IMMIKKOORTOQ 9

Nunarsuaq qaqugu paratiisinngussava?

Ajornartorsiutinit erserpoq Guutip naalagaaffia tikiutingajalersoq. Lukasi 21:10, 11; 2 Timotheusi 3:1-5

Ulluni kingullerni ajornartorsiutit nalinginnaasut – aningaasanoorneq, sorsunneq, nappaatit, nerisassaaleqineq, angajoqqaanut naalannginneq, angerlarsimaffinni nakuuserneq

Ullumikkut pisartut ilarpassui Biibilimi siulittuutigineqarput. Allassimavoq inuit peqqarniitsuujumaartut, angajoqqaaminnut naalanngitsuujumaartut aningaaserituujullutillu aliikkutassanik pingaartitsisuujumaartut.

Nunami sajunnersuaqartarumaarpoq, sorsuttoqartarumaarluni, kaannersuaqartarumaarluni nappaalanersuaqartarumaarlunilu. Maanna tamakku pisarput.

Jehovap Nalunaajaasuisa ilaata Naalagaaffik pillugu nutaarsiassaq nuannersoq angummut oqaluussissutigigaa

Jiisusi aamma oqarpoq Guutip naalagaaffia pillugu nutaarsiassaq nuannersoq nunarsuaq tamakkerlugu oqaluussissutigineqassasoq. — Matthæusi 24:14.

Guutip naalagaaffiata ajussuseq tamaat piissavaa. 2 Petrusi 3:13

Ajortut Harmagedonimi piiagaasut, aamma Saatani inngilipiluilu pillarneqartut

Qanittukkut Jehovap ajortut tamaasa piuneerutissavai.

Saatani anersaapiluillu pillarneqassapput.

Jiisusi qilammi isiavissaarsuarmini issiasoq, inuiaallu assigiinngitsut nuannaartut

Guutimut tusarnaarlutillu naalattut aniguissapput silarsuassaq nutaaq naapertuilluarfiusoq inuuffigissallugu. Tassanilu aarlerinartoqassanngilaq, inuit tamarmik tatigeqatigiissallutillu asaqatigiissapput.