Jiisusi piitsoqarun­naartitsissaaq

Nunarsuarmiitilluni Jiisusip inunnut, ingammik piitsunut annikil­liortunullu, asanningaarnini takutittarpaa. (Matiusi 9:36) Allaat inuit pillugit inuunini pilliutigaa. (Matiusi 20:28; Johannesi 15:13) Ungasin­ngitsukkut Jiisusip inunnut asanninnini takuteq­qissavaa Guutip kunngeqarfiani kunngitut pissaanini atorlugu nunarsuarmi piitsuussuseq atuukkun­naarsikkuniuk.

Jiisusi qanoq iliorumaartoq Biibilimi ima allaatigineqarpoq:

• “Ikiortariallit kunngip naapertuil­luarnermik pineqar­tissavai, piitsut ikiussallugit.” – Tussiaat 72:4.

Jiisusip uagut pilluta iliuuserisimasai iliuuseriumaagaalu qujamasuutigalugit qanoq ersersis­sinnaavarput? Ilaatigut taamaaliorsin­naavugut ‘Guutip kunngeqarfia pillugu nutaarsiassanik nuannersunik’ oqaluus­sisarneranik misissuinitsigut. (Lukkarsi 4:43) Atuaruk allaaserisaq “Guutip naalagaaffia suua?”