:1-5) Inuit ilar­pas­suisa inuuner­tik nuan­naar­niutaan­nar­nut ator­tar­paat. Aam­malu aliik­kutas­sar­pas­suaqangaarmat pingaar­nerusut tunul­liun­neqaq­qajaasar­put. Kiisalu nalitsin­ni aliik­kutas­siat kinguaas­siuutitigut kan­ngunar­tulior­nermik, nakuuser­nermik, ikiaroor­nar­tumik ator­nerluinermik al­lar­pas­suar­nil­lu ajoqutaasunik ulik­kaar­put. (Us­satit 3:31) Aliik­kutas­sianut aseror­nar­tunut tamak­kunun­nga inuusut­tut ser­nis­sor­niarlugit qanoq ilior­toqarsin­naava?

22. Angajoq­qaat qanoq ilil­lutik meeq­qatik aliik­kutas­sianik pitsaasunik qinersinermik ilin­niar­tis­sin­naavaat?

²² Angajoq­qaat meeq­qamin­nut kil­lilersuuteqar­tariaqar­put. Taman­nali naam­man­ngilaq. Meeq­qatik ilin­niar­tit­tariaqar­paat aliik­kutas­siat qanoq it­tut ajoqutaaneran­nik qaquguk­kul­lu aliik­kutas­siat ingasaan­neqar­tar­neran­nik. Tamak­kunin­nga ilin­niar­titsis­sagaan­ni pif­fis­saq iliuuseqar­nis­sarlu pisariaqar­put. As­sersuuteqariar­ta. Ataatap marlun­nik er­nil­lip malugaa er­nini angajul­leq radioqarfim­mut aalajangersimasumut tusar­naakulasorujus­suusoq. Taamaat­tumik ul­lut ilaan­ni lastbiiliminik ingerlaar­til­luni radioqarfik taan­na tusar­naar­paa. Ilaan­nik­kooriarluni unit­tar­poq erinarsuk­kal­lu taal­lar­taat al­lat­tarlugit. Kingusin­nerusuk­kut er­nini tusar­naak­kaminik oqalut­tuup­pai. Qanoq isumaqar­nerat paasiniarlugu apersor­pai, oqaasis­saal­lu naam­magit­tarluni tusar­naarlugit. Biibili aal­laavigalugu sianisuumik eq­qarsalersin­niareermatik nukap­piaq­qat radioqarfim­mut pineqar­tumut tusar­naaq­qin­ngin­nis­samin­nut akuersip­put.

23. Angajoq­qaat qanoq iliorlutik meeq­qatik aliik­kutas­sianut ajor­tunut ser­nis­sorsin­naavaat?

²³ Angajoq­qaat kristumiuusut silatusaas­sap­put paasinias­sagunik­kik nipilersuk­kat, tv-k­kut isigin­naagas­siat, videot, ’aviiseeq­qat’, videomik pin­nguaatit filmil­lu suut meeq­qamik soqutigigaat, qalii al­lagar­taal­lu, al­laaserineqar­neri filminil­lu takulaagas­siat maluginiaq­qis­saar­tarlugit. „Aliik­kutas­siat“ ul­lumik­kut inuusut­tunut neqeroorutigineqar­tar­tut inup­pas­suit uis­suum­mis­sutigisar­paat. Sun­niipilun­nermut mingut­tuumut taama it­tumut meeq­qamin­nik ser­nis­suerusut­tut aliik­kutas­siat taama it­tut navianaateqas­susiat ilaqutariit­tut oqaloqatigiis­sutigisar­paat, ilaatigut Biibili atuagas­sial­lu Biibililersaarutit, soorlu Unge spørger — Svar der duer aam­ma atuagas­siani Napasuliaq Alapernaarsuiffik-mi Iteritsi!-milu ilan­ngutas­siat, atorlugit.c Angajoq­qaat aalajangersimasunik kil­lilersuuteqaraangata aam­malu aalajangersimal­luin­narlutil­lu ingasaas­sinian­ngik­kaangata amerlasuutigut ajun­ngitsumik kinguneqar­tar­poq. — Matîuse 5:37; Filípimiut 4:5.

24, 25. Ilaqutariit sun­ngif­fim­mi ataatsimoorlutik sulerisin­naap­pat?

