Atuartartut apeqqutaat

Sooq Jehovap Nalunaajaasuisa Biibililersaarutaat nittartakkanut internetikkulluunniit attaveqaqatigiittarfinnut allanut ikkunnissaat inerteqqutaava?

Inuit ilaat eq­qarsar­tar­put Biibililersaarutivut akeqan­ngitsumik neqeroorutigisaratsigit nuus­sin­naal­lugit imaluun­niit nit­tar­tak­kanut inter­netik­kul­luun­niit at­taveqaqatigiit­tarfin­nut ik­kus­sin­naal­lugit. Taman­nali an­ner­tuumik ajor­nar­torsior­titsilersin­naal­lunilu nit­tar­tak­katsin­ni “Atuinermut piumasaqaatit”-nuta akerliuvoq. Atuinermut piumasaqaatini ersaris­sumik al­las­simavoq “nit­tar­tak­kamit matuman­nga as­sinik, Biibililersaarutinik elektroniskiusunik, ilisar­naatinik, nipilersuutinik, as­silis­sanik, filminik imaluun­niit al­laaserisanik inter­netik­kut (nit­tar­tak­kamut suugaluar­tumul­luun­niit, nit­tar­tak­kak­kut avitseqatigiif­fik­kut imaluun­niit at­taveqaqatigiit­tarfik­kut) ingerlatitseq­qiineq” iner­teq­qutaasoq. Sooq taama malit­tarisas­saqar­nis­saq pisariaqar­pa?

Nittartakkatsinni saqqummersitat tamarmik copyrighteqarput, tassa inatsisitigut illersugaapput. Ator­nerluinis­saq pin­ngitsoor­tin­niarlugu taman­na pingaaruteqar­poq. Tunus­sisut inuil­lu al­lat sulinitsin­nik ajoquseerusut­tut Jehovamik Nalunaajaasut al­lal­lu us­sas­saar­niarlugit ilaan­nik­kut Biibililersaarutivut nit­tar­tak­kamin­nut ik­kut­tar­paat. Nit­tar­tak­kanul­li taak­kunun­nga aam­ma qulalersitsiniutit ik­kun­neqar­tar­put. (Tuss 26:4; Uss 22:5) Al­lat pilerisaarutimin­ni, mobilimut ap­p-imin­ni nioq­qutas­siatul­lu tuniniar­tak­kamin­ni al­lani saq­qum­mersitavut jw.org-imul­luun­niit ilisar­naater­put atorsimavaat. Saq­qum­mersitavul­li ilisar­naater­pul­lu inatsisitigut il­lersugaam­mata taamaalior­nerat unitsin­niarlugu eq­qar­tuus­sivim­mut tun­nius­sin­naavavut. (Uss 27:12) Al­lal­li, al­laat qatan­ngutivut, Biibililersaarutitsin­nik nit­tar­tak­kamin­nut ik­kus­sinis­saat jw.org-imul­luun­niit ilisar­naatitsin­nik nioq­qutas­siatut tuniniar­tak­kamin­nut atuinis­saat akuerisarutsigu eq­qar­tuus­siviit taperser­niar­nata aalajangersin­naap­put.

Biibililersaarutivut jw.org-iminngaanniinngitsut ulorianartortaqarsinnaapput. Jehovap taamaal­laat “inus­siaq aalajaal­lunilu silatooq” aq­qutigalugu anersaak­kut nerisas­sanik tunisar­paatigut. (Matt 24:45, NW) “Inus­siaq” taan­na taamaal­laat nit­tar­tak­kat pisor­tatigoor­tut atorlugit anersaak­kut nerisas­sanik pilersuisar­poq – www.pr418.com, tv.jw.org aam­ma wol.jw.org. Mobilinut ap­p-it pisor­tatigoor­tut pingasuin­naap­put – JW Language^®, JW Library^® aam­ma JW Library Sign Language^®. Nit­tar­tak­kat ap­p-il­lu taak­ku pilerisaarutinik Saatanil­lu silarsuaaneersunik imaqan­ngil­lat. Biibililersaarutivul­li nit­tar­tak­kamit imaluun­niit ap­p-imit al­lameersut arlaatigut al­lan­ngor­tin­neqaratarsin­naap­put. – Tuss 18:27; 19:9.

Tamatuma saniatigut Biibililersaarutit nit­tar­tak­kanut al­lanit oqaaseqarfigineqarsin­naan­ngorlugit ik­kuk­kutsigit tunus­sisut al­lal­lu Jehovap peqatigiis­sor­taanik isor­nar­torsiuinis­samut periarfis­saqalis­sap­put. Qatan­ngutit ilaasa inuit taamaat­tut as­sor­tuuteqatigisar­paat, taman­nalu suli an­nerusumik Jehovamut nikanarsaataasar­poq. Al­la naq­qik­kumal­lugu sal­lusuis­sum­mil­lu paasin­nin­nis­saanut ikiorumal­lugu inter­netik­kut taamatut “oqal­lin­nerit” naleq­qutin­ngil­lat. (1 Tim 6:3-5; 2 Tim 2:23-25) Aam­ma inuit ilaat peqatigiis­sor­tat­ta, Siulersuisoqatigiit tamatumanilu ilaasor­tat ataasiak­kaat aq­qi atorlugit nik­kar­tak­kanik inter­netik­kul­lu at­taveqaqatigiit­tarfin­ni profilinik pilersitsisar­put. Taak­kuli ilumoor­tuun­ngil­lat. Siulersuisoqatigiin­nut ilaasor­tat arlaan­naal­luun­niit nit­tar­tagaateqar­nanilu inter­netik­kut at­taveqaqatigiit­tarfim­mi profileqan­ngilaq.

Inuit jw.org-imut innersuukkaangatsigit nutaarsiassamik nuannersumik oqaluussinerput tapersertarparput. (Matt 24:14) Nit­tar­tak­kavut ap­p-ivul­lu pitsaaneruleriar­tuin­nar­put. Kik­kut tamarmik iluaqutigis­sagaat kis­saatigaar­put. Taamaat­tumik al­lat Biibililersaarutitsin­nik nit­tar­tak­katsin­nul­luun­niit in­nersuus­sum­mik e-mailik­kut nas­sis­sin­naavavut. Taamaalil­luta inuit Jehovap anersaak­kut nerisas­sanik tun­nius­sisar­tus­satuatut toq­qagaanut, ‘inus­siamut aalajaal­lunilu silatuumut’, in­nersuut­tas­savavut.