Misigisaq
Kikkunnut tamanut nallittuineq
New Zealandimi qatanngutip arnap Jehova nallittuinerminik qanoq ersersitsisarnersoq pillugu jw.org-imi video isiginnaarpaa. (Es 63:7-9) Ilikkakkani maleruarumallugit allanik ikiuinissaminut periarfissarsiorpoq. Ullorlu taanna kingusinnerusukkut pisiniartilluni arnaq angerlarsimaffeqanngitsoq naapippaa. Nerisassanillu pisiniukkumammagu arnaq akuersivoq. Qatanngutip arnap taanna nerisassanik pajukkamiuk naqitaaraq Aliasuttoqartuassasoraajuk? atorlugu naatsumik oqaluussiffigaa.
Arnaq qialluni oqarpoq Nalunaajaasutut peroriartorsimalluni ukiorpassuilli tamatuma siorna Jehovamut kiffartorunnaarsimalluni. Qanittumili Jehovamut uterusulluni qinunikkut ikioqqusimavoq. Qatanngutip arnap Biibilimik tunivaa, arnarlu misissueqateqarusuppoq.a
Jehova ilaarlugu allanut, ilaatigut ilaquttatsinnut uppeqatitsinnullu, nallittuisinnaavugut. Aamma oqaluussinissamut periarfissarsiornikkut nallittuisinnaavugut.
a Unittooqqasut qanoq ikiorneqarsinnaanersut paasiumallugu allaaserisaq “Uannut uterniaritsi” Napasuliaq Alapernaarsuiffik juuni 2020-moortumiittoq takuuk.