Sorsuffinni pisuussuteqan­ngitsut qanoq aniguissappat? – Biibilimi qanoq allassimasoqarpa?

Naalagaaffiit Peqatigiit (FN) ima nalunaaruteqarput:

• 2023-mi oktobarip 7-ianniit 23-annut Israelimi Gazamilu sakkuaannermi inuit 6.400-nit amerlanerusut toqutaapput aamma 15.200-nit amerlanerusut ikiligaallutik. Taakkua amerlanerpaartaat sakkutuujun­ngillat. Inuit 100.000-likkuutaat angerlarsimaffitsik qimattariaqarsimavaat.

• 2023-mi septembarip 24-at tikillugu Ruslandip Ukrainellu sorsuun­neranni Ukrainemi inuit sakkutuujun­ngitsut 9.701-it toqutaapput aamma 17.748-t ikiligaallutik.

Biibili sorsunnermi eqqugaasunut qanoq neriuutis­saqartitsiva?

Neriuuteqar­nissamut pissutaasoq

Biibilimi siulittuutigineqarpoq Guutip ‘nunarsuarmi tamarmi sorsunnerit soraarsik­kumaarai’. (Tussiaat 46:10) Qilammi naalagaaffik, imaluunniit kunngeqarfik, aqqutigalugu nunarsuarmi naalagaaffiit tamaasa suujunnaarsissavai. (Danieli 2:44) Guutip kunngeqarfiata inuit ajornar­torsiutaat tamaasa iluarsiumaarpai.

Jiisusi Kristusi, Guutip kunngeqarfiani kunngiusoq, qanoq iliorumaartoq maluginiaruk:

• “Annaatissavai piitsoq ikioqqulluni suaartartoq annikil­liortitarlu ikiortis­saaleqisoq. Nallittussavai sanngiitsut piitsullu, piitsullu inuunerat annaatissavaa. Aniguisissavai qunutitaanermit nakuuserfigisaanermillu.” – Tussiaat 72:12-14.

Sorsunnermit eqqugaasut naalliuutaat tamaasa Guutip kunngeqarfini aqqutigalugu atuukkun­naarsissavai.

• “Qulliillu tamaasa isaannit allartissavai. Aamma toqu, aliasunneq, nillianeq anniarnerlu atuukkun­naassapput. Pissutsit ajortut peerupput.” – Saqqummersitat 21:4.

Qanittukkut Guutip kunngeqarfia nunarsuarmi pissutsinut akuliuk­kumaarpoq. ‘Sorsuttut pillugit nalunaarutit’ ullumikkut tusartakkagut Biibilimi siulittuutigineqarput. (Matiusi 24:6) Taakku pisullu allat ersersippaat inuit naalakkersuinerisa ‘ulluini kingullerni’ inuusugut. – Timuutiusimut 2. 3:1.