Kuisinnissamut piareersimavit?

1. Inuk il­luliun­ngin­nermini soq­qaar­tariaqar­pa?

INUK il­luliorusut­toq takorlooruk. Nalun­ngilaa qanoq it­tumik il­luliorusun­nerluni. Ingerlaan­naq ator­tus­saminik pisiniariarluni sanalis­sava? Naamik. Aal­lar­titsin­nani pingaarutilim­mik iliuuseqaq­qaar­tariaqar­poq. Aningaasar­tuutis­sani naatsorsoq­qaar­tariaqar­pai. Sooq? Il­lup naam­mas­sinis­saanut akis­saqar­nerluni ilisimasariaqaramiuk. Il­luliorumasup aningaasar­tuutis­sat naatsorsoq­qis­saareersimap­pagit il­lup naam­mas­sinis­saa ilimanar­nerus­saaq.

2. Lukasi 14:28-30 naaper­torlugit, kuisitsin­nak suna eq­qarsaatigisariaqar­piuk?

² Jehovamut asan­nin­nerit qujamasun­neril­lu kajumis­sis­sutigalugit kuisik­kusuler­pit? Taamaap­pat inuup il­luliorumasup aalajangigas­saatut aalajangigas­saqaler­putit. Sooq taamatut oqar­toqarsin­naava? Jiisusip im­minut ajoqersugan­ngor­tut inum­mut il­lulior­tumut as­sersuup­pai. (Lukasi 14:28-30 atuakkit). Eq­qar­tor­paa im­minut ajoqersugan­ngor­neq qanoq nas­sataqar­nersoq. Malis­sagutsigu unam­miniagas­sat piareersimaf­figalugil­lu pil­liuteqariaan­naasariaqar­pugut. (Luk 9:23-26; 12:51-53) Taamaat­tumik kuisitsin­nak Kristusimut ajoqersugan­ngor­nerit qanor­piaq paasisariaqar­nersoq eq­qarsaatigeq­qaar­tariaqar­pat. Taamaalil­lutit kristumiutut kuisimasutut Guutimut kif­far­tor­nin­ni aalajaat­tuar­nis­sat sil­limaf­figinerus­savat.

3. Al­laaserisami suut sam­mis­savavut?

³ Kristusimut ajoqersugan­ngor­neq im­minut akilersin­naava? Ilaana! Kuisimasoq maan­nangaaq siunis­samilu pil­luaq­quneqangaas­saaq. Kuisin­nermut tun­ngatil­lugu apeq­qutit pingaarutil­lit sam­meriar­tigit. Taamaalior­nik­kut apeq­qut una akisin­naalis­savat: “Kuisin­nis­samut piareersimavunga?”

TUNNIULLUIN­NARNERMIK KUISIN­NERMILLU ILISIMASARIAQAKKATIT

4. (a) Tun­niul­luin­nar­neq qanoq paasisariaqar­pa? (b) Mat­thæusi 16:24-mi (NW) eq­qaaneqar­tutut ‘im­minut tunul­liun­neq’ qanoq paasisariaqar­pa?

⁴ Tun­niul­luin­nar­neq qanoq paasisariaqarpa? Kuisitsin­nak Guutimut tun­niul­luin­nar­tariaqar­putit. Jehovamut tun­niul­luin­nar­neq naas­saan­ngitsumik kif­far­torfigerusul­lugu qaman­nga pisumik qinunik­kut neriorsuineruvoq. Guutimut tun­niul­luin­naruit ‘im­minut tunul­liutis­saatit’. (Matthæusi 16:24, NW, atuaruk).b Jehovamit pigineqalis­saatit, taman­nalu im­mik­kut pisin­naatitaaf­fiuvoq. (Rom 14:8) Neriorsus­savat nam­mineq iluarisat pin­nagu taas­sumun­nga kif­far­tor­nerit tamanit pingaar­ner­paatin­niarlugu. Tun­niul­luin­nar­neq Guutimut neriorsuutaavoq pimoorus­sas­saq. Taamatut neriorsueq­qul­luta Jehovap pin­ngitsaalinavian­ngilaatigut. Piumasaqaatigaali neriorsuuter­put eq­qor­tis­sagip­put. – Tuss 116:12, 14.

