Nakorsar­tittariaqalernis­sannut massakkut piareersarit

Sooq piareersimasariaqarpugut? Naatsorsuutigin­ngisamik nakorsar­tit­tariaqaler­toqarsin­naavoq nap­parsim­mavim­mullu unit­tariaqaler­toqarsin­naal­luni. Taamaat­tumik pinar­tumik pisoqan­ngin­nerani pitsaaner­paamik nakorsar­neqar­nis­san­nut piareersar­nis­samut iluaqutis­sat atorluak­kit. Taamaalioruit takutis­savat inuunermik Jehovallu aak pil­lugu inatsisaanik ataq­qin­nil­lutit. – ApS 15:28, 29.

Sunik piareersaasinnaavit?

• Qinoriarlutit nakorsar­tin­neq pil­lugu aalajangersak­kamik (Forhåndsdirektiv og fuldmagt angående lægebehandling) immersuigit.a Oqaluus­sisar­tut imermut morsutsitaareersimasut Biibililersaarutinik isumagin­nit­tumit immersugas­samik tamatumin­nga pisin­naap­put meeq­qamin­nullu ukiukitsunut Identitetskort-inik piniarsin­naal­lutik

• Naar­tuguit Information til gravide (S-401) utoq­qaaner­tanut piumasin­naavat. Taanna naar­tunermi erninermilu nakorsar­tit­tariaqalis­sagaanni aalajangiil­luar­nis­samut iluaqutigisin­naavat

• Suliaritit­tariaqalis­saguit unitsitaasariaqalis­saguil­luun­niit utoq­qaaner­tat tamanna pil­lugu siumut ilisimatik­kit nap­parsim­mavim­miullu paasitil­lugit Jehovap Nalunaajaasuisa ilaan­nit alak­kar­neqarusul­lutit

Utoqqaanertat qanoq ikiuisinnaappat? Nakorsar­tin­neq pil­lugu aalajangersak­kamik immersuininni ikiuisin­naap­put. Utoq­qaaner­talli nakorsar­tin­nermut tun­ngasunik aalajangiis­sun­navian­ngilaatsit illillu nam­mineq aalajangigas­san­nik isum­merfigin­nin­naviaratik. (Ro 14:12; Ga 6:5) Utoq­qaaner­tat ilageeqatitit suliaritit­tariaqar­nerit pil­lugu paasitik­kuk­kit taak­kua illit sin­nerlutit Nap­parsim­mavin­nut Attaveqar­titanut (KUH) ingerlaan­naq saaf­figin­nis­sap­put.

Napparsimmavinnut Attaveqartitat qanoq ikiuisinnaappat? Qatan­ngutit Nap­parsim­mavin­nut Attaveqar­titatut kif­far­tor­tut upperisar­put aal­laavigalugu aam­mut isigin­nit­taatsitsin­nik nakorsaanermik inatsisilerinermillu sulialin­nut paasititsiniaanis­samik ilin­niar­titaap­put. Taak­kua illit nakorsat nakorsaariaatsinik aam­mik atuif­fiun­ngitsunik eqqar­tueqatigisin­naavaat. Pisariaqas­sap­pat taak­kua nakorsamut ikiuerusut­tumut innersuus­sin­naavaatsit.

ISIGINNAAGASSIAQ NAKORSAARIAATSINUT AAMMIK ATUIFFIUSUNUT TUNNGATILLUGU AALAJANGIILLUARIT ISIGINNAARIARLUGU APEQQUTIT UKU AKIKKIT:

• Video tamanna aam­mik atuif­fiusumik nakorsar­tit­tariaqaler­nis­samut piareersimanis­samut iluaqutigisin­naasan­nik sunik ilin­niarfigaajuk?

  Akissutit