Jehovap asanninneranik pingaartitsineq pilluaqqussutaasarpoq Immikkoortup aappaa
1 Qaammammi kingullermi tamanna pillugu allaaserisami sisamat eqqaaneqarput, oqaluussitilluta Jehovap asanninneranik pingaartitsinerput qanoq ililluta ersersissinnaaneripput. (1 Joh. 4:9-11) Tamatumuuna tallimat allat eqqartussavavut. Allat anersaakkut ikiorniarlugit ilungersorutta pilluaqquneqangaassaagut.
2 Torrutiinnarlugu oqaluussinikkut: Tamatuma naapertuilluarnermik kaattut imerusuttullu naninissaanut ikiussavaatigut atuagassianik iluaqutaasunik piniassammata. Pitsaassaaq periarfissat tamaasa oqaluussilluni oqaloqatigisavullu kikkulluunniit oqaluussiffigalugit ’piffissaqqissoq atorniarsarigaanni’. (Ef. 5:6) Taamatut oqaluussinermi sapiissuseqalaartariaqarpoq, Guutilli asanninnera inuillu pisariaqartitaat takulluarsinnaagutsigit periarfissaasinnaasut tamaasa oqaluussinermut atorluarniarsarissavavut. — 2 Tim. 1:7, 8.
3 Qatanngutip angutip ajoqersuiartortitap taxartitsisoq oqaloqatigilerpaa pilluaqquneqangaarutigalugulu. Angut soqutiginninnermik ersersitsivoq, pulaaqqinneqarpoq atuaqqissaaqatigineqalerlunilu. Angutip sallusuissut ilassivaa ullumilu utoqqaanertaalluni.
4 Allakkatigut: Timikkut ajoquteqarluni silaluunniit pissutaalluni illumiit illumut angalaarsinnaanngikkaanni, allattoqarsinnaavoq taamaalilluni naatsunnguanik nalunaajaalluni. Naqitaaqqamik, tusarliussamik Biibilimeersumik ullumikkumut tulluartumik ilanngussisinnaavugut imaluunniit allakkanik tigusisoq apeqqutissaqarpat saffiginneqqullugu kajumissaarsinnaavarput. Allakkannut allakkallu puuata qaavanut sumi najugaqarnerit tamatigut allattassavat.
5 Oqarasuaatikkut: Inuit illumiit illumut naapikkuminaatsut angujumallugit oqarasuaat atorluarneqarsinnaavoq. Piareersarluarsimagutta, inussiarnerluta pissuserillutalu angusaqarluarsinnaavugut. Naalagaaffimmi Kiffartorneq-mi februaari 2001-mi, qanoq ilioriarnissamut atoriaannaasunik siunnersuuteqarpoq.
6 Qatanngutip arnap oqarasuaatikkut oqaluussiffigisani aperaa, nammineq ilaquttamilu siunissaat qanoq ikkumaarnersoq eqqarsaatigisimaneraa. Arnaq angerpoq. Oqaluttuarpoq ernumanermik angerlarsimaffimminut mattussimalluni. Qatanngutilli soqutiginninnerata killippaa, pisiniarfimmilu qaninnermi naapikkumammani akuersivoq. Atuaqqissaaqatigineqartalernissani nuannaarluni ilassivaa.
7 Takornartat tikilluaqqullugit: Tullerput asagutsigu, nutaamik ataatsimiigiartoqarpat erngerluta malugissavarput tikilluaqqusaasutullu misigitillugu. (Rom. 15:7) Malugiliuk anersaakkut ajunngitsumik atugaqarnissaanik soqutiginnittut akornaniimmat. Ilumoortumik soqutiginninnitta akeqanngitsumillu Biibilimik atuaqqisaaqatigineqarnissamik neqeroorutip uagutsinnik ikiorneqarnissani kajungerilersinnaavaa.
8 Ileqqorissaarluni: Sallusuissummi pinnersaataasinnaavugut ileqqorissaarnitsigut. (Tit. 2:10) Jehovap Nalunaajaasuisut kusanartumik eqqaaneqarutta Jehovamut ataqqinaataavoq. (1 Pet. 2:12) Immaqalu allaat allat inuunerup aqqutaatigut ingerlalersinnaallutik.
9 Pitsaassaaq eqqarsaatigissallugu qanoq ililluta taakkua tallimat atorlugit Jehovap asannissusersuanik pingaartitsinerput takutissinnaanerlutigu, taamaalillutalu uagut nammineq asanninnerput suliatsigut ersersillugu. (1 Joh. 4:16) Ilimagilluinnassavarput Jehovap naammattorsuarmik pilluaqqujumaaraatigut. — Tuss. 4:4.