ingmivsínik kínugitse

„ĸínúniartigut.“ — 2 Tásalûníkamiut 3:1.

1-3. (a) suna pivdlugo Jehovap ínugtaisa isumavdluardlutik Jehova ĸínuvigisínauvât? (b) suna pivdlugo Jehovap nalunaiaissue ĸinussásápat?

JEHOVA Gûtiuvoĸ ’ĸínutinik tusartartoĸ’. (Tussiaat 65:3) taimáitumik kivfai ilumôrtut tatigingnigdlutik táussumúnga ornigúsínáuput manigûtdlutik ĸínuteĸardlutik ĸujaniuteĸardlutigdlo. ilumut, Jehovap nalunaiaissue píssutigssaĸardluarput ĸinuníkut Gûtimut sâgfigingnigtarnigssamut.

² ĸinussarnigssãnut píssutaussut ilagât Jesus Kristusip ajoĸersugkaminik ĸinunigssamik ajoĸersuinera. oĸarpoĸ: „ĸinussarângavse ima oĸartásause: atâtaĸ, arĸit ivdlernarsile; nâlagauvfît tikiutdle; inûtigssavtínik uvdlut tamaisa tunisigut; ajortivtínigdlo isumákêrfigitigut, uvagútaoĸ akîtsortivut tamaisa isumákêrfigigavtigik; ússernartumutdlo pisínata.“ (Lúkarse 11:2-4) ĸínut tamána inûp pissariaĸagainik ilaĸarpoĸ, kisiánile, sôrdlo nalerĸútûssoĸ, Gûtimut atassut taineĸarĸârput. ĸínúmitdlo najorĸutagssaussumit tamatumánga pâsineĸarsínauvoĸ ĸinugângavta inuit avdlat táingitsôrtugssáungíkivut.

³ ãmátaoĸ Jesusip apustilîsa ugpeĸatitik kajumigsârtarpait inuit avdlat ĸinussarĸuvdlugit. ássersûtigalugit taineĸarsínáuput apustile Paulusip kãmagtûtai uko: „ĸasusuitdluse ĸinugitse,“ ãma: „kipisuitsumik ĸinugitse.“ (Rûmamiut 12:12; 1 Tásalûníkamiut 5:17) tauvalo apustile Peter oĸarpoĸ: „sûtdle tamarmik naggatigssât ĸagdlilerpoĸ. taimáitumik pîtaiuitdlusilo ĸinussarnermut perĸigsârniaritse.“ (1 Pîtruse 4:7) ila, únersũssutip pitsáussusia!

iluaĸutigssavtínut ĸínutit súniuteĸarsínaunerat

4. Gûtip kivfaisa túniutdluínarsimassut ĸínutait tusarneĸásagpata, sût pissariaĸarpat?

⁴ taigdliortoĸ tusâmassaĸ Alfred Tennyson agdlagsimavoĸ: „ĸínutit súniuteĸarnerúput silamiut takordlôrsínaussáinit angnerungârtunik.“ ila, ilumũssusia! Gûtivdle kivfai ingmingnik túniutdluínarsimassut ĸinunermíkut tusarneĸarumagunik, ugperdlutik Jesus Kristus avĸutigalugo Jehovamut sâgtariaĸarput, ĸínutigissaisa Gûtip perĸussâ nâpertortariaĸarpât, ĸínutigissatigdlo erĸortumik erssersítariaĸardlugit. (Juánase 14:6; 1 Juánase 5:13-15) soĸutiginartumik oĸartoĸarsimavoĸ: „Gûtip soĸutigíngilâ ĸínutingne oĸalutdlarĸíssutsit, ĸínutingne oĸautsit iluarsartũneĸardluarnerisigut erssersitat; soĸutiginagulo ĸínutivit ĸanoĸ takíssusiat angnertússusiatdlũnît; soĸutiginagulo ĸínutivit amerdlássusiat; soĸutiginagulo ĸínutivit erĸarsardluartautsimik túngaveĸássusiat, túngaveĸardluartumik erĸarsarníkut aníneĸarsimanerat. soĸutigâle ilumũssutsíkut aníneĸarsimanersut.“ — palase tuluk ugperissaminik ilungersûtigingnigtoĸ Thomas Brooks, ukiut 1700-gssãne inûssoĸ.