²⁴ Soorunami aliik­kutas­sianik aseror­nar­tunik iner­teq­quteqar­nerin­naq naam­man­ngilaq. Meeq­qat ajor­tumut ingerlaler­nis­saat pin­ngitsoor­tin­niaraan­ni aliik­kutas­sianut ajor­tunut taarsiul­lugu arlaan­nik ajun­ngitsunik sam­misas­saqar­tit­tariaqar­put. Ilaqutariit kristumiut ilar­pas­suisa pisut­tuar­tar­nitik, asiar­tar­nitik, pin­nguaatinik pin­nguaqatigiit­tar­nitik, timersoqatigiit­tar­nitik imaluun­niit qanigisanut ikin­ngutinul­lu pulaar­tar­nitik nuan­nersunik eq­qaamasaqarfigaat. Ilaasa im­min­nut nipituumik atuf­fatis­sal­lutik nuan­narisaqaat. Al­lat tis­sinar­tunik pis­sanganar­tunil­lu im­min­nut oqalut­tuaqat­taat­tar­put. Al­lal­lu soqutigisamik aalajangersimasumik aal­lus­sisar­put, soorlu qisun­nik sanalul­lutik al­latul­luun­niit as­sas­soris­samik sam­misaqarlutik, imaluun­niit nipilersoqatigiit­tar­put, titar­taaqatigiil­lutik qalipaaqatigiil­lutil­lu, Guutil­luun­niit pin­ngor­titarsua misis­suif­figalugu. Meeq­qat sam­misas­sanik taama it­tunik nuan­narin­nilersimasut aliik­kutas­siar­pas­suar­nut mingut­tuunut ser­nis­sor­neqar­tar­put, ilik­kar­tar­paal­lu is­siaan­narluni aliik­kusersor­tin­neq kisimi periarfis­saan­ngitsoq, aam­mali al­lanik sam­misaqar­toqarsin­naasoq. Peqataaneq isigin­naar­tuuin­nar­nermit nuan­ner­nerusar­poq.

²⁵ Katerisimaar­neq aam­ma sukisaarsaataasin­naavoq nuan­nersoq. Katerisimaar­neq nak­kutigineqaruni, an­ner­tual­laaranilu pif­fis­samik tigusival­laan­ngik­kuni, meeq­qanut nuan­nisarfiuin­narani aam­ma ilagiin­ni asan­nin­nerup nimianut nakus­sas­saataas­saaq. — Naleq­qiuguk Lúkarse 14:13, 14; Jûtarse 12.

ILAQUTARIITTUT SILARSUAQ AJUGAAFFIGISIN­NAAVARSI

26. Ilaqutariit sun­niipilun­nermut ser­nis­sor­niaraan­ni pis­suseq suna tamanit pingaar­nersaava?

²⁶ Ilaqutariin­nik silarsuup sun­niipilun­nerinut ser­nis­suiniar­neq qularutis­saan­ngitsumik imaan­naan­ngitsorujus­suuvoq. Unam­miniar­nar­tul­li tamatuma qaanger­niar­nerani iluaqutiginer­paasas­sarsi tas­saavoq asan­nin­nermik ersersitsisar­neq. Qanimut asan­nit­tumil­lu ilaqutariit­tut ataqatigiin­nis­si angerlarsimaf­fis­si toq­qis­sisimanar­tun­ngor­tis­savaa at­taveqatigiin­nerlu siuarsas­sal­lugu, taman­nalu sun­niipilun­nermut ajor­tumut ser­nis­suutis­saal­luar­poq. Asan­nin­neq ineriar­tor­tin­neqar­tariaqar­toq pingaar­ner­paaq tas­saavoq Jehovamik asan­nin­neq. Asan­nin­neq taama it­toq ilaqutariin­ni atuup­pat silarsuup sun­niipilun­neranut nak­kaan­nar­nik­kut Guutip iluarin­ngisaanik ilior­toor­nis­samik eq­qarsaataan­narmil­luun­niit ilaqutariit uumigin­niler­nis­saat ilimanaateqar­torujus­suus­saaq. Angajoq­qaat uum­mam­mit pisumik Jehovamik asan­nit­tut taas­suma pis­susia asan­nit­toq, ingasaas­sinian­ngitsoq oqimaaqatigiis­saarisorlu ilaarumas­savaat. (Evfisumiut 5:1; Jâko 3:17) Taamaalior­pata meeraasa Jehovamik pal­lorfigin­nin­neq avaan­ngunar­tutut nuan­nersor­taqan­ngitsutul­lu, iner­teq­qutaan­nar­nik imalit­tut pisin­naaler­niariarlutil­lu qimatas­samis­sut, isiginavian­ngilaat. Akerlianil­li paasis­savaat Guutimik pal­lorfigin­nin­neq inooriaasiusoq pil­luar­nar­ner­paal­lunilu pisuun­ngor­nar­ner­paaq.

27. Ilaqutariit qanoq ilil­lutik ’silarsuaq ajugaaf­figisin­naavaat’?

²⁷ Ilaqutariit Guutimut kif­far­tor­nermi pil­luar­narlunilu oqimaaqatigiis­saarif­fiusumi ataasius­suseqar­nermin­nik at­tas­siin­nar­tut, silarsuul­lu matuma sun­niipilun­nera eq­qarsaatigalugu ’in­narluitsuunis­samin­nik as­suar­naatsuunis­samin­nil­lu’ uum­matimik­kut iluun­ngarlutik ilungersuus­sisut, Jehovamut nuan­naarutaas­sap­put. (2 Pîtruse 3:14; Us­satit 27:11) Ilaqutariit taama it­tut Jesus Kristus, Satanip silarsuaata im­minut mingutsitsiniar­nerigaluinut tamanut akiuus­simasoq, ilaar­paat. Nunarsuarmi inuunermi naaler­nerani Jesus ima oqarsin­naasimavoq: ’Silarsuarmut ajugaavunga.’ (Juánase 16:33) Qanor­toq aam­ma ilis­si ilaqutariit­tut silarsuaq ajugaaf­figigisiuk naas­saan­ngitsumil­lu inuusin­naalerlusi!