Toqup kingorna inuuneqarpa?

INUUNEQ toqulu pil­lugit isum­mat as­sigiin­ngitsorujus­suup­put. Inuit ilaat oqar­tar­put toqunermik kingor­na, im­maqa al­laanerul­lutik sumiif­fim­miluun­niit al­lami, inuugin­nas­sal­lutik. Al­lat oqar­tar­put al­latut er­nioq­qis­sal­lutik. Al­lal­li oqar­tar­put toqu suut tamarmik naggatis­sarigaat.

Im­maqa peroriar­tor­nerit kulturik­kul­luun­niit tunuliaqut­tat apeq­qutaatil­lugit al­laanerusumik up­perisaqar­putit. Toqup kingor­na qanoq pisoqar­tar­neranut isum­mat as­sigiin­ngeqim­mata apeq­qum­mut tamatumun­nga tun­ngatil­lugu tutsuiginar­tumik imaluun­niit ilumoor­tumik kimit imaluun­niit sumit akis­sutis­sarsisin­naavugut?

Ukiuni hundredilin­ni up­perisarsior­nik­kut siut­tut inuup tar­ningata toqusuitsuunera ajoqersuutigisar­paat. Up­perisarsioqatigiit an­nerit amerlaner­paar­taasa – kristumiut, hindut, juutit musliimit al­lal­lu – tapersersor­taasa toqunerup kingor­na tar­nip toqusuitsup timimit qimaguteriarluni anersaat silarsuaan­ni inuugin­nar­tar­nera up­peraat. Buddhistil­li up­peraat er­nioq­qit­tuar­tar­nik­kut naal­liut­tarun­naas­sal­lutik. Taman­na pil­luarfis­suar­tut nirvanatut taaneqar­tar­poq.

Ajoqersuutit taamaat­tut pis­sutigalugit toqup silarsuarmut al­lamut am­maasar­nera nunarsuarmi inuit amerlanersaasa up­perilersimavaat. Taamaat­tumik inup­pas­suit toqu inuunerup kaaviiaar­nerani al­loriar­ner­tut pingaarutilit­tut Guutil­lu piumasaanut ilaasutut isigisar­paat. Taman­nali pil­lugu Biibilimi qanoq al­las­simasoqar­pa? Al­laaserisap tul­lia atuaruk­ku akis­sutaa im­maqa tupaal­laatigis­savat.