5. (a) ĸinussarneĸ sutigut iluaĸutigisínauvarput? (b) ĸinuneĸ pivdlugo aperĸut suna akiniásavarput?

⁵ akulikitsumik ũmatíkutdlo ilumôrdluta Jehova ĸínuvigissaruvtigo, táussumúnga ĸaningnerussumik píssuseĸalísaugut. ilungersortumik manigũtumigdlo ĸinussarnivtigut oĸalũssissarneĸ uvavtínut suliarerĸussaĸ nãmagsisínáusavarput. (Matîuse 24:14; 28:19, 20; 2 Korintumiut 2:17) ĸinussarnivtigut nakússagtísaugut aulajangigagssanik atâtavta ĸilangmiussup iluarissainik aulajangîsínaunigssavtínut. ĸinussaruvta malerssorneĸarneĸ ĸasusuitdluta atorsínáusavarput Gûtimutdlo agssuarnáissuserput aulajangiúsínáusavdlugo. (tugsiaut 109:3, 4, kal. ator.; 119:86) ĸinuníkut ĸujamasungârnerput Jehovamut oĸautigisínauvarput. ãmátaoĸ ugpeĸativut inoĸativutdlo ĸínútarsínauvavut. ĸínússinerdle uvavtínut ugpeĸativtínutdlo ĸanoĸ ilivdlune iluaĸutausínauva?

ĸínússineĸ sôĸ pissariaĸarpa?

6. Jesusip kíkut ĸínútarpai, taimáitumigdlo uvagut kíkut ĸínúsínauvavut?

⁶ Jesus, maligagssarput, ajoĸersugkaminik ĸínússissarpoĸ. ĸamánga pissumik Jehova ĸínuvigâ: „táuko ĸínúpáka, silamiut ĸínutíngiláka, táukule uvavnut túniússatit ĸínúpáka, ivdlit pigigagkit.“ inuiait silarssuarmiut pivdlugit Jesus toĸuvoĸ, „silamiut“dle, tássa ínugtaoĸatigît Gûtimik ilisarssíngitsut, ĸínutíngilai. silamiunitdle avigsârtut ugperfigissinilo ĸínútarpai. (Juánase 3:16, 17; 17:8, 9; ãmátaoĸ takúkit Pîtrusip agdlagaisa áipait 2:5, 6; 3:6.) Jesusip maligagssiâ maligdlugo erĸortuliornerúsaoĸ inuit atausiákât Gûtimik mianeringnigtûssut ĸínútásavdlugit.

7. apustilip maligagssiâ suna kivdlíssutigalugo Jehovap ínugtai ĸínússeĸataujumásápat?

⁷ apustile Paulusip ugpeĸatine ĸínútarpai. ássersûtitut taineĸarsínauvoĸ Efesusime kristumiut oĸalugtûngmagit: „uvangátaoĸ Nâlagkamut Jîsusimut ugperssutsivsínik iluartunutdlo tamanut asangníssutsivsínik tusarama ĸinussarângama soraernanga ĸutsápavse erĸartortardlusilo.“ (Evfisumiut 1:15, 16) tamánáináungilardle, Paulusip nakimanane ugpeĸatine kajumigsârtarpai ingminut pivdlune avdlatdlo pivdlugit ĸínússerĸuvdlugit. kristumiut Efesusimĩtut kãmagtorêrdlugit anersãkut ’sákutũssutit tamaisa’ atiniarĸuvdlugit ’panalerĸuvdlugitdlo anersâp pianik, tássa Gûtip oĸausianik’, nangitdlune oĸarpoĸ: „tordlulassarângavse ĸinussarângavsilo tamatigut anersãkut ĸinútuínardluse, erĸumaniardlusilo tamánarpiaĸ píssutigalugo, tamatigut ĸasusuitdluse iluartutdlo tamaisa ĸínutdlugit, uvangátaoĸ ĸínutdlunga ĸanera angmásaguvko ángigissaĸ îvangkîliup pia sujôrananga nalunáisavdlugo oĸausigssavnik tunineĸarĸuvdlunga.“ (Evfisumiut 6:11-19) apustilip maligagssiâ tamána kajumíssutigalugo Jehovap ínugtai ingmingnut ĸínuteĸatigîgtarput.

