Kiserliorneq ajornar­torsiutaaleralut­tuinnartoq – Biibilimi qanoq allassimasoqartoq

Nunani tamalaani misissuineq nutaanerusoqa naapertorlugu ersersin­neqarpoq inuit sisamaagaangata ataaseq kiserlior­tuusartoq.

• “Inuit qassinil­luunniit ukiullit sumiluunniit najugaqaraluartut kiserliornermik eqqugaasarput.” – Chido Mpemba, WHO Commission on Social Connection.

Amerlasuut isumaqarput utoqqaat kisimiit­tulluunniit kisimik kiserlior­tuusartut. Aammali inuusuttut, inuit peqqissut, atorfigis­saartut aamma aappallit kiserliorsin­naapput. Inoqatinut attaveqar­tannginneq kiserliornerlu timikkut misigis­sutsikkullu peqqissutsimut sunniuteqartarpoq.

• “Kiserliorneq misigis­susiinnaanngilaq nuanniitsoq. Soorlu ullormut cigarettinik 15-inik pujortartarneq toqqutigineqarsinnaasoq taamatuttaaq kiserliorneq imaluunniit inunnik allanik attaveqar­tannginneq toqqutigineqarsinnaavoq.” – Vivek Murthy, USA-mi nakorsaaneq.

Biibilimi qanoq allassimasoqartoq

Pinngor­titsisitta kiserlior­tuunissarput kissaatiginngilaa. Guutip siunertariuaannarpaa inuit nuannaarutigisaminnik nalerisimaarutigisaminnillu qanimut ikinnguteqassasut.

• Biibilimi najoqqutassiaq: “Guuti Naalagaq oqarpoq: ‘Iluanngilaq inuk kisimiimmat.’” – Mosesimik 1. 2:18.

Guutip kissaatigaa taassuminnga ikinnguteqarneq ineriar­tortissagipput. Neriorsuivoq uagut imminut qanilligutta qanillis­sagaatigut. – Jaaku 4:8.

• Biibilimi najoqqutassiaq: “Pilluarput anersaakkut pisariaqar­titaqar­nerminnik eqqumaf­figinnittut, taakkuami qilaap kunngeqarfia pigaat.” – Matiusi 5:3.

Guutip kissaatigaa allat peqatigalugit kiffartorfigis­sagitsinni. Taamaaliorutta misigis­sutsikkut iluaqutigis­savarput.

• Biibilimi najoqqutassiaq: “Asannit­tuliornissamut ajunngitsulior­nissamullu kajumis­saaqatigiik­kumalluta isumassoqatigiitta. Ataatsimiigias­saarsimasut ilaarnagit qiimmas­saqatigiitta.” – Hebræerit 10:24, 25.

Kiserliornerup iliuuseqarfiginissaata pingaaruteqassusia paasiumallugu atuaruk allaaserisaq: “Ensomhed i en verden fuld af kommunikation.”