Napasuliaq Alapernaarsuiffik Iteritsilu! — immikkut pisumi maannakkut pingaartinneqarput
1 Biibilimi siulittuutit eqquutillugit aalassaataasumik pissutsit atuuttut nassaassaapput. Silarsuarmi pissutsit avatangiisitsinniittut qimerloorutsigik teokratiimilu aaqqissuussinerup iluani, paasissavarput qanoq suliassap nukiginnassusia „nutaarsiassap nuannersup“ Naalagaaffimmik oqaluussissutiginninnissaq. (Mák. 13:10) Takusinnaavarput qaammammi apriilimi eqiasuilluta kiffartornitta ingerlannissaa siunertaqartoq.
2 Tusarliussap qanoq pingaaruteqartiginera uani qaammammi immikkut suliniarnitta aatsaat taama erseqqitsigitissavaa. Siumut pissangalluta utaqqivarput naqitaaqqap apriilimi maajimilu agguaassassatta saqqummernissaa. Suliniarnersuarmut qiimasuutiginninnerput sakkortusarniarlugu inunnilu soqutiginninneq annertusarniarlugu, Napasuliaq Alapernaarsuiffik Iteritsilu! immikkut ittumik silarsuarmi pissutsit eqqissisimannginnermik siulittuutinik tikkuussisunik imaqassapput. Inuit atuagassiaatitsinnut soqutiginnilersinniarlugit qanoq ililluni saqqummiisinnaanissaq piareersarneqarsinnaava?
3 Pitsaasumik saqqummiussinnaasannik nassaarsinnaassaatit makku tunngaviusinnaasut malinnerisigut: (1) Angalaarfigisartakkanni tulluartissinnaasannik atuagassiamik toqqaagit inunnut akueriuminarsinnaasumik. (2) Atuagassiami oqaaseqaammik allassimaffimmilluunnit pulaakkannut soqutiginnilersitsisinnaasumik nassaarniarit. (3) Naatsunnguamik saqqummiinissaq piareersaruk inussiarnerpaluttumik ilassinnillutit, apeqqummik imaluunnit Biibilimit eqqarsaatinik soqutiginartunik erseqqissaanikkut, kajumissaaralutillu atuagassiat tigunissaannik. Takusinnaasattut pisariippoq paasiuminaatsuunanilu. Pitsaassaaq oqaluussiffigisassinni atorsinnaasassinnik oqaluussiartoqatissallu qanoq saqqummiussisinnaanersi piareersarussiuk.
4 „Vågn op!“ apriilip 22.-moortumi apeqqut imaattoq saqqummiunneqarpoq: „Ulluni kingullerni inuuvugut?“ Pitsaassaaq ’Ræsonnerebogimi’ qupperneq 14-mi qulequtaq „Ullussat kingulliit“ sammissallugu. Ima oqarlutit aallarniisinnaavutit:
◼ „Inuit pulaarpavut ullutsinni pisartut pingaaruteqartumik pisut pillugit. Takuuk atuagassiami oqaatigineqarpoq . . .“
5 „Napasuliaq Alapernaarsuiffik“ 1. apriilimoortumi apeqqut saqqummiunneqartoq imaappoq: „Upperisarsiorneq — oqallisigissallugu inniminarpallaarpa?“ Atuagassiat neqeroorutigilerukkit ima oqarsinnaavutit:
◼ „Oqaatigikulaneqartarpoq upperisarsiorneq nammineq oqaasissaqarfigisassaasoq, allanut eqqartorneqartariaqanngitsoq. Illit qanoq isumaqarpit?“ Kingorna taava innersuussutigiuk atuagassiami oqaaseqaat.
6 Ilanngutassiaq: „Upperisarsiornikkut sallusuissut nassaassaava?“ atussagukku „Napasuliaq Alapernaarsuiffik“ 1. maajimoortoq, aallarniut manna immaqa pitsaassaaq:
◼ „Arlallit isumaliuutigisarpaat ilumut upperisarsiortuni ’ilumoortunik’ eqqaaneqartunik nassaassaqarnerpoq taama upperisarsiortut amerlatigimmata. Atuagassiap uuma apeqqutivut naammagisimaarnartumik akissutissaqartippai . . .“
7 Oqaluussiartortinnasi oqaluussiartoqatissallu sungiusaritsi, ilisimalluarniassagassigik saqqummiussassasi. Ilimanarluinnarpoq pitsaanerusumik saqqummiussinissamik immissinni siunnersuutissarsisinnaassasusi aammalu annerusumik nalorninnginnerussallusi.
8 Qanortoq, pissutit maannakkut aaqqissuussaanerat qanilliartortillugu, inunnik peqqusersuitsunik ikiuinerput annertusartigu Babylon angisuumik qimagussinnaaqqullugit. (sar. 18:4) Suliniarnitsinni kingorna peqqittussaanngitsumi Napasuliaq Alapernaarsuiffik Iteritsilu! sakkussatta pingaarnerpaartarivaat. Qujamasuutingeqaarput Jehovap sakkussatsinnik taakkuninnga kusanartunik tunisimammatigut. (kmD 95/4 Vagttårnet og Vågn op! . . .)