Teknologiip sunniutai meeqqannut

Taamaat­torli meeq­qat sivisuumik inter­netimik atuisar­tut uku ajor­nar­torsiutigisarsin­naavaat:

• Ator­toris­saarutinik pin­ngitsuuisin­naajun­naar­neq.

• Inter­netik­kut qin­ngasaar­neqar­neq qin­ngasaarinerluun­niit.

• Por­nografiinik isigin­naar­neq, aam­ma nalaatsor­nik­kut.

EQQUMAFFIGISASSAT

PINNGITSUUISINNAAJUNNAARNEQ

Inter­netik­kut sam­misat, as­sersuutigalugu spil­lit, uerinar­torujus­suup­put. Atuak­kat ilaan­ni ima al­las­simasoqar­poq: “Mobilini ap­p-it alaruminaatsun­ngorlugit sananeqar­tar­put.” (Reclaiming Conversation) Sooq taamatut sananeqar­tar­pat? Ap­p-imi pilerisaarutinik isigin­naaraangat­ta ap­p-ilior­tut aningaasan­nat­tarmata.

EQQARSAATIGIUK: Meeq­qatit ator­toris­saarutimin­nik atuival­laar­pat? Pif­fis­samin­nik atuil­luar­nerunis­saan­nut qanoq ikiorsin­naavigit? – EFESOSIMIUT 5:15, 16.

QINNGASAARINEQ

Inuit ilaat inter­netik­kut at­taveqaqatigiit­tarfin­ni peq­qar­niin­nerusar­put al­lanil­lu qin­ngasaareq­qajaaler­tarlutik.

Inuit al­lat malugeq­qusaagin­narlutik inter­netik­kut peq­qar­niitsumik ingasat­tumil­lu pis­susilersuler­tar­put. Al­lal­lu pisumut aalajangersimasumut qaaq­quneqarsiman­ngin­ner­tik paasil­lugu ajual­lal­lutik qin­ngasaar­neqar­tutut misigisar­put.

EQQARSAATIGIUK: Meeq­qatit inter­netik­kut pis­suseris­saar­tar­pat? (Efesosimiut 4:31) Arlaan­nut akuutin­neqan­ngin­ner­tik ajual­laatigeq­qajaasar­paat?

PORNOGRAFII

Por­nografiinik inter­netik­kut isigin­naar­nis­saq ajor­nan­ngitsuararsuuvoq. Angajoq­qaajusut paasisariaqar­paat nit­tar­tak­kanut por­nografiinik imalin­nut iser­naveeq­qutaasunik program­meqaraluar­toq taak­ku ilaan­nik­kut iluaqutaan­ngitsoorsin­naasar­tut.

As­sinik atoqatigiin­nis­samut pileritsan­nar­tunik nas­sius­sineq tigusaqar­nerlu (sexting) inatsisitigut kinguneqar­tin­neqarsin­naavoq. As­sersuutigalugu nunat ilaan­ni inuusut­tuaq­qat inuusut­tuaraqatimik as­singinik siaruaas­sisut eq­qar­tuus­sivim­mi sak­kor­tuumik pil­lar­neqarsin­naasar­put.

EQQARSAATIGIUK: Meeq­qatit por­nografiimut qanoq il­lersorsin­naavigit? – EFESOSIMIUT 5:3, 4.

ILIUUSERISINNAASAT

MEEQQATIT ILINNIARTIKKIT

Naak meeq­qat ator­toris­saarutinik elektroniskiusunik atuinis­sar­tik ajor­nar­tin­ngik­kaluarlugu suli ilitsersor­neqar­tariaqar­put. Atuak­kat ilaan­ni eq­qaaneqar­poq meeq­qat ilitsersor­neqaq­qaaratik mobilinik atuinerat nalus­sin­naan­ngitsut im­mamut pis­sin­neran­nut as­sersuun­neqarsin­naasoq.

Siunnersuutit misilikkusutatit toqqakkit, namminerluunniit siunnersuutitit allattukkit.

• Meeq­qatit inter­netik­kut pis­suseris­suunis­samik ilin­niar­tik­kit

• Akuutin­neqan­ngitsutut misigineq qanoq anigor­neqarsin­naasoq meeq­qatil­lu eq­qar­torsiuk

• Meeq­qavit naleq­qutin­ngitsunik inter­netik­kut takusaqar­nis­saa sapin­ngisan­nik pin­ngitsoor­tin­niarsariuk

• Meeq­qavit mobilia misis­sul­lat­taasaruk

• Meeq­qavit mobilimik atuisar­nera kil­lileruk

• Meeq­qavit un­nuk­kut in­nar­nermini mobileqar­tar­nis­saa iner­teq­qutigiuk

• Nereqatigiik­kaangas­si mobileqar­tan­ngin­nis­saq piumasaqaatigiuk