UIPPAKAJAARNEQ ILIUUSEQARFIGISINNAAVAT
Siunissaq uippakajaarfiunngitsoq
Ilisimassuseq Biibilimeersoq iluaqutigalugu uippakajaarnaveersaarsinnaavugut. Inuinnaagatta nammineerluta uippakajaarnartut tamaasa atorunnaarsivissinnaanngilavut. Pinngortitsiserpulli taamaaliorsinnaavoq. Allaammi ikiortissatsinnik toqqaasimavoq. Taanna tassaavoq Jiisusi Kristusi. Nunarsuarmiikkallarami nuannersorpassuarnik iliuuseqarpoq, qanittukkullu amerlanerusunik iliuuseqassaaq silarsuaq tamakkerlugu iluaqutigineqartussanik. Ilaatigut Jiisusip ...
SIUNISSAMI NAPPARSIMASUT TAMAASA AJORUNNAARSISSAVAI, AJORUNNAARSITSISAREERPORMI.
“[Jiisusimut] aggiuttarpaat ajuutillit tamaasa, ... ajorunnaarsittarpaalu.” – MATTHÆUSI 4:24.
INUIT TAMAASA NAJUGAQARFISSAQARTILLUGILLU NERISASSAQARTISSAVAI.
“[Kristusimut naalattut] illuliorumaarput namminneq inigisassaminnik viinnequtinillu ikkussuillutik inerititaat nerisassaminnik. Illuliaat allanit inigineqassanngillat ikkussugaalluunniit allanit nerineqassanatik.” – ESAJA 65:21, 22.
NAALAKKERSUINERANI SILARSUAQ TAMAKKERLUGU EQQISSINEQARLUNILU AARLERINARTOQASSANNGILAQ.
“Iluarneq inerilluarumaarpoq, eqqissineqangaarumaarlunilu qaammat peerutserlugu. Immamit immamut naalagaassaaq, kuussuarmillu nunarsuup isuinut. ... Akeraasalu pujualaat aluttussavaat.” – TUSSIAAT 72:7-9.
NAAPERTUILLUANNGINNERIT ATORUNNAARSISSAVAI.
“Nallittussavai sanngiitsut piitsullu, piitsullu inuunerat annaatissavaa. Aniguisissavai qunutitaanermit nakuuserfigisaanermillu.” – TUSSIAAT 72:13, 14.
NAALLIUNNERIT TOQULU ATORUNNAARSISSAVAI.
“[Toqu] peerukkumaarpoq, aliasuttoqarunnaarlunilu nilliasoqarunnaarlunilu anniartoqarunnaassaaq.” – SAQQUMMERSITAT 21:4.