Gûtip oĸausia ûmavoĸ
Jesusip píngorĸigfigssaĸ neriorssûtigâ
„ATA, tamaisa ĸimagdlugit maligpavtigit,“ apustile Peterip Jesus oĸarfigâ. „susíssutigísavarput?“ akíssut malungnartoĸ Jesusip akíssutigissâ erĸarsautigeriaruk: „ilumut oĸarfigâvse: ilivse uvavnik malingnigtuse, píngorĸigfingme inûp ernera igsiavíssârssuarmine nâlangnássutsime piane igsiagpat ilivsísaoĸ igsiásause igsiavíssârssuarne arĸaneĸ-mardlungne.“ — Matîuse 19:27, 28.
tássa Jesusip Peter apustilitdlo avdlat neriorssorpai kúngitut nâlagkersueĸatigísagãne, igsiavíssârssuarnilo igsiásassut. ĸaĸugume? „píngorĸigfingme,“ Jesus oĸarpoĸ. sunauna táuna píngorĸigfik? ĸaĸugulo písava?
taimane pisimassoĸ pivdlugo oĸalugtuaĸ Lukasip agdlauserissâ iluagtitdlugo ’píngorĸigfik’ sûnersoĸ pâsiniarsínauvarput. atuarpugut imána: „Pîtruse oĸarpoĸ: ata, tamaisa ĸimagdlugit maligpavtigit. [Jesusivdle oĸarfigai]: ilumut oĸarfigâvse, inûp kinaussuvdlũnît igdlunilũnît . . . ĸatángutinilũnît nulîlũnît . . . Gûtip nâlagauvfia pivdlugo ĸimagkunigit, . . . [silame, tássa: píssutsit ârĸigssũssauneráne, NW] piumârtugssame inûneĸ nâgssáungitsoĸ písavâ.“ — Lúkarse 18:28-30.
’píngorĸigfik’ uvane ’píssutsit ârĸigssũssauneránut piumârtugssamut’ atatíneĸarpoĸ. Kristus ĸilangme igsiavíssârssuarmine nâlangnássutsime piane igsiagpat, nâlagkersueĸatigssane ilagalugit, píssutsit ârĸigssũssaunerat iluartoĸ píngorĸigkumârpoĸ. (2 Timûtiuse 2:11, 12; sarĸúmersitat 5:10; 14:1, 3) sujuaissavut sujugdlît Edenip nautsîviane Gûtip ĸanoĸ ítumik autdlarnertíkai erĸarsautigivdluarneruguvtigik, píngorĸigfigssap ĸanoĸ ítûnigssâ pâsinerúsavarput.
Jehova Gûtip inuit áiparît sujugdlît, Adam Evalo, nãmagdluínartúngortitdlugit píngortípai, Edenivdlo nautsîvianut inigssitdlugit. pâratîsiuvoĸ nuánârfiussoĸ. taimane Jehovap sujunertarâ inuit nuname nâgssáungitsumik inûnigssât, erĸigsinerdlo isumangnáissuserdlo piviussut nuánârutigísagait, sôrdlo ĸúperneĸ 9-me ássiliarineĸartoĸ. pâratîsile autdlarĸautâne piussoĸ táuna ánaineĸarpoĸ pikigtitsineĸarmat, pikigtitsineruvdlo kîsa kingunerâ píssutsit ârĸigssũssaunerat ajortoĸ uvdlumíkut atugarput.
tássa Gûtip sujunertarâ pâratîse nunamĩtoĸ atûtilersíkumârdlugo. sujunertarissâ tamána timitalerneĸángisáinásava? timitalerneĸarumârpoĸ! Kristusip neriorssûtigâ ârĸigssũssauneĸ iluartoĸ inuit nuname mâne autdlarĸautâne atorsimassât píngorĸigkumârtoĸ. píssutsit pâratîsimĩpalugtut atûtilerĸigkumârput, nunamilo tamarme siámariartuãsavdlutik. taimailivdlune Píngortitsissup autdlarĸáumut sujunertarissane piviussúngortíkumârpâ: píssutsit ârĸigssũssaunerat iluartoĸ atauartordlo pilersíkumârdlugo. sujunigssame atugagssat bîbilime neriorssûtigineĸartut tamáko ĸilanârisínauvavut! „Iluartut nuna kingornutissavaat najugaqassallutillu tassani naassaanngitsussamut,“ Jehovap neriorssûtigâ, sôrdlo Tussiaat 37:29-me atuarigput. ukiorpagssuitdlo matuma kingornagut apustile Johannes takussamigut ilisimatíneĸarpoĸ nuname pâratîsigssap ĸanoĸ ítûnigssânik imaitumik: „takúsagigse Gûtip ineĸarfia inungnĩtoĸ, táukunanilo ineĸarumârpoĸ ínugtariumârdlugitdlo, Gûtivdlo nangmineĸ najorumârpai; ĸuvdlîtdlo tamaisa issáinit atdlarterumârpai, toĸulo peĸarungnáisavoĸ, aliasugtoĸarungnaerdlunilo nivdliassoĸarungnaerdlunilo ániartoĸarungnáisavoĸ, sujugdlît pêrmata.“ — sarĸúmersitat 21:3, 4. (wD 15/2 84)