Jobe
4 Bhenyobho, Elifaji mukwa Temane wa muvutwila, wixi:
2 “Se bhukala muthu umesena kuzwela n’eye, kyanda ku ibhila?
Eme kingitena kudixibha.
3 Eye wexile mulonga athu avulu,
Wexile muswinisa athu aluwala.
4 Eye wexile muswinisa yó abhindamene kikwatekesu,
O jiphuna jateketa wexile mu jiswinisa.
5 Kindala kyakwiza o wíndwa, eye wabhondalala?
Kiki kya mu kuluwalesa?
6 Eye wene muxila Nzambi, kiwala ni kidyelelu?
O ufiyele wé ki u kubhana kidyelelu?
7 O kwila muthu wakambe o kikuma, ujikinina?
Wevwile kya kwila athu ayuka a abwikisa?
8 O yó adima o kuyibha, abhongolola we ima yayibha,
O yó akuna ima ya phulu, abhongolola we phulu.
9 Ene afwa kyoso Nzambi kya atumikisa kitembwe kyanguzu,
Ajikinina mukonda dya njinda yê.
10 O hoji itena kuzuma, o mon’a hoji a mwivwa kyoso kyazuma,
Maji kate mwene o mazu a an’a jihoji a abumuna.
11 Bhwakambe o kudya, o hoji ifwa,
O an’a jihoji a amwanganesa.
12 Sayi muthu weza muzwela n’eme mu kaswekele,
Kyene, sayi muthu wa ngifwetela tumaka.
13 Mu usuku kyoso o athu kyayi ku kilu,
Ngamono isumwa ya ngitandanganyesa.
14 Bhenyobho, ngamateka kuteketa kyavulu,
O wôma wa ngikwata.
15 Kwa ngibhiti kima bhu pholo yami,
Kyabhangesa kwila o ndemba ya mukutu wami imana.
16 Kyene kyemana bhu pholo yami,
Ngalembwa kutongolola o kidifwa kyê,
Ku mesu kwa ngivundile, kuma kwatululukile,
Mu kusuluka ngevu dízwi dyambe:
17 ‘O kwila o muthu wayuka dingi, Nzambi ndenge?
O kwila o muthu wazele dingi, o yó wa mubhange ndenge?’
18 Mwene kadyelela ku jiselevende jê,
Umona we itondalu ku jianju jê,
19 Kwambe-phe dingi o athu a abhange ni mavu!
Ene fufuta yahatu!
Kabhonzo ku asasujula mukwa ni kimbyambyala.
20 Mu kamene ala ni mwenyu, mu usuku afwa,
A abwikisa kate ku hádya ni hádya, kibhwala muthu u axinganeka dingi.
21 Mukwa ni balaka ya holomoka,* mukonda o lungoji a lubatula.
O unjimu a ulembwa kate ku ufwilu wâ.