Atuagassiat nutaanngitsut atorluakkit

Atuagassiat toqqortariinnarutsigit igiinnarniarutsigilluunniit iluaqutaajunnanngimmata atorluarniarsarisariaqarpavut. Atuagassiaq ataasiinnaq sallusuissummik soqutiginnilersitsisinnaallunilu Jehovap aqqanik torlorfiginnilersitsisinnaavoq. (Rom 10:13, 14) Atuagassiat nutaanngitsut qanoq atorluarneqarsinnaanerannik ataani siunnersuuteqarpoq.

• Oqaluussiffigisartakkami angalaarfigineqakulanngitsumi atuagassiaq angerlarsimasoqanngitsunut nakkartiinnarneqarsinnaavoq. Eqqaamajulli atip, najukkap, oqarasuaatip imaluunniit e-mailip allassimanissaat pingaaruteqarmat.

• Utaqqisarfinni, assersuutigalugu bussit unittarfiini, tamanut oqaluussinermi inuit aperisarsinnaavavut atuagassaqarusunnersut atuagassianillu assigiinngitsunik nutaanngitsunik toqqagassillugu.

• Errorsisarfimmi, utoqqaat illuanni, nakorsiartarfinni assigisaanniluunniit isersimaartarfimmut atuagassianik nutaanngitsunik ilisisoqarsinnaavoq. Eqqaamaneqassaarli pineqartuni atuagassianik ilisisoqarsinnaanersoq akisussaasoq aperineqaqqaassammat. Atuagassiaatitsinnik ilisisoqareersimappat iliseqqittoqartariaqanngilaq.

• Pulaaqqiinissaq siunertarineqarpat pulaagassap suut pingaartinnerai eqqarsaatigineqassaaq. Meeraqarpa? Angalajumatuujua? Pinngortitamik nuannarisaqarpa? Pulaaqqitassavit soqutigisaanik takutitassannik atuagassiani nutaanngitsuni allaaserisaqarsimanersoq misissuataaruk.

• Soqutiginnittoq angerlarsimanngitsoortittarsimasat kiisami naapikkukku atuagassianik pisimanngisaanik nutaanngitsunik neqeroorfigiuk.