Tusaaginnanngitsut — naammassinnittulli
1 Kristumiut ilumoortut Biibilip kajumissaarutaanut malinnittuupput oqaatsimik naammassinnittuullutik tusaaginnarnagu. (Jâk. 1:22) Tassuunakkut kristumiuunerarlutik taasunik qarluinnarmikkut Guutimik kiffartuussiniartunit allaanerulluinnarput. (Jes. 29:13) Jesus erseqqissumik oqarsimavoq taamaallaat Guutip peqqusaanik iliortut annakkumaartut. — Mat. 7:21.
2 Pallorfiginninneq Guutimut tunniusimanermit suliaqanngitsoq isumaqanngilaq. (Jâk. 2:26) Taamaattumik immitsinnut aperisariaqarpugut: ’Suliama takutinnerpaat upperisara eqqortuusoq?’ Inooriaatsima upperisannut naleqquttumik malinneriga takutinnerpaa? Qanoq ilillunga Jesusip maligassiaa annertunerusumik malissinnaavara?’ Ilumoorluta apeqqutit tamakku akigutsigit paasissavarput sukkut siumukarsimasugut, sukkullu Guutip peqqusaanik iliorluta sulissutiginnittariaqartugut.
3 Jesusip malinnittaasa ilaattut inuunermi anguniakkatta pingaarnerpaartaat tussiaasiortup oqarneratut imaattariaqarpoq: „Guuti unnersiutigissavarput ulloq tamaat, aqqillu qujassutigissavarput naassaanngitsumik.“ (tugsiaut 44:9) Kristumiuuneq ulluinnarni inooriaatsitsinni qanorlu iliornitsinni tamani malunnartariaqarpoq. Tamatta nalerisimaarluassaagut iliuutsitsinni tamani Jehovap nersornaatissaanik qamannga pisumik iliuuseqarusukkutta. — Fil. 1:11.
4 Jehova unnersiutigissagaanni assuarnaatsutut inuuneq naammanngilaq: Guutip taamaallaat ileqqorilluarnissatsinnik piumaffigisuuppatigut inuttut pitsaanerusumik pissuseqaleriartorneq kisiat aallunniassagaluarparput. Pallorfiginninnerpulli aamma tamanut Jehovap ajunngingaarnera aqqatalu nassuerutiginissaanik nalunaajaatiginninnissamik nassataqarpoq. — Epr. 13:15; 1 Pît. 2:9.
5 Inunnut tamanut nutaarsiassamik nuannersumik nalunaajaatiginninnerput suliatta pingaarnersaraat. Jesusip suliassamut tamatumunnga inuunini tunniulluinnarsimavaa nalunnginnamiuk tusarnaartunut inuunermik naassaanngitsumik kinguneqarumaartoq. (Juá. 17:3) Ullumikkut ’oqaatsimik kiffartuussineq’ pingaaruteqannginnerulersimanngilaq, taamaallaat tassuuna inuit annatsinneqarsinnaammata. (ap.sul. 6:4; Rûm. 10:13) Sunniutai qanoq iluaqutaatigisut eqqarsaatigillualerutsigik paasissavarput sooq Paulusip ’oqaatsimik oqaluussissutiginneqqulluta suliuaqqulluta’ kajumissaarsimagaatigut. — 2 Tim. 4:2.
6 Inuunitsinni qanoq annertutigisumik Jehovamik nersorinnillutalu unnersiutiginnissaagut? Tussiaasiortoq oqarsimavoq ulloq tamaat eqqarsaatigiuarlugu. Uagut aamma taamaannginnerpugut? Allanik kikkunnilluunnit naapitaqaraangatta Jehovap aqqanik eqqartuinissatsinnut periarfissatut isigisariaqarparput. Periarfissat takkussinnaasut eqqumaffigisariaqarpavut anersaakkut ittunik eqqartuiumalluta. Ilagiit aaqqissorsimasaat oqaluussiartornerit peqataaffigerusuppavut. Periarfissaqartut, imaluunniit periarfissarsisinnaasut, pionerinngornissartik eqqarsaatigeqqissaartariaqarpaat, taamaalilluni oqaluussiartorneq ullut tamaasa salliutinneqartuartarmat. Guutip oqaasiisa neriorsorpaatigut aalajaattuarluta Guutip piumasaanik iliortuarutta pilluassasugut. — Jâk. 1:25. (kmD 96/01 Ikke blot hørere — men også gørere)