Nahumu
1 Njimbu yalungu ni kufundisa o mbanza ya Ninive: Divulu dya kisumwa kya Nahumu,* o mukwa Eleko:
2 Jihova, Nzambi umesena kwila, o athu a mubheza ngo mwene. Ukastikala o jinguma jê.
Jihova kajimbi o ima yayibha yene mubhanga o jinguma jê, wa akwatela njinda.
Jihova uvutula phonzo ku jinguma jê,
Wala ni njinda yavulu ya jinguma jê.
3 Jihova mukwa mwanyu,* wala ni kutena kwadikota.
Maji Jihova wanda kastikala yó ala ni kikuma,
Kyoso mwene kyenda, kubhuka kitembwe kyadikota ki bwikisa,
O matuta ene o fufuta ya inama yê.
4 Mwene ubazela o musanza wa kalunga, u ukukutisa.
Ukukutisa o jingiji joso,
O yangu ya Basane ni ya Kalumelu ilela,
O itulu ya Libanu ilela we.
5 O milundu iteketa mukonda dya mwene,
O tumilundu tusengumuka.
O ngongo yanda tunguta bhu pholo yê,
O ngongo, ni oso atungu-mu.
6 Kyoso mwene kyakala ni njinda, nanyi utena kwimana?
Nanyi wanda bhuluka ku njinda yê yadikota?
O njinda yê yanda dimwanga kala túbhya,
Mwene ubhangesa o matadi kubudika.
7 Jihova muthu wambote! Mwene dilengelu mu kizuwa kya jiphaxi.
Ulanga* yó asota o kikwatekesu kyê.
8 Mwene wanda bwika o mbanza ya Ninive ni menya avulu,
O jinguma Jê janda kala mu kitombe.
9 O kwila Jihova mutena ku mubhanga kima kyayibha?
Mwene wanda mijima o mbutu mu lumoxi ngo.
Kanda bhinga kukibhanga luyadi.
10 Akwa Ninive edi kala minya yadibhidika,
Kala athu akodiwa ni uholwa,*
Maji anda jimuka kala yangu yakukuta.
11 Kokwé kwanda tunda muthu wanda mesena kubhanga kyayibha ku mundu wa Jihova,
Muthu ubhana jindunge* ja ibha.
12 Jihova wambe:
“Sumbala akwa Asidya* avulu, ala ni kutena,
Né kiki, eye Judá wanda kwabwika. Ene kanda kala-ku dingi.
Eme nga mu kutatesa, maji ku hádya kinganda kutatesa dingi.*
13 O jinguma jenu kanda mitumina dingi,*
Kimwanda kala dingi mu abhika.
14 Yalungu n’eye,* Jihova wambe kiki:
‘Ku mbutu yé, kikwanda subhuka dingi muthu ni dijina dyé,
Nganda bwika o iteka yosonge ni iteka ya felu ya inzo* ya jinzambi jé.
Nganda kukandela mbila mwenyomo, mukonda kwala ni valolo.’
15 Talenu yó ubheka o njimbu yambote!
Yó utula o njmbu ya kutululuka, wa mukwijila ku milundu!
Eye Judá, bhanga o jifesa jé, kumbidila yoso i wakanena.
Momwé, ki mwa kà bhita dingi muthu wanda bhanga ima yayibha,
Anda mu jikinisa.”