’Inuttaaq atisiuk’
1 Kristumiut sallusuisut nalunnginnamikku nuannaarutigeqaat. Silamiut aqqutigisaasa ingerlaffiginnginnissaat ilinniarsimavarput. Taakkua ’isumamikkut inuunermut Guutip pianit avissaarsimapput’ taamaattumillu ’taarsiorput’. (Evf. 4:18) Ajoqersorneqarsimavugut nunarsuarmut naleqqiullugu isumatsigut nutaanngorartuarnissatsinnut inutoqaq iperarlugu inuttaarlu atillugu. — Evf. 4:22-24.
2 Inutoqqap ileqqorlunnerulersikkiartortittarpaatigut mingutsitaanermik toqunermillu kinguneqartumik. Taamaattumik Guutip naalagaaffia pillugu nutaarsiassamik tusarnaarusuttut tamaasa kajumissaarusuppavut ajuallannerit, kamanneq, iluaatsuliorneq, mitallerneq oqaatsillu kanngunartut iperaqqullugit. Guutimit akuerisaarusuttut inutoqaq iperarluinnartariaqarpaat, soorlu atisat ipertuut piiginnarlugit. — Kul. 3:8, 9.
3 Isumakkut kajumissut nutaaq: Inuttaaq atissagaanni isumakkut nutaanngortariaqarpoq. (Evf. 4:23) Qanoq ililluni isumakkut kajumissut nutaanngortinneqarsinnaava siumukartuartitsisumik? Taamaliortoqarsinnaavoq aalajangersimasumik aallussilluartumillu Guutip oqaasia atuaqqissaaraanni taavalu isumaa eqqarsaatigeqqissaaraanni. Taava eqqarsariaaseq nutaaq ineriartortinneqassaaq, Guutip Kristusillu isiginnittaasiattut isiginnittaaseqalerluni. Kristumiutut pissutsit soorlu misiginneqataaneq, inussiarnerneq, maniguunneq, qanilaarneq, kamaginninneq asanninnerlu atiartuleraanni inooriaaseq allanngoriartulissaaq. — Kul. 3:10, 12-14.
4 Silarsuup inuinit immikkuulissaagut inuttaaq atigutsigu. Inooriaatsitta allaanerutissavaatigut. Sallunata oqaluttarpugut allallu ineriartornartunik oqaloqatigisarlugit. Kamannerput nunusarparput narrutsassimanerillu, nillianerit, mitallernerit iluaatsuliornerillu kristumiutut pissutsinik taarsertarpavut. Isumakkeerfiginnittarnitta naliginnaasumik ilimagineqartut akimortarpaat. Tamakku tamaasa piumalluta uummatitsigullu iliuuserisarpagut. — Evf. 4:25-32.
5 Inuttaaq iperanngisaannaruk. Inuttaaq atisimanngikkutsigu Jehovap akuerisaanik pallorfigisinnaanngilarput. Tamanna inuit sallusuissummut kajungerneranut Jehovallu ’inuttaap’ Pinngortitsisuata, unnersiutigineqarneranut ilasaataatiguk. — Evf. 4:24.