8. kristumiut tanitaussut ãmátaoĸ „amerdlangârtut“ ingmingnut ĸínuteĸatigîgtarnigssât suna pivdlugo nalerĸúpa?

⁸ Jehovap nalunaiaissue ĸatángutigîgfiúput silarssuarme tamarme najugaĸardlutik. ilaussortaisa Kristusip maligtaisa Gûtip anersâvanit erniarineĸartut Gûte, ernera kristumioĸatitigdlo tanitaussut ’peĸatigait’. (1 Juánase 1:3, 7) Jesusivdle takutípâ ajoĸersugai tamarmik asaĸatigĩsassut, ãmalo apustile Peter oĸarpoĸ: „ĸatángutigît tamaisa asasigik.“ (1 Pîtruse 2:17, NW; Juánase 13:34, 35) taimáitumik nalerĸutdluásaoĸ kristumiut tanitaussut ilagissaitdlo, tássa „amerdlangârtut“, ingmingnut ĸínuteĸatigîgtarpata! (sarĸúmersitat 7:9) ĸínússineritdle sût imarisínauvait?

atausiússuseĸ, ajoĸersorneĸarnigssaĸ ilisimássutdlo

9. kristumiutut ĸatángutigîgfivta atausiússusia suna pivdlugo ĸínutigissariaĸarparput?

⁹ kristumiutut ĸatángutigîgfivtíne asangnigtumik atausiússuseĸarnigssaĸ ĸínutigissariaĸarparput. Jesusip ĸínutigâ ajoĸersugkame ingmine atâtaminilo atausiunigssât, Paulusivdlo Jehovamik patdlorfigingneĸatine oĸaorĸigsârpai ’nãmagtúngorĸuvdlugit ássigîgsumik erĸarsarĸuvdlugit ássigîgsumigdlo isumaliorĸuvdlugit’. (1 Korintumiut 1:10; Juánase 17:20, 21) Jehovamut túniutdluínartut ĸatángutigîgkumássuseĸ ilumôrtoĸ ilisarnautigiuáinarpât. „ata iluatdlaraissoĸ nuáneĸissordlo, ĸatángutigît peĸatigîgdlutik ineĸarângata.“ (tugsiaut 133:1-3, kal. ator.) atausiússutsimigdlo tamatumínga agdlisitseĸatausínauvugut ilâtigut ĸínutigiguvtigo.

10. anersâp ivdlernartup aĸutsinigssânik tapersersuinigssânigdlo suna pivdlugo ĸínuteĸartásaugut?

¹⁰ ĸínuteĸartariaĸarpugútaoĸ Jehovap ínugtame suliáinik anersâmigut aĸutsinigssânik tapersersuinigssânigdlo. kristumiut ilait Gûtimik kivfartũssinermingne artornartorujugssuarmik — inûp kisime nukimigut nãmagsisínáungisânik — kivfartûteĸarsínáuput. taimáitumik kristumiut ilumôrtuartut táukua, uvagútaoĸ ilángutdluta, Jehovap anersâmigut ivdlernartúkut ikiuinigssâ atorfigssaĸartíparput. — Saggaria 4:6; nalerĸiuguk Lúkarse 11:13; apustilit suliait 8:14, 15.

11. ilisimássut pivdlugo sumik nalerĸútumik ĸínuteĸarsínauvugut?