5. Tun­niul­luin­nar­neq kuisin­nerlu qanoq as­sigiin­ngis­suteqar­pat?

⁵ Tun­niul­luin­nar­neq kuisin­nerlu qanoq as­sigiin­ngis­suteqar­pat? Jehovamut tun­niul­luin­nar­neq al­lat tak­kuan­ni pineq ajor­poq. Kuisin­nerli al­lat najuutsil­lugit, nalingin­naasumik ataatsimeersuar­ner­ni, pisar­poq. Kuisik­kuit inun­nut takutis­savat Jehovamut tun­niul­luin­narsimal­lutit.c Tas­sa ersersis­savat Jehova Guutit uum­matik­kut, tar­nik­kut isumak­kul­lu iluun­ngarlutit aam­ma nukitit tamak­kerlugit asal­lugu taas­sumalu naas­saan­ngitsumik kif­far­torfiginiar­nera aalajangiusimal­luin­narlugu. – Mark 12:30.

6-7. Petrusip al­lagai siul­liit 3:21 (NW) naaper­torlugu sooq kuisin­neq pingaaruteqar­pa?

⁶ Kuisin­nis­saq ilumut pisariaqarpa? Soorlu Noap umiarsuaa up­per­neranut ersiutaasoq il­lit kuisin­nerit Jehovamut tun­niul­luin­narsimanin­nut takus­sutis­saavoq. (1 Petr 3:18-20) Kuisin­nerli ilumut pisariaqar­pa? Aap! Sooq taamaan­nera Petrusip nas­suiar­paa. (1 Petrusi 3:21, NW, atuaruk).d Siul­ler­tut, kuisin­neq ‘an­nas­sutigaar­put’. Jiisusimut up­per­ner­put aam­ma taas­suma uagut pil­luta toquneranik, qilam­mut makititaaneranik maan­nalu ‘Guutip taler­piata tungaani is­sianeranik’ up­perin­nin­ner­put iliuutsitsigut ersersik­kutsigu kuisin­ner­put an­nas­sutigisin­naavar­put. – 1 Petr 3:22.

⁷ Aap­paat­tut, kuisin­neq ‘ilerasuuteqarun­naas­sutigaar­put’. Guutimut tun­niul­luin­nar­nik­kut kuisin­nik­kul­lu taan­na im­mik­kut qanimut at­taveqarfigilis­savar­put. Ilumoor­tumik peq­qis­simigat­ta uter­titsis­sul­lu up­perigatsigu Guutip ajor­tuliatsin­nik isumak­keerfigisin­naavaatigut. Taamaat­tumik Guutimut ilerasuuteqan­ngis­sin­naavugut.

8. Kuisin­niarlutit aalajanger­nin­nut pingaar­ner­tut suna pis­sutaasariaqar­pa?

⁸ Kuisin­niarlutit aalajangernin­nut suut pis­sutaasariaqar­pat? Biibilimik atuaq­qis­saar­til­lutit Jehova pil­lugu ilik­kagar­pas­suaqarsimavutit. Paasisimavat qanoq it­tuunersoq qanorlu ilior­tar­nersoq. Ilik­kak­katit kil­litsis­sutigalugit asangaalersimavat. Jehovamut asan­nin­nerit kuisin­niarlutit aalajanger­nin­nut pis­sutaasariaqar­poq pingaar­ner­paaq.

9. Mat­thæusi 28:19, 20-milu (NW) al­las­simaneratut Ataatap aq­qani, Er­nerup aq­qani anersaal­lu il­ler­nar­tup aq­qani kuisin­neq qanoq paasisariaqar­pa?

⁹ Kuisin­niarlutit aalajanger­nin­nut pis­sutaasoq al­la tas­saavoq Biibilimi ilik­kak­kan­nik up­perin­nin­nerit. Jiisusip ajoqersugan­ngor­titsior­toq­qusinera eq­qarsaatigiuk. (Matthæusi 28:19, 20, NW, atuakkit).e Oqaasii naaper­torlugit inuit kuisit­tut “Ataatap aq­qani, Er­nerup aq­qani anersaal­lu il­ler­nar­tup aq­qani” taamaalior­tariaqar­put. Taman­na qanoq isumaqar­pa? Jehova, Er­nera Jiisusi aam­ma anersaaq il­ler­nar­toq pil­lugit sal­lusuis­sutit Biibilimiit­tut uum­matik­kut iluun­ngarlutit up­perisariaqar­patit. Sal­lusuis­sutit taak­ku sun­niisin­naas­suseqangaar­put kil­litsin­nangaarlutil­lu. (Hebr 4:12) Taak­kua ilaat sam­meriar­tigit.

