Inoqutitit ineriartortikkit
1 Nunarsuaq tamakkerlugu kulturini tamani ilaqutariit avissaartuussimapput. Satanip silarsuaa peqquserluttuliornernik kanngunartuliornernillu ulikkaarpoq. (1 Juánase 5:19) Tamatuma erseqqissarpaa ’illup sananeqarnissaata’ imaluunniit inoqutit ineriartortinnissaasa allallu qanoq taamaaliornissaannik ilinniartinnissaasa pingaaruteqassusia. — Uss. 24:3, 27, NV.
2 Biibilip najoqqutassiai illersuutaapput: Biibilimi najoqqutassianik malinninneq ilaqutariittut pilluarnerup isertugaatigaa. Sallusuissutit taakku sunniuteqangaartut ilaqutariit ilaasortaasa tamarmik sutigut tamatigut inuunerannut iluaqutaaqaat. Ilaqutariit tamakkuninnga malinnittut pilluarneq eqqissinerlu Guutimeersut angusinnaavaat. — Naleqqiuguk Jesaja 32:17, 18.
3 Najoqqutassiat inoqutitta ineriartortinnissaannut ikiuutaasinnaasut atuakkami nutaami Ilaqutariittut pilluarneq isertugaateqarpoq-mi erseqqissarneqarput. Kapitalit tamarmik naaneranni ilikkarnartumik ungaluligaaraqarpoq ilaqutariit tamarmik suut najoqqutassiat eqqaamasassaannik erseqqissaasumik. Ungalulikkani amerlanerni imatut apeqquteqartarpoq: „Biibilimi najoqqutassiat makku . . . qanoq iluaqutigineqarsinnaappat?“ Tamanna Guutip eqqarsaataanut innersuussivoq tassa taassuma pissutsinut isiginnittaasia eqqartulissavarput. — Jes. 48:17.
4 Atuagaq ilisimaarillualeruk. Ajornartorsiutinik assigiinngitsunik takkuttoqaraangat najoqqutassiat iluaqutigisinnaasat sumiinneri nassaarissallugit ilinniaruk. Atuakkap ilaatigut makku sammivai: Aappassami suut malugisariaqartut (kapitali 2), aappariinnermut ataavartumut suut aqqutissaanersut (kapitali 3), angajoqqaat meeqqaminnik inersimasutut qanoq akisussaassusermik misigisaqartunngornissaannut Guutimillu mianerinnittunngornissaannut perorsaasinnaasut (kapitali 6), ilaqutariit qanoq sunniipilunnernut sernissorneqarsinnaasut (kapitali 8), angajoqqaanut kisermaanut najoqqutassiat iluaqutaasut (kapitali 9), ilaqutariit imerajunnermik nakuusernermillu eqqorneqarsimasunut anersaakkut ikiuineq (kapitali 12), aappariinneq aseroqqajaappat qanoq iliortoqarsinnaasoq (kapitali 13), angajoqqaat utoqqalisut ataqqiniarlugit qanoq iliortoqarsinnaasoq (kapitali 15), taavalu ilaqutariit qanoq soraajuitsumik siunissaqalersinneqarsinnaasut (kapitali 16).
5 Atuagaq tamakkiisumik atoruk: Taamaalioreersimanngikkussi, sooq atuagaq nutaaq ’ilaqutariittut’ ataatsimut atuaqqissaaqatigiissutigigussiuk? Ilaqutariinnilu ajornartorsiummik takkuttoqarpat atuakkami kapitalit ajornartorsiummut tunngassut sammisigit, qinunikkullu siunnersuutigineqartut qanoq malissinnaanerlugit eqqarsaatigalugit. Marsimi kiffartornissannut piffissamik naammattumikimmikkoortitsigit atuagaq Ilaqutariittut pilluarneq isertugaateqarpoq inunnut sapinngisamik amerlanerpaanut agguaassinissamut peqataasinnaaqqullutit.
6 Ilaqutariit Guutimut tunaarinnittut anersaakkut pissatsinneqassapput ataasiussuseqarlutillu Satanillu saassussinerinut akiuussinnaanissaminnut piareersimassallutik. (1 Tim. 4:7, 8; 1 Pît. 5:8, 9) Ilaqutariinnerup aaqqissugaaneranik Pilersitsisumit siunnersuutit pisartakkavut qujamasuutigeqaagut.