¹¹ ĸínuteĸarsínauvugut ĸatángutivta ilisimássuteĸalernigssãnik Gûtimit pissumik. Paulus ĸínuteĸarpoĸ kristumiut Kolossæmĩtut ’Gûtip perĸussânik ilisarssissorssuángorĸuvdlugit tamanik ilisimalersitdlugit anersâvdlo pînik sianilersitdlugit, tássa Jehovame ilerĸorissariaĸartoĸ nâpertordlugo tamatigut iluarissagssânik saĸivdluarĸuvdlugit, ajúngitsulianigdlo tamanik kingunigssiorĸuvdlugit Gûtimigdlo ilisarssiartorĸuvdlugit’. (Kulorsamiut 1:9, 10) nalerĸutdluarportaoĸ ĸínuteĸartásavdlune oĸalũssissarnermik nákutigdlîssut atuagagssavtínigdlo sulíssutigingnigtut „anersâmik ilisimatitsissumik“ pigssaĸarnigssãnik. (Evfisumiut 1:15-17) nâlagauvfik pivdlugo oĸalũssissarnermik naĸitatdlo ’nerivfigssat nagdliútarângata nerissagssaussunik’ anersãkut ítunik imaĸartut suliarineĸarnerinik nákutigdlîssut ĸínútarpigit? — Matîuse 24:45-47.

nauk malerssorneĸaraluardlune oĸalũssissarnerme angussaĸardluarnigssaĸ

12. Tásalûníkamiunut agdlagkat áipáine 3:1-ime agdlagsimassoĸ ĸínússeĸatigîngnermut sumik atássuteĸarpa?

¹² ĸínutigissariaĸarparpútaoĸ ugpeĸativta nâlagauvfik pivdlugo tusagagssamik tusardlînermíkut angussaĸardluarnigssât. Paulus oĸaorĸigsârivdlune oĸarpoĸ: „ĸatángutivut ukorsê, ĸínúniartigut, [Jehovap] oĸausia pilertorĸuvdlugo nâlangnarserĸuvdlugulo sôrdlo ilivsíne.“ (2 Tásalûníkamiut 3:1; naler- ĸiuguk Evfisumiunut agdlagkat 6:18, 19.) âp, Paulusip ugpeĸatine ĸínuteĸarĸuvai nangmineĸ suleĸatimilo „Jehovap oĸausia“nik tusardlînermingne angussaĸardluarnigssãnik. uvagútaoĸ ĸínutigissariaĸarparput Gûtip oĸausiata pilertortumik siaruarnigssâ nâlagauvfingmutdlo pingârnerutitaussut sujuariarnigssât. tamákuníngale ĸínuteĸarnerme avdlátaoĸ — ’uvdlune kingugdlerne’ atugkavtíne Jehovap perĸussânik agsorûtdlutik nãmagsingnigtut tamarmik — ĸínúneĸartásáput. — 2 Timûtiuse 3:1-5.

13. (a) Timûtiusimut agdlagkane sujugdlerne 2:1, 2-me agdlagsimassup silarssuarme oĸartugssaussunik ĸínússinigssaĸ pivdlugo suna erssersípâ? (b) nâlagauvfingmik tusardlîssûgavta malerssorneĸaruvta suna ĸínutigisínauvarput?

¹³ Jehovap ínugtaisa silarssuarme oĸartugssaussut ĸínútásavait. Paulus oĸarpoĸ: „taimáitumik tamanit pingârnerutitdlugo oĸáussivunga ĸínutigalugitdlo tordlulássutigalugitdlo ĸínússíssutigalugitdlo ĸujássutigísagait inuit tamaisa, kúngitdlo akimarnitdlo tamaisa.“ Paulusip nangitdlune oĸausîsa takutípât ĸínutit taimáitut tássarpiaussut Gûtip ínugtai pivdlugit ĸínutit, ĸínutaugamik „ersiornaitsumik erĸigsisimârnartumigdlo inôrĸuvdluta Gûte mianeriuardlugo tivtîtdlutalo“. (1 Timûtiuse 2:1, 2) soĸutiginartumik jûtit nunamingnit autdlarússaussut Babylonime najugaĸartut perĸuneĸarput igdloĸarfiup táussuma erĸigsinarnigssânik ĸínuteĸarĸuvdlutik, ’erĸigsinarneragut táuko erĸigsísagamik’. (Jerimia 29:7) taimáitumik uvagut Jehovamut nalunaiaissûgavta nalerĸutdluartumik silarssuarme oĸartugssaussut ĸínútarpavut, uvagut anersãkutdlo ĸatángutivut ersiornaitsumik erĸigsisimârnartumigdlo inôrĸuvdluta, nâlagauvfik pivdlugo tusagagssamik tusardlîssutut uvavtínut suliarerĸussaĸ nãmagsisínaorĸuvdlugo. malerssorneĸaruvtale isumavdluardluta ĸínutigisínauvarput uvagut nalunaiaissoĸativtalo Gûtimit ikiorneĸarnigssarput taimatut píssuseĸartitdlugo Gûtip oĸausianik nakimaitsumik oĸalũssíssuteĸarsínaunigssavtínut pissariaĸartumik. ĸínutitdlo taimáitut tusarneĸarnigssât ĸularísángilarput. — apustilit suliait 4:29-31; 5:29.