10-11. Ataataq pil­lugu sal­lusuis­sutit suut ilisimalerlugil­lu up­perilersimavigit?

¹⁰ Ataataq pil­lugu sal­lusuis­sutit kil­litsin­nar­tut uku ilik­karsimasatit eq­qarsaatigik­kit: Aq­qa tas­saavoq Jehova, ‘Qutsin­nerus­saar­tuuvoq’ aam­ma ‘kisimi Guutiuvoq’ ilumoor­toq. (Tuss 83:19; Es 37:16) Pin­ngor­titsisuuvoq, ‘an­nas­sul­lu taas­suman­nga pivoq’. (Tuss 3:9; 36:10) Ajor­timit toqumil­lu an­naan­neqarsin­naaner­put ajor­narun­naarsis­simavaa naas­saan­ngitsumil­lu inuunis­samik neriuuteqalersil­luta. (Joh 17:3) Tun­niul­luin­nar­nik­kut kuisin­nik­kul­lu ersersis­savat Jehovamik Nalunaajaasuul­lutit. (Es 43:10-12, 21) Silarsuaq tamak­kerlugu anersaak­kut ilaqutariin­nut Guutimik pal­lorfigin­nit­tunut ilaalis­saatit. Taak­kua Guutip aq­qanik ilisimatitsisar­ner­tik taaguuteqar­ner­til­lu tul­luusimaarutigaat. – Tuss 86:12.

¹¹ Ataataq pil­lugu Biibilimi ajoqersuutigineqar­tunik ilisiman­nin­neq ataq­qinaataangaarami! Sal­lusuis­sutit taak­ku up­periguk­kit Jehovamut tun­niul­luin­narusulis­saatit kuisil­lutil­lu.

12-13. Er­neq pil­lugu sal­lusuis­sutit suut ilisimalerlugil­lu up­perilersimavigit?

¹² Er­neq pil­lugu sal­lusuis­sutit uku paasigak­kit qanoq misigivit? Jiisusi silarsuarmi kinaas­susilin­ni pingaar­ner­paap tul­leraa. Kajumil­luni uagut pil­luta inuunini uter­titsis­sutitut pil­liutigaa. Uter­titsis­sut up­peralugu iliuutsik­kut ersersik­kutsigu ajor­tuliatsin­nik isumak­keerfigineqarluta Guuti ikin­ngutigilersin­naas­savar­put naas­saan­ngitsumil­lu inuuneq pis­sarsiarisin­naal­lugu. (Joh 3:16) Jiisusi Palasiuneraar­put. Taas­suma kis­saatigaa uter­titsis­sut iluaqutigalugu Guuti qanimut at­taveqarfigis­sagip­put. (Hebr 4:15; 7:24, 25) Guutip naalagaaf­fiani Kun­ngium­mat taan­na aq­qutigalugu Jehovap aq­qi il­ler­narsisis­savaa, ajus­suseq piias­savaa paratiisis­samilu ataavar­tus­sanik pil­luaq­qusis­sal­luni. (Matt 6:9, 10; Saqq 11:15) Jiisusi maligas­siuisoraar­put. (1 Petr 2:21) Maligas­sil­luta inuunermini sutigut tamatigut Guutip piumasaanik ilior­tar­poq. – Joh 4:34.

¹³ Er­neq pil­lugu Biibilimi ajoqersuutigineqar­tut up­perileruk­kit taan­na asalis­savat. Asan­nin­neq taman­na kajumis­sis­sutigalugu Jiisusi ilaarlugu Guutip piumasaanik ilior­nis­samut inuunerit tamaat atorusulis­savat. Kingunerisaanik Jehovamut tun­niul­luin­nar­nis­samut kuisin­nis­samul­lu kil­lin­neqas­saatit.

14-15. Anersaaq il­ler­nar­toq pil­lugu sal­lusuis­sutit suut ilisimalerlugil­lu up­perilersimavigit?

