Oqaluussinermi pikkorinnerulerit – Pulaaqqiinikkut

SOOQ PINGAARUTEQARTOQ: Guutip naalagaaffianik tusarliussamik soqutiginnittut ilarpassuisa Guuti pillugu sallusuissut ujarpaat. (Es 55:6) Ilinniartinneranni ineriartortuaqqullugit pulaaqqittassavavut. Inuit nalaattagaat assigiinngittarmata soqutiginniinnarnissaannut ikiorumallugit iliuutsivut allanngorartittarpavut. Biibilimik atuaqqissaaqateqalernissaq anguniarlugu siunertaqartumik pulaarnissamut piareersarluartarutta pulaartarnivut sunniuteqarluarnerussapput.

QANOQ TAAMAALIORSINNAASUTIT:

• Aggeqqipallattarit, immaqa ullualunnguit qaangiukkaangata. – Matt 13:19

• Inussiarnersuugit ataqqinnittuullutillu. Eqqissisimaniarsarigit

• Inussiarnersumik ilassiuk. Pulaakkavit aqqa atoruk. Sooq pulaaqqinnerlutit eqqaasiguk – immaqa apeqqummik akissutissaqarniarlutit, atuagassiaq nutaaq tunniunniarlugu, nittartagarput takutinniarlugu, filmimik takutitsiniarlutit imaluunniit qanoq Biibilimik atuaqqissaartoqartartoq takutinniarlugu. Pulaakkat sammisamik allamik eqqartuerusuppat oqaasissatit naleqqussassavatit. – Fil 2:4

• Allassimaffimmik sammisaqaqatigalugu imaluunniit Biibililersaarummik tunillugu sallusuissutip naatsiiassartaa uummataaniittoq imerteruk. (1 Kor 3:6) Attaveqatigilluarniarsariuk

• Pulaaqqiinissamut tunngaviliigit