Apeqquteqartarfik

◼ Ataatsimiinnerit pitsaassusaat qutsinnerulersinniarlugu qanoq iliorsinnaavugut?

Ingammik utoqqaanertat ilagiinnilu kiffartortut ataatsimiinnerni saqqummiussassat pisassallu amerlanerit suliarisarmatigik, ilaat isumaqarsinnaapput qatanngutit taakkuinnaat ataatsimiinnerit pitsaassusaannut akisussaaffeqartut. Ataatsimiinnerilli soqutiginartuunissaannut pissarsiffiulluarnarnissaannullu tamarmik peqataasinnaapput. Ataatsimmiittarnivut taaneqartut uku qulit malinnerisigut pitsaanerulersissinnaavavut.

Piareersartarit. Piareersarluarsimagaangatta ataatsimiinnerit soqutiginarnerulersarput. Ilagiinniittut tamarmik piareersarsimagaangata ataatsimiinnerit uummaarinnerulersarput ineriartornarnerulerlutillu. Ataatsimiinnernut aalajangersimasumik najuuttarit: Ataatsimiittut amerlagaangata kajumissinarnerusarpoq, tamatumalu erseqqissarpaa najuuttarnissap pingaaruteqassusia. Piffissaq eqqorlugu aggertarit: Ataatsimiinneq aallartitsinnagu issiavissatsinnut pereersimagutta, aallarniilluni erinarsuummut qinunermullu ilaasinnaavugut taamaalillutalu ataatsimiinneq tamakkiisumik pissarsiffigalugu. Atortussat nassartakkit. Biibili atuagassiallu atorneqartussat nassartarutsigik ataatsimiinneq pissarsiffiginerussavarput. Allamut saasartinnaveersaartarit. Amerlasuut issiavinni saarlerni issiagaangamik tusarnaarluarnerusinnaasutut misigisarput. Isussualunneq perusuersartarfiliaqattaarnerillu allamut saasaarinarput. Oqaloqatigiinnermut peqataasarit. Amerlasuut uppernertik oqaaseqarnikkut ersersittarpassuk, tamarmik nakussatsinneqassapput kajumissillutillu. Naatsunik oqaaseqartarit. Tamatuma amerlanerpaat peqataanissaannut periarfissippai. Akissutivut atuagassiani atuaqqissaarneqartunik tunngaveqartariaqarput. Pisassanut akuersigit. Teokratiimik Atuarfimmi pisassaqaraanni kiffartornermut tunngasunik ataatsimmiinermiluunnit peqataasussaagaanni, piareersarluartariaqarpoq, peqataasussat ilagalugit sungiusarnissamut piffissaqartariaqarluni sapinngisamillu pisassiissutigineqartunut pisinnaajunnaarluni nalunaarnaveersaartariaqarluni. Allat nersualaartakkit. Allat suliniuteqarnerat pingaartillugu oqarfigisakkit. Tamatuma qiimmallatsittarpaat siumukarnerunissaannullu kajumissisittarlugit. Qiimmassaasarit. Ataatsimiinnerit nuannarilerulersarpavut pissarsiffiginerusarlugillu ataatsimiinnerit siorna kingornalu asannittumik ilasseqatigiikkaangatta ineriartornartumillu oqaloqatigiikkaangatta.