Oqaluussinissamut pissutaasut aqqaneq-marluk

Sooq nutaarsiassaq nuannersoq oqaluussissutigalugulu ajoqersuutigisarparput? Imaappa pingaarnerusumik inuit ilumoorusuttut inuunermut aqqutissiunnissaat pingaarnerutillugu oqaluussisartugut? (Matt 7:14) Tamanna ataani allassimasut pissutaasut siullersaraat, pingaarnerpaanngilarli. Oqaluussinermut peqataanissamut pissutaasut aqqaneq-marluk taakku arlaat sorleq pingaarnerpaasoraajuk?

1. Inuunermut annassutaavoq. — Joh 17:3.

2. Ajortunut mianersoqqussutaavoq. — Ez 3:18, 19.

3. Biibilimi siulittuutinik eqquutitsineruvoq. — Matt 24:14.

4. Guutip naapertuilluassusianut ersiutaavoq. Jehovap inuit ajortut allamik isumataarnissaannik periarfissereerlugit suujunnaarsippagit kimilluunniit unnerluutigineqarsinnaanngilaq. — ApS 17:30, 31; 1 Tim 2:3, 4.

5. Jiisusip inuit aamminik pisiarinikuummagit anersaakkut ikiuinitsigut pisussaaffitsinnik eqqortitsivugut. — Rom 1:14, 15.

6. Aammik kuisinermut pisuutitaassanngilagut. — ApS 20:26, 27.

7. Uagut nammineq annannissatsinnut piumasaqaataavoq. — Ez 3:19; Rom 10:9, 10.

8. Tullermut asanninnermik ersiutaavoq. — Matt 22:39.

9. Jehovamut erneranullu naalannermut ersiutaavoq. — Matt 28:19, 20.

10. Pallorfiginninnitsinnut ilaavoq. — Hebr 13:15.

11. Guutimut asanninnitsinnut ersiutaavoq. — 1 Joh 5:3.

12. Jehovap aqqanik illernarsisitsineruvoq. — Es 43:10-12; Matt 6:9.

Oqaluussinermik peqataanitsinnut taakku kisiisa pissutaanngillat. Assersuutigalugu oqaluussinermi uppernerput nakussatsinneqartarpoq Guutimillu suleqateqarneq pisinnaatitaaffigalutigu. (1 Kor 3:9) Oqaluussinermi peqataanitsinnut normu 12 pissutaasut pingaarnerpaartaraat. Qanorluunniit inuit qisuariaraluarpata, oqaluussineq Guutip aqqanik illernarsisitsineruvoq Jehovamullu mitallersunut akissutissaqartitsilluni. (Uss 27:11) Aap ‘soraarnata ajoqersuiuaannarnissatsinnut nutaarsiassallu nuannersup oqaluussissutigiuaannarnissaanut’ (NV) pissutissaqarluarpugut. — ApS 5:42.