14. bîbilime agdlagsimavfît sût nâpertordlugit ĸínuteĸarsínauvugut ĸatángutivta malerssugaussut Gûtimit ikiorneĸarnigssãnik tugpatdlersarneĸarnigssãnigdlo?

¹⁴ ĸatángutivta malerssugaussut Jehovamit tugpatdlersarneĸarnigssãnik ikiorneĸarnigssãnigdlo ĸínuteĸartarnigssaĸ nalerĸutdluínarpoĸ. nunap ilâne Asiame, Efesusimik igdloĸarfiussume, apustile Paulus ’sualugtumik nanertugauvoĸ sapileraluardlune, inûnigssane agdlât nikatdlũkaluardlugo’. ímaĸalo agdlât Efesusime pângnigtitsivingme nerssutit ĸâsugtut pâsimavai! ĸanoĸ pisimassoĸaraluarpatdlũnît Paulusip kristumiut Korintimĩtut oĸalugtũpai: „ilivsísaoĸ igdlersorsínauvavtigut ĸínutdluta, sáimáuneĸ inuit amerdlasût píssutigalugit uvavtínut pissoĸ amerdlasûnut ĸujássutigerĸuvdlugo uvagut pivdluta.“ (2 Korintumiut 1:8-11; apustilit suliait 19:23-41; 1 Korintumiut 15:32) tauva ĸularutigssáungitsumik anersãkut ĸatángutivta nâgdliugtut uvdlumíkut Jehovamit ikiorneĸarnigssãnik tugpatdlersarneĸarnigssãnigdlo ĸínuteĸartariaĸarpugut. — 2 Korintumiut 1:3-7.

15. ugpeĸativut malerssugaussut pivdlugit ĸanoĸ iliorsínauvugut uvagut nangmineĸ parnaerússaugaluardluta?

¹⁵ Jehovamik kivfartũsseĸativta malerssorneĸarângamik, angnikitdliorângamik navianartorsiorângamigdlo ĸínússinerput atorfigssaĸartingârpât. taimatut pissoĸartitdlugo ímaĸa avigsârsimásaugut avdlatigutdlo ikiueriarfigssaerutdluta. ímaĸalo uvagut nangmineĸ parnaerússáusaugut! ajúngitsumigdle nãmagsissaĸangârsínauvugut ugpeĸativut ĸínútardlugit. ûmatitdluta agssortuissivta ĸínússinigssarput akornusersínáungilât. nauk avdlanut tusagssáungíkaluardlutik, ĸínússinerit kinguneĸardluartarput. — nalerĸiuguk Nĩmia 2:4-6.

anersãkut perĸigdluarnigssamik

16. Korintumiunut agdlagkat áipait 13:7 nâpertordlugo, kristumioĸativut ĸanoĸ ĸínútarsínauvavut?

¹⁶ ãmátaoĸ nalerĸutdluartumik ĸinusínauvugut kristumioĸativut ’erĸúngitsumik iliorĸunagit, kisiáne ajúngitsumik iliorĸuvdlugit’. (2 Korintumiut 13:7) taima asangnigtigissumik nangminigssarsiúngitsigissumigdlo ĸinunerup takutípâ Gûtimit iluarissauvdlutik inûjuarnigssãnik ilumut kigsáukavtigik. apustile Paulus agdlagpoĸ: „ĸínútuínarpavse, Gûtivtínut ĸíngarĸúnángitsûterĸuvdluse ĸaerĸússúmut, píssauníkutdlo angajorĸautsernerit nuánarissane tamaisa ugperníkutdlo suliarissaussut nãmagterĸuvdlugit.“ (2 Tásalûníkamiut 1:11) Epafrasip kristumiut Kolossæmĩtut ĸínúpai ’aulajaerĸuvdlugit iluardluínardlutik ĸulángitdluínardlutigdlo Gûtip perĸussâ tamât erĸordlugo’. (Kulorsamiut 4:12) oĸautsit táuko nauk kristumiunut tanitaussunut túngatíneĸaraluartut, uvdlumíkut Jehovamut túniutdluínartut pivdlugit kigsautit taimáitut ĸínutivtíne erssersítarsínauvavut.

