Jehovap ajoqersorpaatigut
1 Nunarsuaq tamakkerlugu nunani 233-ni Guutimit siulersorneqartumit ilinniartitsineq maanna ingerlanneqartarpoq. Silarsuaq manna tamatumunnga nalersuussinnaasumik tunniussaqarsinnaanngilaq. Ajoqersuisorsuatta Jehovap sunik iluaqutaasunik ajoqersulereerpaatigut inuuneq naassaanngitsoq siunnertaralugu ajoqersuutigaluta. — Jes. 30:20; 48:17.
2 Atuarfiit Guutimit ajoqersorneqarfivut: Atuarfiit Jehovap innuttaasa ullutsinni iluaqutissarsiffigisaat qimerlooriartigit. Teokratimik Atuarfimmi sapaatip-akunneri tamaasa ilagiinni 87.000-t missaanniittuni oqaluussisartut millioniilikkuutaat nutaarsiassamik nuannersumik oqaluussinissamut pikkorinnerulersinniarlugit ilinniartinneqartarput. Atuarfimmut tamatumunnga ilaanissamut nalunaarnikuuit? Pioneerit Atuarfianni sapaatip-akunneranik marlunnik ingerlanneqartartumik pikkorisarnermut peqataasimasut tusindillit akornanniippit? Pioneerinut nalunaaquttap-akunnerisa piumasaqaataasut ikilisinneqarnerat suli amerlanerusunut periarfissiigunarpoq pioneeritut kiffartulernissamut atuarfimmullu tamatumunnga peqataanissamut. Kiffartortut Atuarfianni oqaatsit atorneqarnerpaat atorlugit silarsuarmi tamarmi qaammatini marlunni pikkorisarneq ingerlanneqartarpoq, tassani utoqqaanertat ilagiinnilu kiffartortut katissimanngitsut teokratiimi akisussaaffimmik annertunerusumik tigusisinnaalernissaminnut piukkunnarsarneqartarput. Utoqqaanertat ilagiinnilu kiffartortut tamarmik Guutip Naalagaaffianut Kiffartornermut Atuarfimmi akuttusuumik ilinniartinneqartarput.
3 Napasuliaq Alapernaarsuiffiup Ilinniarfiutaani Pattersonimi naalagaaffimmi New Yorkimiittumi teokratiimi ilinniartitsinerit suli allat atuarfinni immikkut ittuni pingasuni ingerlanneqartarput. Nunanut allanut ajoqersuiartortussat pikkorisarnerat Napasuliaq Alapernaarsuiffiup Biibilimut Atuarfiani Gilead-imi qaammatini tallimani ingerlanneqartarpoq. Nunarsuaq tamakkerlugu Peqatigiiffiup immikkoortortaasa ataatsimiititaliaannut ilaasortat qaammatini marlunni sivisussuseqartumik suliassamik naammassinissaannut iluaqutaasumik pikkorissarneqartarput. 1999-imi maaji aallarnerfigalugu nakkutilliisunut angalasartunut pikkorissarneq nutaaq aallartinneqarpoq qaammatinik marlunnik sivisussilik. Pikkorissarnermi ataatsimi ilinniartunik USA-meersunik Canada-meersunillu 48-nik peqataaffigineqarpoq. Atuarfiit tamakkua aqqutigalugit ilinniartitaanerit Jehovap pilersissimasaasa kingunerinik Jehovap innuttaasa tamarmik iluaqutigingaassavaat.
4 Ilinniartitaaneq sumik siunertaqarpa? Siulersuisoqatigiinni ilaasortaasut ilaat ima nassuiaavoq: „Ilinniartitseriaatsip maannakkut ingerlatatta siunertaraa Jehovap kiffai tamarmik sumi tamaaniittut inerikkiartornissamut Ussatit 1:1-4-mi allaaserineqartutut siulersussallugit.“ Qanortoq Jehovap ’tamatta ajoqersukkap oqaanik’ tunilisigut. — Jes. 50:4.