Jehovap Nalunaajaasuisa Jiisusi upperaat?

Aap. Jiisusi up­peraar­put, taan­nami ima oqar­poq: “Uanga aq­qutaavunga sal­lusuis­sutaal­lungalu inuus­sutaal­lungalu; uak­kuin­naq Ataatamut pisoqarsin­naavoq.” (Johan­nesi 14:6) Jiisusi qilam­miit nunarsuarmukar­toq inuuninilu naam­mal­luin­nar­toq uter­titsis­sutitut pil­liutigigaa up­peraar­put. (Mat­thæusi 20:28) Toqunera makititaaneralu pis­sutigalugit taas­sumun­nga up­per­tut naas­saan­ngitsumik inuuler­nis­samin­nut periarfis­sin­neqar­put. (Johan­nesi 3:16) Aam­ma up­peraar­put maan­na Jiisusi qilam­mi Guutip naalagaaf­fiani qanit­tuk­kut nunarsuarmi eq­qis­sineqalersitsisus­sami kun­ngitut naalak­kersuisoq. (Saq­qum­mersitat 11:15) Jiisusil­li aam­ma ima oqar­nera up­peraar­put: ‘Ataataq uan­nit an­neruvoq.’ (Johan­nesi 14:28) Taamaat­tumik Jiisusi pal­lorfigineq ajor­par­put up­perin­ngin­natsigu tas­saasoq Guuti Ajugaqan­ngitsoq.