Allat Jesus Kristus pillugu eqqortumik paasisaqartikkit
1 Decemberimi atuagaq Inuk inuit inuusimasut pingaarnerpaartaat neqeroorutigissavarput. Illit Biibili tunngavigalugu oqaloqatigiinneq qanoq ilillutit aallartissaviuk atuagarlu neqeroorutigissallugu?
2 Naqitaaqqat nutaat atorniakkit: Oqaluussisartut ilaat angusaqarluarsimapput, atuagassat neqeroorutiginnginneranni naqitaaqqat ikiortigalugit paasiniarsimagamikku pulaarfigisaq qanoq soqutiginnitsiginersoq. Qanoq ililluni taamaaliortoqarsinnaava? Naqitaaraq nutaaq Silarsuaq manna aniguissava? saqqummiullugu.
Ilassinnereeruit ima oqarsinnaavutit:
◼ „Ulluni makkunani soorunami Jesus sammineqartorujussuuvoq, taamaattumik apeqqut soqutiginartoq inunnut oqaloqatigiissutigaara: Illit Jesus Kristus qanoq isigaajuk? Isumaqarpit taanna taaneqarsinnaasoq inuk inuit inuusimasut pingaarnerpaartaat? [Pulaarfigisaq akinissaanut piffissaqartiguk.] Soorunami inuppassuit allat inuunerat sunnersimavaat, ilaallu inuiaat siuariartorsimanerannut peqataalluarsimapput, malugeriarulli Jesus Kristus allanit tamanit qanoq immikkooruteqartoq. [Juánase 17:3 atuaruk, allassimaffik nassuiarlugu pulaarfigisarlu oqaaseqartiguk.] Inuup allap inuit inuunermik naassaanngitsumik tunisinnaanngilai. [Naqitaaqqami qupperneq 3 qupperuk.] Nunamiikkallarami Jesusip silarsuup naggatissaa sioqqullugu piumaartussat eqqortorsimavai. Aammali ajoqersukkani kajumissaarsimavai nuannaaqqullugit piumaartussat tamakku aniguisinneqarfissaata qanillineranut nalunaaqqutaassammata.“ Kristusip najuunneranut ilisarnaatit ilaat eqqartoreerukkit naqitaaqqap tunuani titartagaq takutissinnaavat, tassani naalagaaffiata ataani pilluaqqussutissat ilaat allaatigineqarmata. Eqqaamassavat tamatigut pulaarfigisaq oqaloqatigiinnermut peqataatissallugu.
3 Meeqqat, oqaluussisartunngorlaat imaluunniit misilittagakitsut assilissat naqitaaqqamiittut aallarniutigisinnaavaat.
Oqaluussisartup naqitaaqqami „Silarsuaq manna aniguissava“-mi qupperneq 3 4-lu quppersinnaavaa, imalu oqarsinnaalluni:
◼ „Assilissat uku marluk maluginiakkit. Timmisartoq qaartartunik nakkartitsisoq taavalu meeraq perlilersoq takuneqarsinnaapput. [Qupperneq 5 takutiguk.] Aajukkulu nunap sajunnera angullu napparsimmavimmi uninngasoq. [Unitsiarit.] Biibilimi nassuiarneqarpoq amiilaarnartut taamaattut qanittukkut atorunnaassasut.“
4 Pulaarfigisaq soqutiginnippasippat sarĸúmersitat 21:3, 4 atuarsinnaavat, Biibilimit toqqaannartumik imaluunniit naqitaaqqami qupperneq 6-mit. Taavalu pulaarfigisap soqutiginninnera malillugu tamanna nassuiarnerusinnaavat. Naleqqulluarpat atuagaq Inuk inuit inuusimasut pingaarnerpaartaat neqeroorutigisinnaavat pulaaqqiinissallu isumaqatigiissutigalugu.
5 Pulaaqqiinissat tunngavileruk: Naqitaaqqamik, atuakkamik Inuk inuit inuusimasut pingaarnerpaartaat-mik imaluunniit atuagassianik allanik tunniussisimagaluarutta, imaluunniit oqaloqatiginnilluaannarsimalluta, ima oqarsinnaavugut: „Tullianik aggeruma illoqarfik Jesusip inunngorfia pillugu soqutiginartumik oqaluttuukkumaarpakkit.“ Pulaaqqiinissallu eqqaamassavat, immaqa ullualuit qaangiuppata.
6 Guutip naalagaaffia tassaavoq inuiannut neriuutissatuaq. Takutinniartigu naapitavut tamaasa ’anngigisaq Guutip pia, Kristus’ pillugu eqqortumik ilumut paasisaqartikkusullugit. — Kul. 2:2. (kmD 12/92 Giv andre nøjagtig kundskab . . .)