របៀបដែលអ្នកអាចទទួលប្រយោជន៍ច្រើនបំផុតពីការរៀនគម្ពីរ
មុនដំបូង សូមមើលត្រួសៗ រួចមកលេងវីដេអូ។
ផ្នែកដំបូង
ដើម្បីរៀបចំមេរៀននីមួយៗ សូមអានវគ្គដំបូង រួមទាំង(ក) សំណួរអក្សរដិត និង(ខ) បទគម្ពីរ ដែលបញ្ជាក់ចំណុចសំខាន់ៗ។ សូមកត់សម្គាល់ថា បទគម្ពីរខ្លះមានពាក្យ«សូមអាន»។
ផ្នែកកណ្ដាល
ក្រោមពាក្យបង្កើនចំណេះ (គ) ឃ្លាដំបូងពន្យល់ចំណុចដែលនឹងត្រូវពិចារណា។ (ឃ) ចំណងជើងតូចៗជួយណែនាំឲ្យស្គាល់ចំណុចសំខាន់ៗ។ អានបទគម្ពីរ ឆ្លើយសំណួរ និងមើលវីដេអូជាមួយអ្នកបង្រៀន។
ប្រអប់វីដេអូ ជួយឲ្យយល់ថែមទៀតអំពីអត្ថបទ។ វីដេអូខ្លះជារឿងពិត ឯវីដេអូខ្លះទៀតជាការសម្ដែងអំពីជីវិតមនុស្ស ឬស្ថានភាពដែលអាចកើតឡើងពិត។
(ង) គិតអំពីរូបភាពនិងអក្សរនៅក្រោមរូបភាពនោះ ព្រមទាំង (ច) គិតអំពីរបៀបតបឆ្លើយចំពោះពាក្យដែលនៅត្រង់កន្លែងមនុស្សខ្លះនិយាយថា។
ផ្នែកចុងក្រោយ
នៅត្រង់(ឆ) សេចក្ដីសង្ខេប និងរៀនសាឡើងវិញ ជាការសរុបមេរៀនទាំងមូល។ សរសេរថ្ងៃខែពេលរៀនចប់មេរៀន។ (ជ) ប្រអប់គោលដៅ គឺដើម្បីជួយអ្នកឲ្យធ្វើតាមអ្វីដែលអ្នកបានរៀន។ (ឈ) ប្រអប់ស្វែងយល់ថែមទៀត មានព័ត៌មានបន្ថែមសម្រាប់អ្នកអាចជ្រើសរើសអានឬក៏មើល។
បញ្ជីអត្ថបទ
|
|
|
|
|
របៀបរកបទគម្ពីរ
គម្ពីរមានសៀវភៅតូចៗ៦៦ក្បាលបញ្ចូលគ្នា។ គម្ពីរបានត្រូវចែកជាពីរផ្នែកគឺ បទគម្ពីរជាភាសាហេប្រឺនិងអេរ៉ាម («សញ្ញាចាស់») និងបទគម្ពីរជាភាសាក្រិច («សញ្ញាថ្មី»)។
ក្នុងសៀវភៅនេះ យើងអាចសម្គាល់ថាមួយណាជាបទគម្ពីរ គឺដោយសារ (ក) ឈ្មោះសៀវភៅ ហើយ (ខ) ជំពូក និង (គ) ខ។
ជាឧទាហរណ៍ យ៉ូហាន ១៧:៣ សំដៅលើឈ្មោះសៀវភៅយ៉ូហាន ជំពូកទី១៧ ខ៣។