Aningaasat ajortunut tamanut sorlaappat?

Akissut Biibilimeersoq

Naamik. Biibilimi eqqaaneqanngilaq aningaasat ajortuusut, imaluunniit ajortunut tamanut sorlaasut. Taama oqartoqaraangat Biibili kukkusumik issuarneqartarpoq. Biibilimimi ima allassimavoq: ‘Aningaasanik asanninneq ajortunut tamanut sorlaavoq.’a – Timuutiusimut 1. 6:10, quppernerup ataani ilanngussaq.

• Aningaasat pillugit Biibilimi qanoq allassimasoqarpa?

• Sooq aningaasanik asanninneq pillugu Biibilimi mianersoq­qussuteqarpa?

• Aningaasat pillugit siunnersuutit Biibilimeersut qanoq iluaqutigisin­naavagut?

• Aningaasat pillugit Biibilimi allassimaffiit

Aningaasat pillugit Biibilimi qanoq allassimasoqarpa?

Aningaasat eqqortumik atoraanni Biibilimi iluaqutaasutut, allaat ‘alanngor­taliisutut’, allaatigineqarput. (Oqaluus­sisartup oqaasii 7:12) Aamma tukkortut Biibilimi nersorneqarput, tamatumani aningaasanik tunisineq aamma pineqarpoq. – Ussatit 11:25.

Aammali aningaasanik pingaar­titsival­laalernissaq Biibilimi mianersoq­qussutigineqarpoq. Ima allassimavoq: “Aningaaserituutut inuussan­ngilasi, pigisasili naammagisigit.” (Hebræerit 13:5) Tassani eqqarsaatigineqarpoq pisuunngor­niarnissaq siunertarinagu aningaasanut eqqortumik isiginnit­taaseqarnissaq. Pisariaqar­tilluin­nakkagut, soorlu nerisassat, atisassat angerlarsimaf­feqarnerlu, naammagalugit inuunissarput anguniar­tuassavarput. – Timuutiusimut 1. 6:8.

Sooq aningaasanik asanninneq pillugu Biibilimi mianersoq­qussuteqarpa?

Inuit piumatuut naassaan­ngitsumik inuuneqaler­navianngillat. (Efesossimiut 5:5) Pissutaasut ilaagaat piumatuuneq guutipilus­siornerummat. (Kolossimiut 3:5) Aamma piumatuut kissaatigisatik piumallugit amerlanertigut najoqqutassiat pitsaasut sumigin­nartarpaat. Biibili naapertorlugu pisuunngupal­lanniartoq ileqqoris­saarunnaartarpoq. (Ussatit 28:20) Immaqa pinerlut­tuliornissamut, soorlu pinngitsaaliilluni akiliisitsiniar­nissamut, peqquserlun­nissamut, pinngitsaaliilluni aallarus­sinissamut imaluunniit toqutsinissamut, ussernar­torsiulersinnaavoq.

Aningaasanut asanninneq ajortumik pissuseqalersitsin­ngikkaluarpal­luunniit ajortunik kinguneqar­titsisinnaavoq. Biibilimi ima allassimavoq: ‘Pisuunngorusuttut ussernartunut, napiarniutinut pilerigisarpas­suarnullu sianiitsorpal­lattunut ajoqutaasunullu nakkaan­nartarput.’ – Timuutiusimut 1. 6:9.

Aningaasat pillugit siunnersuutit Biibilimeersut qanoq iluaqutigisin­naavagut?

Inuunermi najoqqutassiat Guutip iluarisai aningaasat pissutigalugit unioqqutin­ngikkutsigit imminut ataqqineq Guutimillu iluarisaaneq tapersersor­neqarnerlu misigis­savarput. Sapinngisaminnik eqqortulior­niartut Guutip ima neriorsorpai: “Qimanngisaan­narlutillu imminiin­ngisaan­nassavakkit.” (Hebræerit 13:5, 6) Aamma neriorsuivoq ‘inuk tatiginartoq naammattunik pilluaq­qusaassasoq’. – Ussatit 28:20.