¹⁴ Anersaaq il­ler­nar­toq pil­lugu sal­lusuis­sutit uku paaseq­qaarak­kit qanoq eq­qarsar­pit? Kinaas­susiliun­ngilaq, tas­saavorli Guutip nukinga sulisoq. Jehovap anersaani il­ler­nar­toq atorlugu inuit Biibilimik al­latsip­pai, aam­ma anersaaq il­ler­nar­toq iluaqutigalugu Biibilimi atuak­kavut paasil­lugil­lu maleruarsin­naavavut. (Joh 14:26; 2 Petr 1:21) Anersaani il­ler­nar­toq aq­qutigalugu Jehovap ‘pis­saanermik as­seqan­ngitsumik’ tunisar­paatigut. (2 Kor 4:7) Anersaaq taan­na nakus­satsis­sutigalugu nutaarsias­saq nuan­nersoq oqaluus­sis­sutigisar­par­put, us­ser­nar­tut akior­tar­pavut misilin­neqaativul­lu naam­magalugit atorlugit. Pis­suserisas­sanik ‘anersaap inerititaanik’ ersersitsinis­samut iluaqutigisar­par­put. (Gal 5:22) Guutip tatigin­nitsini anersaaminik qin­nuigigaagan­ni tuk­korluni tunisar­pai. – Luk 11:13.

¹⁵ Tup­pal­ler­nangaarami nalunagu Jehovamik pal­lorfigin­nit­tut kif­far­tor­nermin­ni anersaaq il­ler­nar­toq iluaqutigisin­naagaat! Anersaaq il­ler­nar­toq pil­lugu sal­lusuis­sutit ilik­karsimasatit up­periguk­kit Guutimut tun­niul­luin­nar­nis­samut kuisin­nis­samul­lu kil­lin­neqas­saatit.

16. Maan­namut suut sam­mereer­pavut?

¹⁶ Guutimut tun­niul­luin­nar­nis­samut kuisin­nis­samul­lu aalajangiinerit pingaaruteqangaar­poq. Soorlu sam­mereerip­put, Kristusimut ajoqersugan­ngor­nerup nas­satai – unam­miniagas­sat pil­liutis­sal­lu – kajumil­lutit akuerisariaqar­patit. Pil­luaq­qus­sutis­sal­li tamak­kunan­nga an­ner­tunerungaar­put! Kuisin­neq an­nas­sutigisin­naavat Guutimul­lu ilerasuuteqan­ngin­nis­samik kinguneqarluni. Jehovamut asan­nin­nerit kuisik­kusun­nin­nut pingaar­ner­tut aalajangiisuusariaqar­poq. Aam­ma Ataataq, Er­neq anersaarlu il­ler­nar­toq pil­lugit sal­lusuis­sutit qaman­nga pisumik up­perisariaqar­patit. Sam­meriik­kavut eq­qarsaatigalugit maan­na apeq­qut una qanoq akis­saviuk: “Kuisin­nis­samut piareersimavunga?”

KUISITSINNAK ILIUUSERISARIAQAKKATIT

17. Kuisin­ngin­nermi iliuuserisas­sat ilaat suup­pat?

¹⁷ Kuisin­nis­samut piareersimasutut misigiguit qular­nan­ngilaq Jehovamut qanimut at­taveqalerumal­lutit iliuuser­pas­suaqarsimasutit.f Biibili atuaq­qis­saar­tarak­ku Jehova aam­ma Jiisusi pil­lugit an­ner­tuumik ilisimasaqalersimavutit. Up­persuseqaler­putit. (Hebr 11:6) Jehovap neriorsuutai Biibilimi al­las­simasut tutsuigaatit up­peril­luin­narlugulu Jiisusip pil­liutaa il­lit ajor­timit toqumil­lu an­naan­neqar­nis­san­nut iluaqutigisin­naagit. Ajor­tuliatit peq­qis­simis­sutigingaarlugit Jehovamut isumak­keerfigeq­qusimavutit. Inooriaaserisimasat akueriun­naarlugu Guutip iluarisaanik inooriaaseqalerlutit inuunin­ni al­lan­nguisimavutit. (ApS 3:19) Up­perisat al­lanut oqalut­tuarerusut­tar­pat. Piumasaqaatinik eq­qor­titsigavit oqaluus­sisar­tun­ngorsimavutit kuisiman­ngitsoq maan­nalu ilagiit oqaluus­seqatigisarlugit. (Matt 24:14) Iliuuserisariaqak­katit iliuuserisimagak­kit Jehovap tul­luusimaarutigaatit. Uum­mataa nuan­naar­tingaar­pat. – Uss 27:11.