17. ĸatángutivta anersãkut perĸíssusiat pivdlugo ĸanoĸ ĸínuteĸarsínauvugut?

¹⁷ patdlorfigingneĸativta anersãkut perĸíssusiat ĸínutigisínauvarput. anersãkut nápartoĸarnerane, utorĸaunertat torĸagaussut náparsimassut nalerĸútumik ĸínútarpait ĸinoĸatigissardlugitdlo, ajorungnaersarniardlugit. ajoĸersugaĸ Jakob agdlagpoĸ: „ugpertuvdlo ĸínutâgut náparsimassoĸ ánásavoĸ, [Jehovavdlo] makitísavâ.“ (Jâko 5:13-16; 1 Sâmuale 12:18-25) kisimîtdluta ĸinugângavta ugpeĸativut arĸisigut taisínauvavut oĸardlutalo kigsautigalugo ’ugperssusiatigut perĸigtuarnigssât’. (Títuse 1:13; 2:1, 2) Gûtip utertitsíssúmik ârĸigssũssineranik piâralutik itigartitsissut ĸínutísavdlugit sôruname ajúsaoĸ. — Eprîarit 10:26-29.

ĸínússinerup iluaĸutigssartai

18, 19. ĸínuteĸatigîngnigssaĸ tamavta ingmíkut sutigut iluaĸutigísavarput?

¹⁸ ĸularísángilarput ĸínússiuáinaruvta amerdlasûtigut iluaĸutigísagigput. sôrdlo taisínaugigput: tássûna ĸínutivut pisûnerulísáput. ugpeĸativut ĸínútaruvtigik pitsaunerussumik isumaĸarfigeriásavavut. ilumut, taimatut ĸinussarnerup kamagigtarnerulersísavâtigut, nangminigssarsiúngínerulersísavâtigut, asangningnerulersísavâtigut, inungnik avdlanik soĸutigingningnerulersísavâtigut. ãmátaoĸ, anersãkut ĸatángutivtínik ĸínússinivtigut Jehovap pâsísavâ peĸatigîgfia, peĸatigîgfiane suliarissat peĸatigîgfiuvdlo sujuariarnigssâ soĸutigigivut.

¹⁹ tugpatdlernaĸaoĸ ilisimavdlugo anersãkut ĸatángutivta ĸínútarãtigut, sôrdlútaoĸ uvagut táuko ĸínútarivut. ila nuáníssusia nalúngínavtigo Jehovamut nalunaiaissoĸativtínik ĸínússinivut ’ĸínutinik tusartartup’ tusartarai! taimáitumik suleĸativtíne asangningneĸ atausiússuserdlo agdliserĸuvdlugit nâlagauvfingmut pingârtitaunerussut sujuarsarniardlugit, ĸínússeĸatigîgtuarta. (wD 1/8 84)

ivdlit ĸanoĸ akísavit?

□ suna pivdlugo Jehovap nalunaiaissue ĸinussásápat?

□ ĸinussarneĸ ĸanoĸ iluaĸutigisínauvarput?

□ suna pivdlugo ingmivtínik ĸínuteĸatigîgtásaugut?

□ ugpeĸativut ĸínutdlugit, sût ĸínutigisínauvavut?

□ ĸínússissarneĸ sutigut avdlatigut iluaĸutigisínauvarput?

[Qupp. 9-mi assiliartaq]

ivdlit ĸínutigissarpiuk Jehovamut nalunaiaissoĸativit nâlagauvfik pivdlugo tusagagssamik tusardlînermingne angussaĸardluarnigssât?

[Qupp. 10-mi assiliartaq]

kristumiut malerssugaussut ĸanoĸ akulikitsigissumik ĸínútarpigit?