Arlalinnik oqaaseqarfiusuni oqaluussinermi suleqatigiinneq

Inuit Guutip naalagaaf­fianik tusarlius­saq nam­min­neq oqaatsimin­nik tusaraangamik­ku tusar­naarumanerusar­put. Im­maqa taman­na pis­sutigalugu “juutit up­perluar­tut inuiaqatigiin­nit qilaap ataaniit­tunit tamanit pisut” ‘tamarmik im­mik­kut inun­nguuseralugu oqaatsimin­nik’ tusagas­sanik nuan­nersunik tusar­nias­sam­mata ukiumi 33-mi piinsip ul­luani Jehova iliuuseqar­poq, naak tamarmik hebræerisut grækerisul­luun­niit paasisin­naagunaraluar­tut. (ApS 2:5, 8) Nalitsin­ni nunani arlalin­nik oqaaseqarfiusuni ilagiit arlal­lit oqaatsini as­sigiin­ngitsuni ataatsimiit­tar­tut ataatsimut oqaluus­sif­figisar­tagaqarsin­naap­put. Ilagiin­ni taak­kunaneersut pulaak­kamin­nut uuminarsin­naasumik akulikip­pal­laamik agger­naveersaajutigalutik tamanut nalunaajaaniarlutik qanoq suleqatigiis­sin­naap­pat?

• 

  Isumasioqatigiigitsi (Uss 15:22): Kif­far­tor­nermik nak­kutil­liisut ilagiin­nut tamanut iluaqutaasumik qanoq oqaluus­sisoqas­sanersoq isumaqatigiit­tariaqar­put. Oqaluus­sif­figisar­tagaat an­ner­tun­ngip­pat, ilagiit oqaluus­sif­figisar­tak­kas­sin­ni oqaaseqatigisatik ilis­sin­nit pulaar­neqar­tan­ngin­nis­saat kis­saatigisin­naavaat. Oqaluus­sif­figisar­tak­kal­li angival­laar­nera pis­sutigalugu akut­toqatigiim­mik naam­mas­sisin­naan­ngik­kunik­ku kis­saatigisin­naavaat oqaluus­sif­figisar­tak­kas­sin­niit­tut tamarmik pulaas­sagisi, nam­min­nerli oqaaserisamin­nik oqaaseqar­tunik soqutigin­nit­toqar­pat taak­kunun­nga nalunaarutigis­sagisi. (od-D qupp. 93 § 37) Ilagiimin­niluun­niit oqaaserineqar­tunik oqalut­tunik ujarler­nermin­ni ikioq­qul­lutik qin­nuigisin­naavaasi, najugarisaat oqaluus­sif­figisar­tak­kamin­nut ilan­ngun­neqar­nias­sam­mata. Eq­qaamajuk najugaqarfim­mi ataatsimi oqaatsit arlal­lit oqaaserineqarsin­naasarmata. Inun­nik paasis­sutis­sanik suliarin­nit­tar­nermut tun­ngatil­lugu inatsisit oqaluus­sinermi sapin­ngisamik naalan­neqar­tariaqar­put.

• 

  Suleqatigiigitsi (Ef 4:16): Il­lit ilagiin­ni kif­far­tor­nermik nak­kutil­liisup siulersuinera maleq­qis­saaruk. Il­lit ilagiin­ni oqaaserineqan­ngitsumik oqalut­tumik Biibilimik atuaq­qis­saaqateqar­pit? Ilagiin­nut oqaluus­sisar­toqatigiin­nul­luun­niit qanit­tumiit­tunut taas­suma oqaasiinik oqalut­tunut tun­niuk­kuk­ku anersaak­kut siuariar­tupal­lan­nerusin­naavoq.

• 

  Piareersaritsi (Uss 15:28; 16:1): Pulaak­kat il­lit oqaluus­sif­figisar­tak­kan­niit­toq al­lamiutut oqalup­pat tusagas­saq nuan­nersoq sapin­ngisan­nik tusarliun­niarsariuk. Aalajangersimasunik oqaasil­lit naapin­nis­saat ilimaginerisigut aam­ma Biibili filmil­lu oqaaserisaan­nut nutser­neqarsimasut elektronik­kik­kut ator­toris­saarutin­nut aanerisigut piareersarsin­naavutit. Aam­ma app-eq JW Language iluaqutigalugu oqaatsit as­sigiin­ngitsut atorlugit aal­lar­niinis­sat ilik­karsin­naavat.