18. Kuisitsin­nak sunik al­lanik iliuuseqar­tariaqar­pit?

¹⁸ Kuisitsin­nak al­lanik iliuuseqar­tariaqar­putit. Soorlu eq­qaaneqareersoq Guutimut tun­niul­luin­nar­tariaqar­putit. Kisimiitsil­lutit qaman­nga pisumik Guutimut qinugit neriorsorlugu taas­suma piumasaa malil­lugu inoorusul­lutit. (1 Petr 4:2) Taava utoq­qaaner­taqatigiin­ni ataqatigiis­saarisoq paasitiguk kuisik­kusul­lutit. Taas­suma utoq­qaaner­tanik oqaloqateqar­nis­sat isumagis­savaa. Oqaloqatiginis­saat an­nilaangagisariaqan­ngilat, taak­kuami ilisarisimal­lutil­lu asavaatsit. Biibilimi ajoqersuutigineqar­tunik tun­ngaviusunik eq­qar­tueqatigis­savaatsit. Taak­kua qulak­keerusup­paat ajoqersuus­sutit taak­ku aam­ma tun­niul­luin­nar­nerup kuisin­nerul­lu pingaaruteqas­susia paasil­luarsimaneritit. Kuisin­nis­samut piareersimanin­nik isumaqataagunik paasitis­savaatsit ataatsimeersuar­nermi tul­liut­tumi kuisis­sin­naasutit.

KUISEREERUIT ILIUUSERISARIAQAKKATIT

19-20. Kuisereeruit susariaqar­pit, aam­ma qanoq taamaaliorsin­naavit?

¹⁹ Kuisereeruit susariaqar­pit?g Eq­qaamajuk tun­niul­luin­nar­neq neriorsuinerusoq aam­ma Jehovap piumasarigaa taman­na eq­qor­tis­sagit. Taamaat­tumik kuisereeruit tun­niul­luin­nar­nermik neriorsuutit eq­qor­tit­tariaqar­pat. Qanoq taamaaliorsin­naavit?

²⁰ Ilagiin­nut qanit­tumik at­taveqar­tuarit. Kristumiutut kuisimasun­ngoruit qatan­ngutigiis­sor­tanut ilaalis­saatit. (1 Petr 2:17) Tas­sa up­peqatitit anersaak­kut ilaqutaraatit, ataatsimiigiar­tuar­nik­kul­lu ikin­ngutigiin­nersi nakus­satsis­saaq. Ul­lut tamaasa Biibili atuaq­qis­saar­taruk. (Tuss 1:1, 2) Biibilimi atuak­kavit eq­qarsaatigeq­qis­saar­nis­saat pif­fis­saqarfigisaruk. Taava atuak­katit uum­mam­miuliutis­savatit. ‘Qinut­tuin­narit.’ (1 Th 5:17) Uum­mam­mit pisumik qinunik­kut Jehovamut qanin­nerusumik at­taveqalis­saatit. ‘Naalagaaf­fik siul­liul­lugu noq­qaas­sutigiuaruk.’ (Matt 6:33, NW) Oqaluus­sisar­nerup inuunin­ni pingaar­tin­neratigut taamaaliorsin­naavutit. Akulikitsumik oqaluus­sisaruit up­per­nik­kut nukit­tujuas­saatit, im­maqalu al­lat naas­saan­ngitsumik inuunis­samut neriuuteqaler­nis­saan­nut ikius­savatit. – 1 Tim 4:16.

21. Kuisin­neq sumut aq­qutis­siuus­siva?

²¹ Jehovamut tun­niul­luin­nar­nis­samik kuisin­nis­samil­lu aalajangigas­saq inuunin­ni aalajangigas­san­ni pingaar­ner­paavoq. Ilumoor­poq kuisin­neq pil­liutis­sar­taqar­toq. Im­minul­li akilersin­naava? Ilaana! Saatanip silarsuaani atugarliutigilersin­naasatit ‘sivikitsuul­lutil­lu ar­tor­nan­ngil­lat’. (2 Kor 4:17, tastamantitâĸ) Kuisin­neq maan­nangaaq inuunermi pil­luar­neruler­nis­samut siunis­samilu ‘inuuniviup’ pinis­saanut aq­qutis­siuus­sivoq. (1 Tim 6:19) Taamaat­tumik qinunik­kut eq­qarsaatigeq­qis­saaruk apeq­qut una qanoq akis­sanerlugu: “Kuisin­nis­samut piareersimavunga?”