Guuti pillugu ilinniartariaqarputit

Guutimut ikinngutaassaguit taanna pillugu ilinniartariaqarputit. Soorunami ikin­ngutivit atit nalun­ngilaat ator­tarlugulu. Taamatut­taaq Guutip kis­saatigaa aq­qa nalun­ngik­kit atus­sagil­lu. Guutip aq­qa tas­saavoq Jehova. (Tus­siaat 83:18, NV; Matîuse 6:9) Aam­ma paasisariaqar­pat suut iluarinerai suul­lu iluarin­ngin­nerai. Paasisariaqar­pat kik­kut ikin­ngutiginerai kik­kul­lu akerarinerai. Al­lap ilisarisimaler­niar­nera sivisusin­naasar­poq. Biibilimi al­las­simavoq Jehovamik ilin­niar­nis­saq pif­fis­saqarfigigaan­ni silatusaar­nerusoq. — Evfisumiut 5:15, 16.

Guutimut ikinngutaasut iluarisaanik iliortarput. Uku eq­qarsaatigik­kit: Ikin­ngutitit ajor­tumik iliorfigiguk­kit uumigisaan­nil­lu iliorlutit ilin­nut ikin­ngutaajuarusus­sap­pat? Soorunami naamik! Guutimut ikin­ngutaajumaguit iluarisaanik ilior­tariaqar­putit. — Juánase 4:24.

Upperisarsiornerit tamakkeratik Guutimut ikinngutaalersitsisarput. Jesusip, Guutimut ikin­ngutaaner­paasup, aq­qutit marluk eq­qar­tor­pai. Aap­paa sileqaaq tas­suunalu ingerlasut amerlaqaat. Aq­qul­li taan­na aserorsimaf­fim­mut sam­mivoq. Aq­qutip aap­paa ameqaaq tas­suunalu ingerlasut ikeqaat, taan­nali inuunermut naas­saan­ngitsumut sam­mivoq. Taman­na isumaqar­poq Guutimut ikin­ngutaajumaguit taas­sumin­nga eq­qor­tumik pal­lorfigin­nin­neq ilik­kar­tariaqarit. — Matîuse 7:13, 14.