Guuti tassaavoq ikinngutiginerpaasinnaasat

Guutimut ikinngutaalernerit inuuninni pisinnaasut pitsaanerpaartarissavaat. Guutip ilin­niar­tis­savaatit qanoq ilil­lutit pil­lualersin­naasutit toq­qis­sisimasin­naasutil­lu; ajoqersuutinit eq­qun­ngitsunit ileq­qunil­lu ajoqutaasunit aniguisis­savaatit. Qin­nutitit tusaas­savai. Isumal­luar­tuunis­san­nut qamuunalu eq­qis­sisimaler­nis­san­nut ikius­savaatit. (Tus­siaat 71:5; 73:28) Ajor­nar­torsiorfin­ni Guutip tapersersus­savaatit. (Tus­siaat 18:18) Aam­mat­taaq inuunerup naas­saan­ngitsup tun­nis­sutaa neqeroorutigaa. — Rûmamiut 6:23.

Guutimut qaninnerulernerpit taassuma ikinngutaanut qaninnerulersissavaatit. Taak­kut­taaq ikin­ngutigilersin­naavatit. Aap, ilin­nut qatan­ngutitut ilis­sap­put. Guutimik ilisarisiman­nin­neruler­nis­san­nik ilin­niar­tis­sal­lutit nuan­naarutigis­savaat, ikiorlutil­lu qiim­mas­sas­savaatsit.

Guuti naliginngilarput. Guutimut ikin­ngutaaler­niarut­ta naligisamik ikin­nguteqar­ner­tut in­ngin­nerata eq­qaamanis­saa pingaar­poq. Taan­na uatsin­nit utoq­qaanerungaarlunilu, ilisimatunerungaarlunilu pis­saaneqar­nerungaar­poq. Taan­na Naalagas­savigaar­put. Ikin­ngutigilerusuk­kutsigu tusar­naar­tariaqar­par­put peq­qus­sutaalu iliuuseralugit. Taamaalior­ner­put iluaqutigiuaan­nas­savar­put. — Jesaja 48:18.